ເກົາຫຼີໃຕ້ກ່າວວ່າ ຕົນໄດ້ຢືນຢັນວ່າ ເຮືອບິນບໍ່ມີຄົນຂັບທີ່ສ້າງ
ຂຶ້ນແບບບໍ່ຄ່ອຍປານີດປານໃດ 3 ລຳ ທີ່ໄດ້ພົບເຫັນຕົກລົງໃນ
ດິນແດນຂອງຕົນ ຫວ່າງບໍ່ເທົ່າໃດເດືອນຜ່ານມານີ້ ແມ່ນມີກຳ
ເນີດມາຈາກເກົາຫຼີເໜືອ.
ທ່ານ Kim Min-seok ໂຄສົກກະຊວງປ້ອງກັນປະເທດເກົາຫຼີ
ໃຕ້ກ່າວວ່າ ບັນດາເຈົ້າໜ້າທີ່ສະຫະລັດ ແລະເກົາຫຼີໃຕ້ ໄດ້ລົງ
ຄວາມເຫັນ ໂດຍໃຊ້ຂໍ້ມູນ GPS ຂອງເຮືອບິນເຫຼົ່ານີ້ ຊຶ່ງທ່ານ
ໃຫ້ຄຳຊີ້ແຈງຕື່ມວ່າ:
“ຫຼັງຈາກວິເຄາະເບິ່ງ ທາງບິນຂອງເຮືອບິນບໍ່ມີຄົນຂັບ 3 ລຳນີ້
ແລ້ວ ໄດ້ມີການຢືນຢັນວ່າ ເຮືອບິນທັງ 3 ລຳ ແມ່ນໄດ້ຖືກວາງລາຍການ ໃຫ້ບິນຂຶ້ນ ຈາກເກົາຫຼີເໜືອ ແລະກຳນົດຈະບິນກັບຄືນ ໄປຍັງເກົາຫຼີເໜືອ ຊຶ່ງເປັນຫຼັກຖານທາງດ້ານວິທະ ຍາສາດຢ່າງຈະແຈ້ງທີ່ພິສູດໃຫ້ເຫັນວ່າ ເກົາຫຼີເໜືອໄດ້ສົ່ງພວກເຮືອບິນບໍ່ມີຄົນຂັບເຫຼົ່ານີ້.”
ທ່ານ Kim ກ່າວຕື່ມວ່າ ການສົ່ງເຮືອບິນບໍ່ມີຄົນຂັບເຫລົ່ານີ້ ເປັນ "ການເກາະຜິດທາງທະ ຫານຢ່າງຈະແຈ້ງ” ທີ່ເປັນການລະເມີດ ຕໍ່ຂໍ້ຕົກລົງສະຫງົບເສິກ ແລະຫ້າມຮຸກຮານຊຶ່ງກັນແລະກັນລະຫວ່າງສອງປະເທດ.
ເຮືອບິນດັ່ງກ່າວ ໄດ້ຖືກພົບເຫັນ ຫຼັງຈາກເກີດອຸບັດເຫດຕົກລົງ ໃນສະຖານທີ່ 3 ແຫ່ງຕ່າງ ກັນ ໃກ້ໆກັບຊາຍແດນ ລະຫວ່າງເກົາຫຼີເໜືອແລະໃຕ້ ໃນທ້າຍເດືອນມີນາ ແລະຕົ້ນເດືອນເມສາຜ່ານມານີ້.
ເຮືອບິນບໍ່ມີຄົນຂັບລຳນຶ່ງ ໄດ້ຖືກພົບເຫັນພ້ອມຮູບພາບ ຂອງສະຖານທີ່ສຳຄັນຕ່າງໆຂອງລັດຖະບານຮວມທັງທຳນຽບສີຟ້າຫຼື Blue House ຂອງປະທານາທິບໍດີເກົາຫຼີໃຕ້ນຳ.
ພຽງຢ້າງໄດ້ປະຕິເສດຢ່າງໜັກແໜ້ນວ່າ ຕົນບໍ່ໄດ້ສົ່ງພວກເຮືອບິນເຫຼົ່ານີ້ ແຕ່ກ່າວວ່າ ລັດ ຖະບານໂຊລ ເປັນຜູ້ປັ້ນແຕ່ງເລື້ອງນີ້ຂຶ້ນມາ ເພື່ອເຮັດໃຫ້ເກົາຫຼີເໜືອເປັນຄົນບໍ່ດີນັ້ນ.
ຂຶ້ນແບບບໍ່ຄ່ອຍປານີດປານໃດ 3 ລຳ ທີ່ໄດ້ພົບເຫັນຕົກລົງໃນ
ດິນແດນຂອງຕົນ ຫວ່າງບໍ່ເທົ່າໃດເດືອນຜ່ານມານີ້ ແມ່ນມີກຳ
ເນີດມາຈາກເກົາຫຼີເໜືອ.
ທ່ານ Kim Min-seok ໂຄສົກກະຊວງປ້ອງກັນປະເທດເກົາຫຼີ
ໃຕ້ກ່າວວ່າ ບັນດາເຈົ້າໜ້າທີ່ສະຫະລັດ ແລະເກົາຫຼີໃຕ້ ໄດ້ລົງ
ຄວາມເຫັນ ໂດຍໃຊ້ຂໍ້ມູນ GPS ຂອງເຮືອບິນເຫຼົ່ານີ້ ຊຶ່ງທ່ານ
ໃຫ້ຄຳຊີ້ແຈງຕື່ມວ່າ:
“ຫຼັງຈາກວິເຄາະເບິ່ງ ທາງບິນຂອງເຮືອບິນບໍ່ມີຄົນຂັບ 3 ລຳນີ້
ແລ້ວ ໄດ້ມີການຢືນຢັນວ່າ ເຮືອບິນທັງ 3 ລຳ ແມ່ນໄດ້ຖືກວາງລາຍການ ໃຫ້ບິນຂຶ້ນ ຈາກເກົາຫຼີເໜືອ ແລະກຳນົດຈະບິນກັບຄືນ ໄປຍັງເກົາຫຼີເໜືອ ຊຶ່ງເປັນຫຼັກຖານທາງດ້ານວິທະ ຍາສາດຢ່າງຈະແຈ້ງທີ່ພິສູດໃຫ້ເຫັນວ່າ ເກົາຫຼີເໜືອໄດ້ສົ່ງພວກເຮືອບິນບໍ່ມີຄົນຂັບເຫຼົ່ານີ້.”
ທ່ານ Kim ກ່າວຕື່ມວ່າ ການສົ່ງເຮືອບິນບໍ່ມີຄົນຂັບເຫລົ່ານີ້ ເປັນ "ການເກາະຜິດທາງທະ ຫານຢ່າງຈະແຈ້ງ” ທີ່ເປັນການລະເມີດ ຕໍ່ຂໍ້ຕົກລົງສະຫງົບເສິກ ແລະຫ້າມຮຸກຮານຊຶ່ງກັນແລະກັນລະຫວ່າງສອງປະເທດ.
ເຮືອບິນດັ່ງກ່າວ ໄດ້ຖືກພົບເຫັນ ຫຼັງຈາກເກີດອຸບັດເຫດຕົກລົງ ໃນສະຖານທີ່ 3 ແຫ່ງຕ່າງ ກັນ ໃກ້ໆກັບຊາຍແດນ ລະຫວ່າງເກົາຫຼີເໜືອແລະໃຕ້ ໃນທ້າຍເດືອນມີນາ ແລະຕົ້ນເດືອນເມສາຜ່ານມານີ້.
ເຮືອບິນບໍ່ມີຄົນຂັບລຳນຶ່ງ ໄດ້ຖືກພົບເຫັນພ້ອມຮູບພາບ ຂອງສະຖານທີ່ສຳຄັນຕ່າງໆຂອງລັດຖະບານຮວມທັງທຳນຽບສີຟ້າຫຼື Blue House ຂອງປະທານາທິບໍດີເກົາຫຼີໃຕ້ນຳ.
ພຽງຢ້າງໄດ້ປະຕິເສດຢ່າງໜັກແໜ້ນວ່າ ຕົນບໍ່ໄດ້ສົ່ງພວກເຮືອບິນເຫຼົ່ານີ້ ແຕ່ກ່າວວ່າ ລັດ ຖະບານໂຊລ ເປັນຜູ້ປັ້ນແຕ່ງເລື້ອງນີ້ຂຶ້ນມາ ເພື່ອເຮັດໃຫ້ເກົາຫຼີເໜືອເປັນຄົນບໍ່ດີນັ້ນ.
