ລິ້ງ ສຳຫລັບເຂົ້າຫາ

ລມຕ ຕ່າງປະເທດຍີ່ປຸ່ນ ຢ້ຽມຢາມ ເກົາຫຼີໃຕ້

  • ໄພສານ ວໍຣະຈັກ

ລັດຖະມົນຕີການຕ່າງປະເທດຍີ່ປຸ່ນ ທ່ານ Koichiro Gemba

ລັດຖະມົນຕີການຕ່າງປະເທດຍີ່ປຸ່ນ ທ່ານ Koichiro Gemba

ລັດຖະມົນຕີການຕ່າງປະເທດຍີ່ປຸ່ນ ທ່ານ Koichiro Gemba ພວມທຳການຢ້ຽມຢາມ
ກຸງໂຊລ ເພື່ອເຈລະຈາຫາລື ກັບຄູ່ຕຳແໜ່ງຝ່າຍເກົາຫຼີໃຕ້ກ່ຽວກັບເລື່ອງນິວເຄລຍ ແລະ
ຄວາມເປັນໄປໄດ້ ໃນການເດີນທາງໄປຢ້ຽມຢາມເກົາຫຼີໃຕ້ ຂອງນາຍົກລັດຖະມົນຕີຍີ່ປຸ່ນ
ທ່ານ Yoshihiko Noda.

ເຈົ້າໜ້າທີ່ເວົ້າວ່າ ທ່ານ Gemba ແລະທ່ານ Kim Sung-hwan ຈະປະສານງານກັນ
ໃນດ້ານນະໂຍບາຍ ກ່ຽວກັບຄວາມເປັນໄປໄດ້ ໃນການທີ່ອາດຈະເປີດການເຈລະຈານິວ
ເຄລຍກັບເກົາຫຼີເໜືອຄືນໃໝ່ ທ່າມກາງທີ່ມີການເຄື່ອນໄຫວ ທາງດ້ານການທູດເພີ່ມຂຶ້ນ
ກ່ຽວກັບເລື່ອງນີ້. ຫົວໜ້າຄະນະເຈລະຈາຄົນໃໝ່ທີ່ຫາກໍຖືກແຕ່ງຕັ້ງຂອງເກົາຫຼີໃຕ້ ທ່ານ
Lim Sung-nam ໄດ້ອອກເດີນທາງມາຢ້ຽມຢາມສະຫະລັດໃນວັນພະຫັດມື້ນີ້.

ນອກນັ້ນແລ້ວ ຍັງເປັນທີ່ຄາດກັນວ່າ ລັດຖະມົນຕີການຕ່າງປະເທດທັງສອງຈະໄດ້ສົນທະ
ນາຫາລືກັນກ່ຽວກັບຂໍ້ສະເໜີການເດີນທາງໄປຢ້ຽມຢາມກຸງໂຊລ ຂອງນາຍົກລັດຖະມົນຕີ
Noda ທີ່ເຂົ້າຮັບຕຳແໜ່ງໃນເດືອນແລ້ວນີ້. ການເດີນທາງໄປຢ້ຽມຢາມເປັນເວລາ 2 ມື້
ດັ່ງກ່າວນີ້ຄາດວ່າຈະເລີ່ມຂຶ້ນໃນວັນທີ 18 ຕຸລານີ້.

XS
SM
MD
LG