ສານແຫ່ງນຶ່ງຂອງສະເປນ ໄດ້ຕົກລົງທີ່ຈະຮັບຟັງຄະດີຟ້ອງຮ້ອງນຶ່ງ ທີ່ກ່າວຫາວ່າ ອະ ດີດ ປະທານປະເທດຈີນ ທ່ານ ຫູ ຈິນເຖົາ ໄດ້ທໍາການຂ້າລ້າງເຊື້ອຊາດຢູ່ໃນທິເບດ.
ຄະດີຟ້ອງຮ້ອງດັ່ງກ່າວ ທີ່ຍື່ນໂດຍຄະນະກໍາມະການສະໜັບສະໜຸນທິເບດ ຢູ່ໃນນະ ຄອນຫຼວງ Madrid ກ່າວຫາວ່າ ທ່ານ ຫູ ຈິນເຖົາ ເປັນຜູ້ຮັບຜິດ ຊອບຕໍ່ໂຄງການກົດຂີ່ປາບປາມຕ່າງໆ ເວລາທ່ານເປັນເຈົ້າໜ້າທີ່ລະດັບສູງສຸດຂອງຈີນຢູ່ໃນທິເບດ ຈາກປີ 1988 ຫາ ປີ 1992. ສໍານວນຟ້ອງນີ້ຍັງເວົ້າວ່າ ໃນຖານະເປັນປະທານປະເທດຈີນ ຈາກ ປີ 2003 ຫາປີ 2013 ນັ້ນ ທ່ານ ຫູ ຈິນເຖົາ ເປັນຜູ້ຮັບຜິດຊອບຕໍ່ເຫດການກໍ່ອາຊະຍາກໍາ ຕ້ານຊາວທິເບດ ຕື່ມອີກ.
ໃນການຕັດສິນທີ່ນໍາອອກເຜີຍແຜ່ເມື່ອວັນພະຫັດຜ່ານມານີ້ ສານອຸທອນ ແຫ່ງນຶ່ງ ເວົ້າວ່າ ລະບົບກົດໝາຍສະເປນ ອະນຸຍາດໃຫ້ຮັບຟັງຄະດີຟ້ອງຮ້ອງດັ່ງກ່າວນີ້ ກໍຍ້ອນວ່າ ຜູ້ເຄາະຮ້າຍຄົນນຶ່ງໃນເຫດການຂ້າລ້າງເຊື້ອ ຊາດຄັ້ງນັ້ນ ເປັນຊາວສະເປນ.
ຝ່າຍໂຈດຂອງຄະດີນີ້ ເປັນພະສົງອົງນຶ່ງ ຊື່ Thubten Wangchen ຜູ້ທີ່ໄດ້ໃຫ້ສໍາ ພາດກັບວີໂອເອ ພະແນກພາສາທິເບດ ເມື່ອວັນສຸກຜ່ານມາ.
ຈີນໄດ້ຕໍາໜິຕິຕຽນການຕັດສິນຂອງສານສະເປນ ໂດຍກ່າວວ່າ ກິດຈະກໍາໃດໆຂອງທິເບດ ແມ່ນບັນຫາຂອງພາຍໃນປະເທດ. ກະຊວງຕ່າງປະເທດຈີນ ເວົ້າວ່າ ຕົນຄັດຄ້ານຕໍ່ການແຊກແຊງໂດຍປະເທດອື່ນ ເຂົ້າໃນເລຶ່ອງ ພາຍໃນປະເທດຂອງຕົນ.
ຄະດີຟ້ອງຮ້ອງດັ່ງກ່າວ ທີ່ຍື່ນໂດຍຄະນະກໍາມະການສະໜັບສະໜຸນທິເບດ ຢູ່ໃນນະ ຄອນຫຼວງ Madrid ກ່າວຫາວ່າ ທ່ານ ຫູ ຈິນເຖົາ ເປັນຜູ້ຮັບຜິດ ຊອບຕໍ່ໂຄງການກົດຂີ່ປາບປາມຕ່າງໆ ເວລາທ່ານເປັນເຈົ້າໜ້າທີ່ລະດັບສູງສຸດຂອງຈີນຢູ່ໃນທິເບດ ຈາກປີ 1988 ຫາ ປີ 1992. ສໍານວນຟ້ອງນີ້ຍັງເວົ້າວ່າ ໃນຖານະເປັນປະທານປະເທດຈີນ ຈາກ ປີ 2003 ຫາປີ 2013 ນັ້ນ ທ່ານ ຫູ ຈິນເຖົາ ເປັນຜູ້ຮັບຜິດຊອບຕໍ່ເຫດການກໍ່ອາຊະຍາກໍາ ຕ້ານຊາວທິເບດ ຕື່ມອີກ.
ໃນການຕັດສິນທີ່ນໍາອອກເຜີຍແຜ່ເມື່ອວັນພະຫັດຜ່ານມານີ້ ສານອຸທອນ ແຫ່ງນຶ່ງ ເວົ້າວ່າ ລະບົບກົດໝາຍສະເປນ ອະນຸຍາດໃຫ້ຮັບຟັງຄະດີຟ້ອງຮ້ອງດັ່ງກ່າວນີ້ ກໍຍ້ອນວ່າ ຜູ້ເຄາະຮ້າຍຄົນນຶ່ງໃນເຫດການຂ້າລ້າງເຊື້ອ ຊາດຄັ້ງນັ້ນ ເປັນຊາວສະເປນ.
ຝ່າຍໂຈດຂອງຄະດີນີ້ ເປັນພະສົງອົງນຶ່ງ ຊື່ Thubten Wangchen ຜູ້ທີ່ໄດ້ໃຫ້ສໍາ ພາດກັບວີໂອເອ ພະແນກພາສາທິເບດ ເມື່ອວັນສຸກຜ່ານມາ.
ຈີນໄດ້ຕໍາໜິຕິຕຽນການຕັດສິນຂອງສານສະເປນ ໂດຍກ່າວວ່າ ກິດຈະກໍາໃດໆຂອງທິເບດ ແມ່ນບັນຫາຂອງພາຍໃນປະເທດ. ກະຊວງຕ່າງປະເທດຈີນ ເວົ້າວ່າ ຕົນຄັດຄ້ານຕໍ່ການແຊກແຊງໂດຍປະເທດອື່ນ ເຂົ້າໃນເລຶ່ອງ ພາຍໃນປະເທດຂອງຕົນ.
