ລິ້ງ ສຳຫລັບເຂົ້າຫາ

ເກົາຫຼີໃຕ້ ເຕືອນ ກ່ຽວກັບ ການຂົ່ມຂູ່ ຂອງພວກ IS ຕໍ່ຖານທັບ ສະຫະລັດ


ລົດຈົດຂຸດ ແລ່ນຜ່ານ ປືນໃຫຍ່ລູກສອນໄຟຂີປະນາ
ວຸດປ້ອງກັນອາກາດສະຍານ ທີ່ຖານທັບອາກາດ Osan ຂອງ ສະຫະລັດ ຕັ້ງໃນເມືອງ Osan, ທາງພາກໃຕ້ຂອງນະຄອນ
ຫຼວງ ໂຊລ.

ລົດຈົດຂຸດ ແລ່ນຜ່ານ ປືນໃຫຍ່ລູກສອນໄຟຂີປະນາ ວຸດປ້ອງກັນອາກາດສະຍານ ທີ່ຖານທັບອາກາດ Osan ຂອງ ສະຫະລັດ ຕັ້ງໃນເມືອງ Osan, ທາງພາກໃຕ້ຂອງນະຄອນ ຫຼວງ ໂຊລ.

ເກົາຫຼີໃຕ້ ກຳລັງຂະຫຍາຍມາດຕະການຮັກສາຄວາມປອດໄພ ເພື່ອປ້ອງກັນ ຄວາມ ເປັນ ໄປໄດ້ ໃນການໂຈມຕີຂອງພວກກຸ່ມລັດອິສລາມ, ຫຼັງຈາກອົງ ການສືບລັບຂອງປະເທດໄດ້ ເຕືອນວ່າ ກຸ່ມກໍ່ການຮ້າຍອາດຈະແນເປົ້າໝາຍ ໃສ່ຄ້າຍທະຫານ ສະຫະລັດ ແລະ ພົນລະ ເຮືອນໃນແຫຼມ ເກົາຫຼີ.

ສູນບໍລິການສືບລັບແຫ່ງຊາດຂອງ ເກົາຫຼີໃຕ້ ຫຼື NIS ໄດ້ກ່າວໃນວັນອາທິດ ວານນີ້ວ່າ ພວກ IS ໄດ້ເປີດເຜີຍລາຍຊື່ຂອງເປົ້າໝາຍກໍ່ການຮ້າຍທີ່ອາດເປັນ ໄປໄດ້ ເຊິ່ງລວມມີທີ່ ຕັ້ງຂອງຄ້າຍທະຫານອາກາດ ເລກທີ 77 ທີ່ເປັນຂອງ ສະຫະລັດ ແລະ ອົງການສົນທິສັນຍາ ແອັດແລັນຕິກເໜືອ ຫຼື NATO ໃນ 21 ປະເທດ, ແລະ ພ້ອມກັບບຸກຄົນຕ່າງໆທີ່ພົວ ພັນກັບພວກເຂົາເຈົ້າ.

ຄ້າຍທະຫານ 4 ແຫ່ງທີ່ຢູ່ໃນລາຍຊື່ເປົ້າໝາຍຂອງພວກ IS ແມ່ນຢູ່ໃນປະເທດ ເກົາຫຼີໃຕ້. ສູນບໍລິການ NIS ໄດ້ລາຍງານວ່າ ລາຍຊື່ດັ່ງກ່າວນັ້ນລວມມີຂໍ້ມູນ ລະບົບກຳນົດທີ່ຕັ້ງພູມ ສາດ ແລະ ຮູບພາບດາວທຽມຈາກ ແຜນທີ່ Google ຂອງຖານທັບອາກາດ ສະຫະລັດ ໃນເມືອງ Osan, Gyeonggi ແລະ Gunsan ໃນພາກເໜືອຂອງແຂວງ Jeolla.

ເສນາທິການຮ່ວມຂອງ ເກົາຫຼີໃຕ້ ໄດ້ກ່າວໃນວັນຈັນມື້ນີ້ວ່າ ນະຄອນຫຼວງ Seoul ກຳລັງ ເຜີຍແຜ່ການສືບລັບ ແລະ ປະສານງານຢ່າງໃກ້ຊິດກັບບັນດາ ເຈົ້າໜ້າທີ່ທະຫານ ສະຫະ ລັດ ກ່ຽວກັບ ການຂົ່ມຂູ່ກໍ່ການຮ້າຍທີ່ອາດເກີດຂຶ້ນ ໄດ້ນີ້.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG