ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ພວກນັກບິນອະວະກາດ ຂົນເຄື່ອງ ອອກຈາກ ຍານ Dragon (ສະໄລດ໌ກັບວີດີໂອ)


ນີ້ແມ່ນຮູບພາບຍານ Dragon ທີ່ພວກນັກບິນອະວະກາດ ເທິງສະຖານີອະວະກາດນາໆຊາດ ໄດ້ໃຊ້ແຂນທີ່ເປັນຫຸ່ນຍົນ ເກາະເອົາຍານໄວ້ ໃນວັນສຸກທີ 25 ເດືອນພຶດສະພາ 2012.
ນີ້ແມ່ນຮູບພາບຍານ Dragon ທີ່ພວກນັກບິນອະວະກາດ ເທິງສະຖານີອະວະກາດນາໆຊາດ ໄດ້ໃຊ້ແຂນທີ່ເປັນຫຸ່ນຍົນ ເກາະເອົາຍານໄວ້ ໃນວັນສຸກທີ 25 ເດືອນພຶດສະພາ 2012.

ພວກ​ນັກ​ບິນ​ອະວະກາດ​ທີ່ຢູ່​ເທິງ​ສະຖານີ​ອະວະກາດ​ນາໆ​ຊາດ ​ໄດ້​ເປີດ​ປະຕູ​ຍານ
​ອະວະກາດ Dragon ຊຶ່ງ​ເປັນ​ຍານ​ອະວະກາດ​ເອກ​ກະ​ຊົນ ​ທີ່​ສ້າງ​ໂດຍບໍລິສັດ
Space X ຂອງ​ສະຫະລັດ.

ພວກ​ນັກ​ບິນ​ອະວະກາດ ​ໄດ້​ເປີດ​ປະຕູ​ຍານ Dragon ທີ່​ບັນທຸກ​ສຳພາລະ​ເຕັມ​ລຳ ​
ໃນ​ຕອນ​ເຊົ້າຂອງ​ວັນ​ເສົາ​ມື້ນີ້.

ນຶ່ງ​ໃນ​ພວກ​ນັກ​ບິນ​ອະວະກາດ​ກ່າວ​ວ່າ ຢູ່​ຂ້າງ​ໃນ​ຂອງ​ຍານ​ອະວະກາດ​ລຳນີ້ ມີ​ກິ່ນ​
ຄ້າຍຄື​ກັນ​ກັບ​ລົດ​ໃໝ່.

ຍານ​ອະວະກາດ Dragon ​ໄດ້​ເຊື່ອມ​ຕໍ່​ກັບ​ສະຖານີ​ອະວະກາດ​ນາໆ​ຊາດ​ໃນມື້ວັນ​ສຸກ​
ວານ​ນີ້ ຫຼັງຈາກ​ພວກ​ນັກ​ບິນ​ອະວະກາດ​ໄດ້​ໃຊ້​ແຂນ​ທີ່​ເປັນ​ຫຸ່ນ​ຍົນ​ເກາະ ​ເອົາ​ຍານ​ໄວ້.

ຍານ Dragon ຍັງຈະ​ເຊື່ອມ​ຕໍ່​ກັບ​ສະຖານີ​ອະວະກາດ​ນາໆ​ຊາດ ​ເປັນ​ເວລາ​ນຶ່ງອາທິດ
​ເພື່ອ​ໃຫ້​ພວກ​ນັກ​ບິນ​ອະວະກາດ​ເທິງ​ສະຖານີ​ອະວະກາດ​ນາໆ​ຊາດ​ມີ​ເວລາ ຂົນ​ສຳພາລະ​
ທີ່​ໜັກ​ກວ່າ 500 ກິ​ໂລ​ ອອກຈາກ​ຍານ ​ແລະ​ນຳ​ເອົາ​ອຸບປະກອນ​ທີ່​ໃຊ້​ແລ້ວ ​ໄປ​ບັນທຸກ
​ເຂົ້າ​ໃສ່​ຍານ ​ເພື່ອ​ສົ່ງ​ກັບ​ຄືນ​ມາ​ຍັງ​ໂລກມະນຸດ.

XS
SM
MD
LG