ລິ້ງ ສຳຫລັບເຂົ້າຫາ

ການເຈລະຈາ ສັນຕິພາບ ຊູດານໃຕ້ ເລີ້ມຂຶ້ນແລ້ວ ໃນ ເອທິໂອເປຍ (ສະໄລດ໌/ວີດີໂອ)


ບັນດາຜູ້ຕາງໜ້າ ຂອງລັດຖະບານຊູດານໃຕ້ ແລະກຳລັງຂອງ
ພວກກະບົດທີ່ພວມສູ້ລົບເພື່ອທຳການໂຄ່ນລົ້ມລັດຖະບານ ໄດ້ ເປີດການເຈລະຈາສັນຕິພາບແລ້ວ ທີ່ເອທິໂອເປຍ.

ພວກໄກ່ເກ່ຍໃນພູມີພາກຫວັງວ່າ ຈະໃຫ້ບັນລຸການຢຸດຍິງ ໃນ
ບັນຫາຂັດແຍ້ງທີ່ດຳເນີນມາເປັນເວລາ 3 ອາທິດຊຶ່ງໄດ້ແກ່ດຶງ ເອົາປະເທດທີ່ເກີດໃໝ່ທີ່ສຸດໃນໂລກໃຫ້ກ້າວເຂົ້າໄປສູ່ສົງຄາມ
ກາງເມືອງ.

ກະຊວງການຕ່າງປະເທດເອທິໂອເປຍກ່າວວ່າ ການເຈລະຈາ
ໄດ້ເລີ້ມຂຶ້ນໃນວັນສຸກມື້ນີ້ ແລະເວົ້າຕື່ມວ່າ ອົງການພັດທະນາ
ຂອງລັດຖະບານ ໃນເຂດອາຟຣິກາຕາເວັນອອກ ຫຼື IGAD ແມ່ນມີຄວາມໝາຍໝັ້ນ ທີ່ຈະ
ໃຫ້ການຊ່ອຍເຫລືອໃນທຸກວິທີທາງເທົ່າທີ່ເປັນໄປໄດ້.

ການສູ້ລົບກັນ ລະຫວ່າງກອງກຳລັງ ຂອງປະທານາທິບໍດີ Salva Kiir ແລະອະດີດຮອງປະ
ທານາທິບໍດີ Riek Machar ເຮັດໃຫ້ມີຜູ້ເສຍຊີວິດໄປແລ້ວຫຼາຍ ກວ່າ 1,000 ຄົນ.

ທັງສອງຝ່າຍຍັງສືບຕໍ່ສູ້ລົບກັນຂະນະທີ່ການເຈລະຈາເລີ້ມຂຶ້ນ. ມີລາຍງານວ່າ ທະຫານລັດ
ຖະບານພວມເຄື່ອນກຳລັງບຸກເຂົ້າໂຈມຕີເມືອງ Bor ຊຶ່ງເປັນເມືອງເອກຂອງແຂວງ Jonglei ທີ່ຄວບຄຸມໂດຍພວກກະບົດ ເກືອບ 200 ກິໂລແມັດຫ່າງຈາກນະຄອນຫຼວງ Juba ໄປທາງ
ທິດເໜືອ. ແຕ່ແນວໃດກໍຕາມ ຜູ້ບັນຊາການຂອງພວກກະບົດເຕືອນວ່າ ເຂົາເຈົ້າພ້ອມແລ້ວ ທີ່ຈະບຸກໂຈມຕີຈາກເມືອງ Bor ໄປຍັງນະຄອນຫຼວງ Juba.

ຂະນະດຽວກັນ ສະຖານທູດສະຫະລັດທີ່ນະຄອນ Juba ໄດ້ສັ່ງໃຫ້ຍົກຍ້າຍພະນັກງານເພີ້ມ
ຕື່ມ ຍ້ອນສະຖານະການດ້ານຄວາມໝັ້ນຄົງ ທີ່ພວມຊຸດໂຊມລົງ ໃນຊູດານໃຕ້.

XS
SM
MD
LG