ລິ້ງ ສຳຫລັບເຂົ້າຫາ

Space X ສົ່ງຈະຫລວດ ຂຶ້ນສູ່ອາວະກາດໄດ້ແລ້ວ (ສະໄລດ໌)


ຈະຫລວດທີ່ມີຊື່ວ່າ Space X ໄດ້ຖືກສົ່ງຂຶ້ນອະວະກາດ ໃນຕອນເຊົ້າມຶດມື້ນີ້ ວັນທີ່ 22, 2012 ທີ່ຖານສົ່ງຈະຫລວດ ຢູ່ Cape Canival, ລັດ Florida.

ຈະ​ຫລວດ​ທີ່ອອກ​ແບບແລະ​ສ້າງ​ໂດ​ຍບໍລິສັດເອກ​ກະ​ຊົນ ​ໄດ້ຖືກ​ສົ່ງ​ຂື້ນ​ຢ່າງ​ສໍາ​ເລັດ​ຜົນ​ ​ ​
ໃນ​ການ​ເດີນທາງ​ຄັ້ງ​ປະຫວັດ​ສາດ​ ​ເພື່ອ​ນໍາ​ເອົາຍານ​ອະວະກາດ​ຂົນ​ສົ່ງສະບຽງຕ່າງ​ໆ
​ໄປ​ໃຫ້​ສະຖານີອາ​ວະ​ກາດນາໆ​ຊາດ.

ບັນດາ​ກ້ອງຖ່າຍໂທລະພາບ​ ​ໄດ້​ຖ່າຍ​ທອດ​ພາບການ​ສົ່ງຂຶ້ນ​ສູ່​ອາ​ວະ​ກາດຢ່າງບໍ່​ມີການ​
ຕິດ​ຂັດຜິດ​ພາດໃດໆ ຍານລໍາລຽງ​ສະບຽງ Dragon capsule ທີ່​ເກາະ​ຕິດ​ກັບ​ຈະ
​ຫລວດ Falcon-9 ​ຂອງ​ບໍລິສັດ Space X ຈາກ​ຖານ​ສົ່ງ​ ທີ່ Cape Canaveral ​ລັດ
Florida ​ໃນ​ຕອນ​ເຊົ້າມືດ​ຂອງ​ວັນ​ອັງ​ຄາ​ນມື້​ນີ້.

ບັນ​ດາ​ຜູ້​ຄວບ​ຄຸ​ມການບິນ Space X ພາກັນ​ຮ້ອງ​ໂຮ ​ແລະ​ໂອບກອດກັນ ສະ​ແດງ
​ຄວາມ​ດີ​ໃຈ ​ເມື່ອ​ໄດ້​ຮັບ​ການ​ຢືນຢັນ​ວ່າ ຍານ​ແລະ​ຈະ​ຫລວດ ​ໄດ້ຂຶ້ນ​ໄປ​ຮອດ​ວົງ​ໂຄຈອນ
ອ້ອມ​ໂລກ​ຢ່າງ​ສໍາ​ເລັດ​ຜົນ ​ແລະ​ແຜ່ນ​ພະ​ລັງ​ງານ​ເກັບ​ແສງ​ຕາ​ເວນ ​ໄດ້​ກາງ​ອອກ​ມາ.

ຈະ​ຫລວດ​ດັ່ງກ່າວ​ມີ​ກໍານົດຖືກ​ສົ່ງ​ຂື້ນ​ໃນ​ມື້ວັນ​ເສົາຜ່ານ​ມາ ​ແຕ່ຖືກ​ລົບ​ລ້າງໃນ​ເວລາພຽງ
ເຄິ່ງວິນາ​ທີ ກ່ອນ​ທີ່​ຈະ​ຫລວດ​ຈະ​ທະຍານ​ຂຶ້ນ​ສູ່​ທ້ອງຟ້າ. ບໍລິສັດ​ Space X ກ່າວ​ວ່າ ​
ເຄຶ່ອງຄອມ​ພີ​ເຕີ ​ໄດ້​ພົບ​ເຫັນ​ມີ​ຄວາມ​ກົດ​ດັນສູງ​ໜ້ອຍ​ນຶ່ງ ​ຢູ່​ໃນ​ເຄື່ອງ​ຈັກ​ໃຫຍ່ຂອງ​
ຈະ​ຫລວດ Falcon 9 ຊຶ່ງບັນດາ​ນັກວິ​ສະວະ​ກອນ ໄດ້​ກວດ​ພົບ​ບັນຫາ​ໃນ​ເວລາ​ຕໍ່​ມາ
ແລະກໍ​ໄດ້ທໍາ​ການ​ແກ້​ໄຂ.

ຄາດ​ວ່າ ຍານ Dragon capsule ຈະ​ໄປ​ເຖິງ​ສະຖານີ​ອາ​ວະ​ກາດນາໆ​ຊາດ​ໃນ​ວັນ​ພະ
ຫັດ​ນີ້ ​ແລະ​ຈະ​ມີການ​ປັບ​ປ່ຽນ​ທີ່​ຫລາຍ​ຄັ້ງ​ຫລາຍ​ຫົນ ກ່ອນ​ທີ່ມັນ​ຈະ​ເຂົ້າ​ຈອດ​ຕິດກັບ
ສະຖານີອາ​ວະ​ກາດ ທີ່​ກໍາລັງໂຄຈອນ​ອອ້ມ​ໂລກ​ຢູ່​ນັ້ນ ໃນມື້​ວັນ​ສຸກ. ​ບັນດາ​ນັກ​ອາ​ວະ
​ກາດ 6 ຄົນ ຢູ່ໃນ​ສະ​ຖານີ​ອາວ​ະກາດ ຈະ​ໃຊ້​ເວລາ​ສອງ​ອາທິດ ເພື່ອ​ທໍາ​ການ​ຂົນ​ຍ້າຍ
ສະບຽງ​ຕ່າງໆ ໜັກ​ກວ່າ 500 ກິໂລ ອອກ​ຈາກ​ຍານ.

ຍານ Dragon capsule ທີ່​ນໍາ​ມາໃຊ້ໃໝ່​ໄດ້​ອີກ​ນັ້ນ ​ຈະກັບ​ຄືນ​ມາ​ຍັງໂລກມະນຸດ
ພ້ອມ​ກັບ​ອຸບປະກອນເກົ່າ ຈາກ​ສະ​ຖານີ​ອາ​ວະ​ກາດນາໆ​ຊາດ.

XS
SM
MD
LG