ລິ້ງ ສຳຫລັບເຂົ້າຫາ

ເກົາຫຼີໃຕ້ ສະເໜີຈະທຳ ການເຈລະຈາ ກັບເກົາຫຼີເໜືອ ໃນທຸກໆເລື່ອງ


ແຜນທີ່ ເກົາຫຼີເໜືອ ແລະ ເກົາຫຼີໃຕ້

ແຜນທີ່ ເກົາຫຼີເໜືອ ແລະ ເກົາຫຼີໃຕ້

ເຈົ້າໜ້າ​ທີ່​ອາວຸ​ໂສຄົນ​ໜຶ່ງຂອງເກົາຫຼີ​ໃຕ້ ​ໄດ້ສະ​ເໜີ​ທີ່​ຈະ​ຈັດ
ການ​ເຈລະຈາ​ລະດັບ​ລັດຖະມົນຕີ ກັບ​ເກົາຫຼີ​ເໜືອ ​ເພື່ອ​ປຶກສາ
​ຫາລື​ເລື້ອງ “ຄວາມ​ກັງ​ວັນໃດໆ​ທີ່​ທັງ​ສອງ​ຝ່າຍ​ມີ​ນຳ​ກັນ”
ລວມທັງ ການ​ເຕົ້າ​ໂຮມຄືນ​ໃໝ່ ບັນດາຄອບຄົວ​ທີ່​ໄດ້​ຖືກ​
ແບ່ງ​ແຍກ ​ໂດຍສົງ​ຄາມເກົາຫຼີນັ້ນ.

ທ່ານ Ryo Kihl-jae ລັດຖະມົນຕີປອງ​ດອງຊາດ​ເກົາຫຼີໃຕ້
ຮັບຜິດຊອບ​ກິດຈະການ​ກ່ຽວ​ກັບເກົາຫຼີ​ເໜືອ ຖະ​ແຫລ​ງຕໍ່​
ກອງ​ປະຊຸມ​ນັກ​ຂ່າວ​ ​ໃນ​ວັນ​ຈັນ​ມື້​ນີ້ ວ່າ ​ຕົນໄດ້ຍື່ນ​ຂໍ້​ສະ​ເໜີ
​ຢ່າງ​ເປັນ​ທາງ​ການ ໄປ​ຍັງພຽງ​ຢາງ​ແລ້ວ. ທ່ານ​ກ່າວວ່າ ທ່ານ​
ພ້ອມ​ທີ່​ຈະ​ປຶກສາ​ຫາ​ລື ບັນຫາ​ໃດໆກໍ​ໄດ້ ທີ່​ທັງ​ສອງ​ຝ່າ​ຍມີ​
ຄວາມ​ກັງ​ວົນ​ນຳ​ກັນ.

ຖ້າ​ຫາກເກົາຫລີ​ເໜືອຕົກລົງ​ຕໍ່​ຂໍ້​ສະ​ເໜີດັ່ງກ່າວ ການ​ເຈລະຈາກໍ​ຈະ​ມີ ຂຶ້ນ​ໃນເດືອນໜ້າ​ນີ້ ກັບທ່ານ Kim Yang Gon ​ຄູ່​ຕຳ​ແໜ່​ງຂອງທ່ານ Ryo ຢູ່​ທີ່​ພຽງ​ຢາງ.

ພວກຫລົບໜີອອກມາຈາກເກົາຫຼີເໜືອ ຕຽມທີ່ຈະປ່ອຍປຸມເປົ້າ ທີ່ມີໃບປິວ ປະນາມຜູ້ນຳເກົາຫຼີເໜືອ Kim Jong Un ແລະນະໂຍບາຍຕ່າງໆ ຂອງລັດຖະບານທ່ານ ຢູ່ເມືອງ Paju ໃນເກົາຫຼີໃຕ້ ໃກ້ໆກັບຊາຍແດນ ເກົາຫຼີເໜືອ, ວັນທີ 10 ຕຸລາ 2014.

ພວກຫລົບໜີອອກມາຈາກເກົາຫຼີເໜືອ ຕຽມທີ່ຈະປ່ອຍປຸມເປົ້າ ທີ່ມີໃບປິວ ປະນາມຜູ້ນຳເກົາຫຼີເໜືອ Kim Jong Un ແລະນະໂຍບາຍຕ່າງໆ ຂອງລັດຖະບານທ່ານ ຢູ່ເມືອງ Paju ໃນເກົາຫຼີໃຕ້ ໃກ້ໆກັບຊາຍແດນ ເກົາຫຼີເໜືອ, ວັນທີ 10 ຕຸລາ 2014.

ທ່ານ Ryo ​ເວົ້າວ່າ “ຂ້າພະ​ເຈົ້າຄິດ​ວ່າ ພວກ​ເຮົາ​ບໍ່ມີ​
ເລື້ອງ​ໃດ​ໜຶ່ງທີ່​ຈະລົມ​ກັນ ໂດຍ​ສະ​ເພາະ ​ແຕ່​ຈຸດ​ຢືນ​
ຂອງ​ພວກ​ເຮົາ ​ແມ່ນ​ເພື່ອ​ປຶກສາ​ຫາລືທຸກໆ​ເລື້ອງ​ທີ່ ​
ເກົາຫຼີ​ໃຕ້ ​ແລະ ເກົາຫຼີເໜືອ ມີ​ຄວາມ​ສົນ​ໃຈ​ນຳກັນ.”

ທັງ​ສອງ​ປະ​ເທດໄດ້​ຕົກລົງ​ ທີ່​ຈະ​ຈັດ​ກອງ​ປະຊຸມ​ລະດັບ​ສູງ
ລະຫວ່າງ​ກັນ​ຂຶ້ນ ທີ່ໄດ້ກຳນົດໄວ້ ເມື່ອ​ສອງເດືອນ​ຜ່ານ​ມາ
ຫຼັງຈາກຜູ້​ແທນ​ລະດັບ​ສູງ​ ທີ່​ມີ​ອຳນາດຈາກ​ເກົາຫຼີ​ເໜືອ
ຄະນະໜຶ່ງ ​ເດີນທາງໄປ​ຢ້ຽມຢາມ​ນະຄອນຫລວງໂຊລ ​
ແບບ​ບໍ່​ໄດ້​ປະກາດ​ລ່ວງ​ໜ້າ ​ໃນ​ເດືອນ​ຕຸລາ. ແຕ່ເກົາຫຼີ​ເໜືອ​
ໄດ້​ຍົກເລີກ​ການ​ປະຊຸມ​ ໃນ​ເວລາ​ຕໍ່​ມາ ຍ້ອນເກີດ​ຄວາມ​ໂມ​ໂຫ​ ​ທີ່ບັນດາ​ນັກ​ເຄື່ອນ​ໄຫວ​ຢູ່​ໃນ​ເກົາຫຼີໃຕ້ ໄດ້ປ່ອຍໃບ​ປິວຕໍ່ຕ້ານ​ພຽງຢາງ​ ​ເຂົ້າໄປ​ຍັງເກົາຫຼີ​ເໜືອ.

XS
SM
MD
LG