ລິ້ງ ສຳຫລັບເຂົ້າຫາ

ຍານ Soyuz ນໍາ ນັກອາວະກາດ ໄປເຖິງ ສະຖານີ​ ISS ຢ່າງປອດໄພ (ວີດິໂອ/ສະໄລດ໌)


ຍານອາວະກາດ Soyuz ນໍາເອົາລູກ​ເຮືອ 36 ສູ່ ISS
ຍານອາວະກາດຂອງຣັດເຊຍ ໄດ້ນໍາເອົາລູກ​ເຮືອ​ໃໝ່ ສາມ​ຄົນ
ຂອງສະຖານີອາ​ວະ​ກາດ ນາໆຊາດ ຫລື ISS ອັນ​ມີ ຊາວອາເມ
ຣິກັນ ຊາວຣັດເຊຍ ແລະຊາວອິຕາລີນັ້ນ ​ໄດ້ໄປເຖິງ ສະຖານີ​
ISS ແລ້ວ ຢ່າງປອດໄພ.

ຍານດັ່ງກ່າວນັ້ນໄດ້ໃຊ້ເວລາໃນການເດີນທາງ ບໍ່​ຮອດ 6 ຊົ່ວໂມງ
ຊຶ່ງ​ແມ່ນໄວຫຼາຍ ກວ່າການເດີນທາງ ຕາມປົກກະຕິ ທີ່​ໃຊ້​ເວລາ
2 ວັນ ນັ້ນ.

ຍານ Soyuz ໄດ້ທະຍານ​ຂຶ້ນ​ສູ່​ອາ​ວະ​ກາດ ໃນເຊົ້າວັນພຸດມື້ນີ້ ຈາກບ່ອນ​ສົ່ງ Baikonur Cosmodrome ທີ່ຣັດເຊຍເຊົ່າຈາກ Kazakhstan.

ນັກອາວະກາດຊາວອາເມຣິກັນ ທ່ານນາງ Karen Nyberg, ທ່ານ Fyodor Yurchikin ຊາວຣັດເຊຍ ແລະທ່ານ Luca Parmitano ຊາວອິຕາລີ ຈະໃຊ້ເວລາ 6 ເດືອນ ຢູ່​ເທິງ ສະຖານີອາວະກາດ ເພື່ອທໍາການທົດລອງຕ່າງໆ ຮ່ວມກັນກັບນັກວິທະຍາສາດ ອີກສາມ ທ່ານ ທີ່ຢູ່ທີ່ນັ້ນ​ແລ້ວ.

XS
SM
MD
LG