ລິ້ງ ສຳຫລັບເຂົ້າຫາ

ວິກິດການທາງການເມືອງ ເກົາຫຼີໃຕ້ ອາດສົ່ງ ຜົນກະທົບ ຕໍ່ນະໂຍບາຍຂອງ ເກົາຫຼີເໜືອ


ນາງ Choi Soon-sil, ກາງຊ້າຍໃສ່ໝວກສີດຳ, ລູກສາວຂອງ
ຜູ້ນຳທາງສາສະໜາຄົນໜຶ່ງທີ່ມີສາຍພົວພັນອັນຍາວນານກັບ ປະທານາທິບໍດີ Park Geun-hye, ຖືກຫຸ້ມລ້ອມໂດຍເຈົ້າ
ໜ້າທີ່ ແລະ ສື່ມວນຊົນທີ່ຫ້ອງການໄອຍະການ ໃນກາງ
ນະຄອນຫຼວງ ໂຊລ, ເກົາຫຼີໃຕ້, 31 ຕຸລາ, 2016.

ນາງ Choi Soon-sil, ກາງຊ້າຍໃສ່ໝວກສີດຳ, ລູກສາວຂອງ ຜູ້ນຳທາງສາສະໜາຄົນໜຶ່ງທີ່ມີສາຍພົວພັນອັນຍາວນານກັບ ປະທານາທິບໍດີ Park Geun-hye, ຖືກຫຸ້ມລ້ອມໂດຍເຈົ້າ ໜ້າທີ່ ແລະ ສື່ມວນຊົນທີ່ຫ້ອງການໄອຍະການ ໃນກາງ ນະຄອນຫຼວງ ໂຊລ, ເກົາຫຼີໃຕ້, 31 ຕຸລາ, 2016.

ປະທານາທິບໍດີ ເກົາຫຼີໃຕ້ ທ່ານນາງ Park Guen-hye ໄດ້ປະຕິ ຍານວ່າຈະບໍ່ປ່ອຍໃຫ້ ວິກິດການດ້ານການເມືອງກ່ຽວກັບ ຄວາມເຊື່ອຖືໃນລັດຖະບານຂອງທ່ານນາງ ເຮັດໃຫ້ ຄວາມປອດໄພແຫ່ງຊາດຂອງ ປະເທດເສື່ອມໂຊມລົງ.

ໂຄສົກຂອງປະທານາທິບໍດີ ທ່ານ Jung Youn-kuk ໄດ້ກ່າວຕໍ່ບັນດາ ນັກຂ່າວໃນວັນຈັນ ມື້ນີ້ວ່າ ລັດຖະບານຈະຮັກສາ “ພາບພົດແຫ່ງການກຽມພ້ອມທີ່ແຂງແກ່ນໄວ້ ພາຍໃຕ້ ທຸກໆສະຖານະການ.”

ຖ່າມກາງຄວາມວຸ້ນວາຍທາງການເມືອງ ໃນສັບ ປະດານີ້ ກອງທັບ ເກົາຫຼີໃຕ້ ໄດ້ເລີ່ມຝຶກ ຊ້ອມການທະຫານ Hoguk ປະຈຳປີຂອງ ພວກເຂົາເຈົ້າເຊິ່ງປະກອບມີກອງທັບບົກ, ກອງ ທັບເຮືອ ແລະ ກອງທັບອາກາດ.

ແຕ່ແນວໃດກໍຕາມ, ການເປີດເຜີຍຂ່າວລື ກ່ຽວກັບ ການໃຊ້ອິດທິພົນ ທີ່ລວມມີເພື່ອນທີ່ ສະໜິດກັນມາດົນນານຄົນໜຶ່ງ ຂອງປະທານາທິບໍດີ ກໍໄດ້້ສ້າງຄວາມເສຍຫາຍຢ່າງຮ້າຍ ແຮງ ໃນການຄອບຄອງຕຳແໜ່ງ ຂອງທ່ານນາງ Park ແລະ ຄວາມເຊື່ອຂອງມະຫາຊົນ.

ເມື່ອທ້າຍສັບປະດາທີ່ຜ່ານມາ ທ່ານນາງ Park ໄດ້ໄລ່ບັນດາເຈົ້າໜ້າ ທີ່ອາວຸໂສຄົນສຳ ຄັນຫຼາຍຄົນ ໃນຄະນະລັດຖະມົນຕີຂອງທ່ານນາງ ອອຈາກຕຳແໜ່ງ ໃນການຕອບໂຕ້ຕໍ່ ການປະທ້ວງລັດຖະບານ ແລະ ໄດ້ມີການຮຽກຮ້ອງໃຫ້ທ່ານນາງລາອອກຈາກຕຳແໜ່ງ ຫຼາຍຂຶ້ນກວ່າເກົ່າ ຫຼື ບໍ່ກໍຈະຮ້ອງຟ້ອງທ່ານນາງ.

ນາງ Choi Soon-sil ຜູ້ທີ່ເປັນເງົາໃນໃຈກາງຂອງຂ່າວຊ່າລືຂອງ ປະທານາທິບໍດີໄດ້ເດີນ ທາງກັບຄືນສູ່ນະຄອນຫຼວງ ໂຊລ ຈາກປະ ເທດ ເຢຍລະມັນ ໃນວັນອາທິດວານນີ້, ບ່ອນ ທີ່ລາວ ແລະ ລູກສາວ ຂອງລາວໄດ້ຫຼົບໜີໄປໃນເດືອນກັນຍາທີ່ຜ່ານມາ ເວລາລາຍງານ ກ່ຽວກັບ ການກະທຳຜິດໄດ້ປາກົດອອກເປັນຄັ້ງທຳອິດ.

ທະນາຍຄວາມຂອງລາວ, ທ່ານ Lee Kyung-jae ໄດ້ກ່າວວ່າ ນາງ Choi “ແມ່ນເສຍໃຈ ເປັນຢ່າງຍິ່ງທີ່ໄດ້ເປັນສາເຫດຂອງຄວາມຂ້ອງໃຈ ແລະ ຄວາມທໍ້ແທ້ໃນສັງຄົມ.”

ສາຍພົວພັນຂອງທ່ານນາງ Park ກັບນາງ Choi ໄດ້ມີມານັບຕັ້ງແຕ່ ຊຸມປີ 1970, ໃນ ຊ່ວງເວລາທີ່ພໍ່ຂອງທ່ານນາງ, ທ່ານ Park Chung-hee ໄດ້ປົກຄອງປະເທດ ເກົາຫຼີໃຕ້ ເປັນເວລາ 18 ປີ ຫຼັງຈາກໄດ້ຂຶ້ນກຳຕຳແໜ່ງດ້ວຍການກໍ່ລັດຖະປະຫານ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG