ເຈົ້າໜ້າທີ່ອອສເຕຣເລຍເວົ້າວ່າ ປະຊາຊົນຫຼາຍພັນຄົນໄດ້ພາກັນຫຼົບໜີຈາກໄຟປ່າ ທີ່ເກີດຂຶ້ນຢູ່ເຂດພາກໃຕ້ຂອງອອສເຕຣເລຍ ຊຶ່ງໄຟປ່າສ່ວນນຶ່ງ ໄດ້ເຜົາໄໝ້ບ້ານຫຼາຍສິບ ຫຼັງຢູ່ໃນລັດ Tasmania ຊຶ່ງເປັນເກາະຕັ້ງຢູ່ທາງພາກໃຕ້ຂອງປະເທດ ນັ້ນ.
ໄຟປ່າດັ່ງກ່າວເກີດຂຶ້ນເມື່ອວັນສຸກຜ່ານມານີ້ ທ່າມກາງຄວາມຮ້ອນເອົ້າເປັນປະວັດການຂອງລະດູຮ້ອນ ທີ່ມີອຸນຫະພູມສູງເຖິງ 40 Celsius ທີ່ເກາະ Tasmania ຊຶ່ງເປັນທີ່ຮູ້ກັນດີວ່າ ປົກກະຕິແລ້ວມີອາກາດໜາວກວ່າເຂດອື່ນໆຂອງປະເທດ.
ຕໍາຫຼວດ Tasmania ປະເມີນເມື່ອຕອນບ່າຍວັນເສົາວານນີ້ວ່າ ຢ່າງໜ້ອຍ 70 ເປີເຊັນຂອງຕຶກອາຄານຖືກທໍາລາຍ ຢູ່ໃນແລະອ້ອມແອ້ມ ຄຸ້ມນ້ອຍໆ Dunalley ທີ່ຢູ່ຫ່າງຈາກ Hobart ເມືອງຫຼວງຂອງລັດ ໄປທາງທິດຕາເວັນອອກ ປະມານ 55 ກິໂລແມັດ.
ທາງການກໍາລັງສືບສວນລາຍງານນຶ່ງທີ່ວ່າ ມີຄົນນຶ່ງເສຍຊີວິດຍ້ອນໄຟໄໝ້ ດັ່ງກ່າວ ແຕ່ຕໍາຫຼວດເວົ້າວ່າ ເທົ່າເຖິງປັດຈຸບັນນີ້ຍັງບໍ່ມີການຢືນຢັນວ່າມີຜູ້ເສຍຊີວິດ.
ໄຟປ່າ ຖືວ່າເປັນເລຶ່ອງທໍາມະດາໃນລະຫວ່າງລະດູຮ້ອນຂອງອອສເຕຣເລຍ. ໃນເດືອນກຸມພາປີ 2009 ນັ້ນ ໄຟປ່າທີ່ເກີດຂື້ນຢູ່ຫຼາຍຮ້ອຍບ່ອນ ໃນທົ່ວລັດ Victoria ພາກໃຕ້ ຊຶ່ງມີຜູ້ເສຍຊີວິດ 173 ຄົນ.
ໄຟປ່າດັ່ງກ່າວເກີດຂຶ້ນເມື່ອວັນສຸກຜ່ານມານີ້ ທ່າມກາງຄວາມຮ້ອນເອົ້າເປັນປະວັດການຂອງລະດູຮ້ອນ ທີ່ມີອຸນຫະພູມສູງເຖິງ 40 Celsius ທີ່ເກາະ Tasmania ຊຶ່ງເປັນທີ່ຮູ້ກັນດີວ່າ ປົກກະຕິແລ້ວມີອາກາດໜາວກວ່າເຂດອື່ນໆຂອງປະເທດ.
ຕໍາຫຼວດ Tasmania ປະເມີນເມື່ອຕອນບ່າຍວັນເສົາວານນີ້ວ່າ ຢ່າງໜ້ອຍ 70 ເປີເຊັນຂອງຕຶກອາຄານຖືກທໍາລາຍ ຢູ່ໃນແລະອ້ອມແອ້ມ ຄຸ້ມນ້ອຍໆ Dunalley ທີ່ຢູ່ຫ່າງຈາກ Hobart ເມືອງຫຼວງຂອງລັດ ໄປທາງທິດຕາເວັນອອກ ປະມານ 55 ກິໂລແມັດ.
ທາງການກໍາລັງສືບສວນລາຍງານນຶ່ງທີ່ວ່າ ມີຄົນນຶ່ງເສຍຊີວິດຍ້ອນໄຟໄໝ້ ດັ່ງກ່າວ ແຕ່ຕໍາຫຼວດເວົ້າວ່າ ເທົ່າເຖິງປັດຈຸບັນນີ້ຍັງບໍ່ມີການຢືນຢັນວ່າມີຜູ້ເສຍຊີວິດ.
ໄຟປ່າ ຖືວ່າເປັນເລຶ່ອງທໍາມະດາໃນລະຫວ່າງລະດູຮ້ອນຂອງອອສເຕຣເລຍ. ໃນເດືອນກຸມພາປີ 2009 ນັ້ນ ໄຟປ່າທີ່ເກີດຂື້ນຢູ່ຫຼາຍຮ້ອຍບ່ອນ ໃນທົ່ວລັດ Victoria ພາກໃຕ້ ຊຶ່ງມີຜູ້ເສຍຊີວິດ 173 ຄົນ.
