ລິ້ງ ສຳຫລັບເຂົ້າຫາ

ປ. ເກົາຫຼີ​ໃຕ້ ຕົກລົງ ທີ່ຈະຖອນຊື່ ຜູ້ທີ່ທ່ານນາງ ສະເໜີໃຫ້ ເປັນນາຍົກລັດຖະມົນຕີ


ປະທານາທິບໍດີທີ່​ກຳລັງ​ດີ້ນຮົນ​ຕໍ່ສູ້​ຂອງ​ເກົາຫຼີ​ໃຕ້ ທ່ານ​ນາງ Park Geun-hey ກ່າວວ່າ ທ່ານ​ນາງ​ຈະ​ອະນຸຍາດ​ໃຫ້​ສະພາ​ແຫ່ງ​ຊາດ​ຂອງ​ປະ​ເທດ ​ເລືອກ​ເອົາ​ນາຍົກ​ລັດຖະມົນຕີ​ຄົນ​ໃໝ່ ຊຶ່ງ​ເປັນ​ການ​ອ່ອນ​ຍອມ​ທາງ​ການ​ເມືອງ​ທີ່​ສຳຄັນ ​ໃນ​ຂະນະ​ທີ່​ທ່ານ​ນາງ​ຊອກ​ຫາ​ຊ່ອງ​ທາງ ​ເພື່ອ​ໃຫ້ລອດ​ພົ້ນ​ຈາກຂ່າວ​ນອງ​ນັນ ທາ​ງດ້ານການ​ເມືອງ ທີ່​ພວມ​ທະວີ​ຄວາມ ​ຮ້າຍ​ແຮງ​ຂຶ້ນ​ໃນ​ຂະນະ​ນີ້.

ປະທານາທິບໍດີ Park ​ໄດ້​ປະກາດ​ກ່ຽວ​ກັບ​ການ​ຕັດສິນ​ໃຈ​ຂອງ​ທ່ານ​ນາງ​ໃນ​ວັນອັງຄານ​ມື້ນີ້ຫລັງ​ຈາກ​ໄດ້​ພົບ​ປະ​ກັບ​ທ່ານ Chung Sye-kyun ປະທານ​ສະພາແຫ່ງ​ຊາດ ຂອງ ເກົາຫຼີ​ໃຕ້ ທີ່​ຄວບ​ຄຸມ​ໂດຍ​ພັກ​ຝ່າ​ຍຄ້ານ. ນອກ​ຈາກ​ອະນຸຍາດ​ໃຫ້ສະພາ​ເລືອກ​ເອົາ​ນາ ຍົກລັດຖະມົນ​ຕີ​ຄົນ​ໃໝ່​ແລ້ວທ່ານ​ນາງ Park ຍັງ​ໄດ້​ຕົກລົງ ​ໃຫ້​ບຸກຄົນ​ຜູ້ນັ້ນ​ເປັນ​ຜູ້​ຄວບ ​ຄຸມ​ຄະນະ​ລັດຖະບານ.

​ເມື່ອ​ມໍ່ໆ​ມານີ້ ປະທານາທິບໍດີ Park ​ໄດ້​ແຕ່ງຕັ້ງ​ໃຫ້​ທ່ານ Kim Byong-joon ​ເຂົ້າຮັບ​ຕຳ​ແໜ່​ງ ຊຶ່ງ​ສ່ວນ​ໃຫຍ່​ແລ້ວ​ເປັນ​ພຽງ​ພິທີການ​ເທົ່າ​ນັ້ນ ​ແຕ່​ບັນດາ​ສະມາ ຊິກ​ສະພາ​ພັກ​ຝ່າຍ​ຄ້ານ ​ໄດ້​ປະຕິ​ເສດ ​ບໍ່​ຍອມ​ແມ່ນ​ແຕ່​ຈະ​ພິຈາລະນາ ​ເພື່ອ​ໃຫ້ ການ​ອະນຸມັດ​ແກ່​ການ​ແຕ່ງ
ຕັ້ງຜູ້ກ່ຽວ.

ປະທານາທິບໍດີ Park ​ໄດ້​ຖືກ​ໂຈມ​ຕີ​ຍ້ອນ​ມີ​ຄວາມ​ສຳພັນ​ໃກ້​ຊິດ​ສ່ວນ​ໂຕ​ ກັບ​ນາງ Choi Soon-sil ຊຶ່ງ​ເປັນ​ບຸກຄົນ​ລຶກລັບ​ທີ່​ໄດ້​ຖືກ​ຈັບ ​ໃນ​ຂໍ້​ຫາ​ໃຊ້​ອຳນາດ​ໄປ​ໃນ​ທາງ​ຜິດແລະ​ສໍ້​ໂກງ ​ໂດຍ​ຊອກ​ຫາ​ທຶນ​ຫລາຍ​ລ້ານ​ໂດ​ລາ​ຈາກ​ບໍລິສັດ​ໃຫຍ່ໆ​ຂອງ​ເກົາຫລີ​ໃຕ້ ​ໃຫ້​ແກ່​ມູນ
ນິທິ​ທີ່​ທ່ານ​ນາງ​ຄວບ​ຄຸມ​ຢູ່.

​ໃນ​ເຫດການ​ອີກ​ດ້ານ​ນຶ່ງ​ນັ້ນ ​ໄອ​ຍະ​ການ​ໄດ້​ບຸກ​ເຂົ້າ​ໄປ​ກວດຄົ້ນຫ້ອງການ​ຂອງ​ບໍລິສັດ
ອີ​ເລັກ​ໂທ​ຣນິກ Samsung ທີ່​ນະຄອນຫຼວງ​ໂຊ​ລ​ໃນ​ຕອນ​ເຊົ້າ ວັນ​ອັງ ຄານ​ມື້ນີ້. ອົງການ​ຂ່າວ​ຢອນ​ຮັບ​ລາຍ​ງານ​ວ່າ ​ເຈົ້າໜ້າ​ທີ່​ຊອກ​ຫາ​ລາ​ຍງານ​ທີ່​ວ່າ ບໍລິສັດ Samsung ​ໂອນ​ເງິນ ​3 ລ້ານ​ໂດ​ລາໃຫ້​ແກ່​ບໍລິສັດ​ກິລາ​ເຢຍຣະມັນ​ທີ່ ຕັ້ງ​ໂດຍ​ນາງ Choi ​ແລະ​ລູກ​ສາວ​
ຂອງ​ນາງ ຄື​ນາງ Chung You-ra.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG