ປະທານາທິບໍດີເກົາຫຼີໃຕ້ ທ່ານນາງ Park Geun-hye ເຕືອນ
ເກົາຫຼີເໜືອວ່າ ໂຊລວາງແຜນທີ່ຈະເອົາບາດກ້າວທີ່ໜັກມືຕື່ມ
ຂຶ້ນຕໍ່ເກົາຫຼີເໜືອ ຖ້າຫາກວ່າເກົາຫຼີເໜືອ ຍັງຈະສືບຕໍ່ ພັດທະ
ນາໂຄງການນິວເຄລຍຂອງຕົນ.
ໃນການກ່າວຄຳປາໄສ ທີ່ໄດ້ມີການອອກອາກາດ ທາງໂທລະ
ພາບໃນທົ່ວປະເທດ ຕໍ່ກອງປະຊຸມແຫ່ງຊາດໃນວັນອັງຄານມື້
ນີ້ ທ່ານນາງ Park ປົກປ້ອງການຕັດສິນໃຈ ທີ່ຈະປິດເຂດອຸດ
ສາຫະກຳຮ່ວມ Kaesong ເພື່ອເປັນການຕອບໂຕ້ຕໍ່ການທົດ
ລອງນິວເຄລຍແລະໂຄງການລູກສອນໄຟຂີປະນາວຸດຄັ້ງຫຼ້າ
ສຸດ.
ທ່ານນາງໄດ້ກ່າວຢ້ຳເຖິງການກ່າວຫາກ່ອນໜ້ານີ້ທີ່ວ່າ
Pyongyang ລັກເອົາເງິນຈຳນວນ 100 ລ້ານໂດລ່າຈາກ
ທຸລະກິດຂອງເກົາຫຼີໃຕ້ ທີ່ຈ່າຍລາຍປີ ໃຫ້ພະນັກງານເກົາຫຼີ
ເໜືອ 53 ພັນຄົນທີ່ເຮັດວຽກໃນອຸດສາຫະກຳຮ່ວມນັ້ນ ແລະໃຊ້ເງິນດັ່ງກ່າວໃນໂຄງການນິວເຄລຍ.ທ່ານນາງ Park ໄດ້ບອກກັບຄະນະລັດຖະສະພາວ່າ ນັບຕັ້ງແຕ່ໄດ້ມີການເອົາບາດກ້າວໃນທາງສັນຕິວິທີ “goodwill” ກັບເກົາຫຼີເໜືອທີ່ບໍ່ປະສົບຜົນສຳເລັດແລ້ວນັ້ນ ລັດຖະບານ ຈຳເປັນຕ້ອງ “ເອົາບາດກ້າວ ທີ່ໜັກຂຶ້ນແລະມີປະສິດທີ່ພາບຫຼາຍຂຶ້ນ” ທີ່ຈະເຮັດໃກ້ເກົາຫຼີເໜືອໃນທີ່ສຸດເຫັນໄດ້ວ່າ ໂຄງການພັດທະນານິວເຄລຍຂອງເກົາຫຼີເໜືອນັ້ນ “ພຽງເພື່ອຈະນຳໄປສູ່ການພັງທະລາຍລົງຂອງລະບອບການປົກຄອງຜະເດັດການໄວຂຶ້ນ.”
ເກົາຫຼືເໜືອ ໄດ້ທຳການທົດລອງລູກສອນໄຟໄລຍະໄກ ໃນວັນທີ 7
ກຸມພາ ເພື່ອສົ່ງໃນອັນທີ່ພຽງຢາງເອີ້ນວ່່າ “ດາວທຽມສັງເກດການ
ໂລກ” ຂຶ້ນສູ່ວົງໂຄຈອນ. ການທົດລອງທີ່ວ່ານີ້ ໄດ້ຖືກປະນາມຈາກປະຊາຄົມນາໆຊາດວ່າ ລະເມີດກົດລະບຽບການລົງໂທດຂອງທາງອົງ ການສະຫະປະຊາຊາດ ກ່ຽວກັບການທົດລອງລູກສອນໄຟຂີປະນາວຸດໄລຍະໄກ ຄັ້ງກ່ອນ.
ການທົດລອງທີ່ວ່ານີ້ ມີຂຶ້ນນຶ່ງເດືອນ ຫຼັງຈາກ ເກົາຫຼີເໜືອໄດ້ທຳການທົດລອງນິວເຄລຍ
ຄັ້ງທີ 4 ຂອງຕົນ.