ລິ້ງ ສຳຫລັບເຂົ້າຫາ

ປ. ​ເກົາຫຼີ​ໃຕ້ ປະກາດ ເອົາ​ບາດກ້າວ ​ທີ່​ໜັກ​ມື​ຕື່ມ​ຂຶ້ນ ​ຕໍ່​ເກົາຫຼີ​ເໜືອ


ປະທານາທິບໍດີ​ເກົາຫຼີ​ໃຕ້ ທ່ານນາງ Park Geun-hye ເຕືອນ
​ເກົາຫຼີ​ເໜືອວ່າ ​ໂຊ​ລວາງແຜນ​ທີ່ຈະ​ເອົາ​ບາດກ້າວ​ທີ່​ໜັກ​ມື​ຕື່ມ
​ຂຶ້ນ​ຕໍ່​ເກົາຫຼີ​ເໜືອ ຖ້າ​ຫາກ​ວ່າເກົາຫຼີ​ເໜືອ ຍັງ​ຈະ​ສືບ​ຕໍ່​ ພັດທະ
ນາໂຄງການ​ນິວ​ເຄລຍຂອງ​ຕົນ.

​ໃນ​ການ​ກ່າວ​ຄຳ​ປາ​ໄສ​ ທີ່ໄດ້​ມີ​ການ​ອອກ​ອາກາດ ທາງ​ໂທລະ
ພາບໃນທົ່ວ​ປະ​ເທດ ​ຕໍ່​ກອງ​ປະຊຸມ​ແຫ່ງ​ຊາດ​ໃນ​ວັນ​ອັງຄານ​ມື້
​ນີ້ ທ່ານນາງ Park ປົກ​ປ້ອງ​ການ​ຕັດສິນ​ໃຈ ​ທີ່​ຈະ​ປິດ​ເຂດ​ອຸ​ດ
ສາ​ຫະກຳ​ຮ່ວມ Kaesong ​ເພື່ອ​ເປັນການ​ຕອບ​ໂຕ້​ຕໍ່​ການ​ທົດ
​ລອງ​ນິວ​ເຄລຍ​ແລະ​ໂຄງການລູກ​ສອນ​ໄຟ​ຂີ​ປະ​ນາ​ວຸດຄັ້ງ​ຫຼ້າ​
ສຸດ.

ຂະບວນລົດຂົນສົ່ງ ທີ່ມຸ່ງໜ້າໄປຍັງເຂດອຸດສາຫະກຳຮ່ວມ Kaesong ໃນຂະນະທີ່ເຈົ້າໜ້າທີ່ຂອງເກົາຫຼີເໜືອ ຢືນກວດສອບພາສີ, ຄົນເຂົ້າເມືອງ ແລະເຈົ້າໜ້າທີ່ກັກບໍລິເວນ ໃນໝູ່ບ້ານ Panmunjom ທີ່ເມືອງ Paju, ເກົາຫຼີໃຕ້, 11 ກຸມພາ 2016.

ຂະບວນລົດຂົນສົ່ງ ທີ່ມຸ່ງໜ້າໄປຍັງເຂດອຸດສາຫະກຳຮ່ວມ Kaesong ໃນຂະນະທີ່ເຈົ້າໜ້າທີ່ຂອງເກົາຫຼີເໜືອ ຢືນກວດສອບພາສີ, ຄົນເຂົ້າເມືອງ ແລະເຈົ້າໜ້າທີ່ກັກບໍລິເວນ ໃນໝູ່ບ້ານ Panmunjom ທີ່ເມືອງ Paju, ເກົາຫຼີໃຕ້, 11 ກຸມພາ 2016.

ທ່ານ​ນາງ​ໄດ້​ກ່າວ​ຢ້ຳ​ເຖິງ​ການກ່າວ​ຫາກ່ອນ​ໜ້ານີ້​ທີ່ວ່າ
Pyongyang ລັກເອົາ​ເງິນ​ຈຳນວນ 100 ລ້ານ​ໂດ​ລ່າ​ຈາກ
ທຸລະ​ກິດ​ຂອງ​ເກົາຫຼີ​ໃຕ້ ທີ່​ຈ່າຍ​ລາຍ​ປີ ໃຫ້​ພະນັກງານ​ເກົາຫຼີ
​ເໜືອ 53 ພັນຄົນ​ທີ່​ເຮັດ​ວຽກ​ໃນ​ອຸດສາຫະກຳ​ຮ່ວມ​ນັ້ນ ​ແລະ​ໃຊ້​ເງິນ​ດັ່ງກ່າວ​ໃນ​ໂຄງການ​ນິວ​ເຄລຍ.ທ່ານ​ນາງ Park ​ໄດ້​ບອກ​ກັບ​ຄະນະ​ລັດຖະສະພາ​ວ່າ ນັບ​ຕັ້ງ​ແຕ່​ໄດ້​ມີ​ການ​ເອົາ​ບາດກ້າວ​ໃນ​ທາງ​ສັນຕິ​ວິ​ທີ “goodwill” ກັບ​ເກົາຫຼີ​ເໜືອທີ່​ບໍ່​ປະສົບ​ຜົນສຳ​ເລັດແລ້ວ​ນັ້ນ ລັດຖະບານ​ ຈຳ​ເປັນ​ຕ້ອງ “​ເອົາ​ບາດກ້າວ ​ທີ່​ໜັກຂຶ້ນ​ແລະ​ມີ​ປະສິດ​ທີ່​ພາບຫຼາຍຂຶ້ນ” ທີ່​ຈະເຮັດ​ໃກ້​ເກົາຫຼີ​ເໜືອ​ໃນ​ທີ່​ສຸດ​ເຫັນ​ໄດ້​ວ່າ ​ໂຄງການ​ພັດທະນານິວ​ເຄລຍຂອງ​ເກົາຫຼີ​ເໜືອນັ້ນ “ພຽງ​ເພື່ອ​ຈະ​ນຳ​ໄປ​ສູ່​ການ​ພັງ​ທະລາ​ຍລົງ​ຂອງ​ລະບອບ​ການ​ປົກຄອງ​ຜະ​ເດັດ​ການ​ໄວ​ຂຶ້ນ.”

ຜູ້ນຳເກົາຫຼີເໜືອ ທ່ານ Kim Jong Un ສະແດງປະຕິກິລິຍາ ຕໍ່ການທົດລອງລູກສອນໄຟໄລຍະໄກ ໃນຮູບພາບທີ່ບໍ່ໄດ້ ລະບຸວັນເວລາທີ່ນຳເຜີຍແຜ່ໂດຍອົງການສູນກາງຂ່າວ ເກົາຫຼີເໜືອ (KCNA) ໃນເມືອງ Pyongyang, 7 ກຸມພາ, 2016.

ຜູ້ນຳເກົາຫຼີເໜືອ ທ່ານ Kim Jong Un ສະແດງປະຕິກິລິຍາ ຕໍ່ການທົດລອງລູກສອນໄຟໄລຍະໄກ ໃນຮູບພາບທີ່ບໍ່ໄດ້ ລະບຸວັນເວລາທີ່ນຳເຜີຍແຜ່ໂດຍອົງການສູນກາງຂ່າວ ເກົາຫຼີເໜືອ (KCNA) ໃນເມືອງ Pyongyang, 7 ກຸມພາ, 2016.

​ເກົາ​ຫຼື​ເໜືອ ​ໄດ້​ທຳ​ການ​ທົດ​ລອງລູກ​ສອນ​ໄຟໄລຍະໄກ ​ໃນ​ວັນ​ທີ 7
ກຸມພາ ​ເພື່ອ​ສົ່ງ​ໃນ​ອັນທີ່​ພຽງ​ຢາງ​ເອີ້ນວ່່າ ​“​ດາວ​ທຽມສັງ​ເກດ​ການ
​ໂລກ”
​ ຂຶ້ນສູ່​ວົງ​ໂຄຈອນ. ການ​ທົດ​ລອງ​ທີ່​ວ່າ​ນີ້ ​ໄດ້​ຖືກ​ປະນາມ​ຈາກ​ປະຊາ​ຄົມນາ​ໆ​ຊາດວ່າ​ ລະ​ເມີ​ດກົດ​ລະບຽບ​ການ​ລົງ​ໂທດຂອງ​ທາງ​ອົງ ການ​ສະຫະ​ປະຊາ​ຊາດ ກ່ຽວ​ກັບ​ການ​ທົດ​ລອງ​ລູກ​ສອນ​ໄຟຂີ​ປະ​ນາ​ວຸດໄລຍະໄກ ຄັ້ງ​ກ່ອນ.

ການ​ທົດ​ລອງ​ທີ່​ວ່າ​ນີ້ ມີ​ຂຶ້ນ​ນຶ່ງ​ເດືອນ ຫຼັງ​ຈາກ ​ເກົາຫຼີ​ເໜືອ​ໄດ້​ທຳ​ການ​ທົດ​ລອງນິວ​ເຄລຍ
ຄັ້ງ​ທີ 4 ຂອງຕົນ.

XS
SM
MD
LG