ລິ້ງ ສຳຫລັບເຂົ້າຫາ

ເກົາຫຼີ​ໃຕ້ ​​ເກືອດ​ຫ້າມບໍລິສັດ​ລົດ Volkswagen 80 ລຸ້ນ ແລະປັບ​ໃໝ່ 12 ລ້ານ 7 ​ແສນ​ໂດ​ລາ


ລົດ Volkswagen ໃນ Seoul,ເກົາຫຼີໃຕ້, 2 ສິງຫາ, 2016.

ລົດ Volkswagen ໃນ Seoul,ເກົາຫຼີໃຕ້, 2 ສິງຫາ, 2016.

ເກົາຫຼີ​ໃຕ້ ປັບ​ໃໝ​ບໍລິສັດ​ລົດ Volkswagenຂອງເຢຍຣະມັນ ​ເປັນ​ຈຳນວນ​ເງິນ 16 ລ້ານ ​ໂດ​ລາ ​ແລະ​ເກືອດ​ຫ້າມ​ການ​ຂາຍ​ລົດ 80 ​ແບບ ​ໃນ​ວັນ​ອັງຄານ​ມື້​ນີ້ ​ໂດຍ​ກ່າວ​ຫາ​ວ່າ ບໍລິສັດ​ລົດ ທີ່​ກ່າວ​ມາ​ນີ້ໄດ້​ແຕ່ງ​ເຕີມ​ເຄື່ອງ​ອາຍເສຍ ​ແລະ ​ທົດ​ສອບ​ລະດັບ​ສຽງ​.

ການ​ຕັດສີນໃຈໄດ້ປະກາດອອກ​ ​ໂດຍ​ກະຊວງ​ສະພາບ​ແວດ​ລ້ອມ ​ແມ່ນເປັນ​ການເປີດເຜີຍ ຄັ້ງຫຼ້າ​ສຸດ​ກ່ຽວກັບ ບໍລິສັດ​ລົດ Volkswagen ຊຶ່ງ​ໃນປີ​ທີ່​ຜ່ານ​ມານັ້ນ ​ແມ່ນ​ໄດ້ປະສົບ​ກັບ ການ​ເປີດ​ເຜີຍ​ຄວາມ​ຈິງຂອງ​ລົດ ດ້ວຍ​ເຄື່ອງມື ທີ່ຕົບ​ຕາການກວດ​ສອບ​ເຄື່ອງຈັກສຳລັບ ອາຍເສຍ.

​ເດືອນ​ພະຈິກ​ປີກາຍ​ນີ້ ເກົາຫຼີ​ໃຕ້ ໄດ້ປັບ​ໃໝ່​ບໍລິສັດ​ລົດ Volkswagen 12 ລ້ານ 7 ​ແສນ ​ໂດ​ລາ ​ແລະ​ລົບລ້າງໃບ​ອະນຸຍາດສ້າງລົດໃຊ້ກາຊວນ 125 ພັນ ຄັນ.

​ໃນ​ວັນ​ອັງຄານ​ມື້​ນີ້ ເກົາຫຼີ​ໃຕ້ ​ໄດ້​ເພີ້​ມຈຳນວນ 83 ພັນ​ຄັນ​ເຂົ້າ​ໃສ່ໃນ​ລາຍ​ຊື່​ປັບ​ໃໝ​ໃຫມ່ ພວກ​ລົດ​ທີ່​ມີ​ບັນຫາ ຊຶ່ງ​ຮວມທັງ​ລົດ Volkswagen ລົດ​ຍີ່​ຫໍ້ Audi ​ແລະ Bentley ນຳ.

​ເຈົ້າ​ໜ້າ​ທີ່ກະຊວງ​ສະພາບ​ແວດ​ລ້ອມ ທ່ານ Hong Dong-gon ​ໄດ້​ບອກ​ພວກນັກ​ຂ່າວ​ວ່າ ຖ້າ​ຫາກ​ວ່າ ບໍລິສັດ​ລົດ Volkswagen ຂໍ​ໃບອະນຸຍາດໃຫ້ລົດ​ຂອງ​ຕົນ ອີກ​ຕື່ີມບໍລິສັດ​ລົດ ດັ່ງກ່າວ​ກໍຈະ​ປະ​ເຊີນ​ໜ້າ​ກັບ​ຂັ້ນ​ຕອນ​ການກວດ​ສອບ​ຢ່າງ​ເຂັ້ມ​ງວດ.

ທ່ານ Dong-gon ກ່າວວ່າ “​ແທນ​ທີ່​ຈະ​ກວດ​ສອບ​ແຕ່​ພວກ​ເອກ​ກະສາ​ນ​ເທົ່າ​ນັ້ນ ພວກ​ເຮົາຈະ​ທຳ​ການ​ທົດ​ສອບ​ຢ່າງ​ລະອຽດ ຊຶ່ງຈະ​ຮວມ​ເຖິງການ​ໄປເບິ່ງສະຖານທີ່ ​ແລະ​ໄປ​ຢ້ຽມຢາ​ມຫ້ອງການ​ໃຫຍ່​ຂອງ ບໍລິສັດ​ລົດ Volkswagen ຖ້າ​ຈຳ​ເປັນ.”

ບໍລິສັດ​ລົດ Volkswagen ໄດ້ຂໍອະໄພໂທດ ​ແລະໄດ້ກ່າວ​ວ່າ ຕົນ​ກຳລັງ​ແກ້​ໄຂ​ບັນຫາ​ຢ່າງ​ຮີບ​ດ່ວນ​ແລະ​ຈັດໃຫ້​ເປັນ​ບຸລິມະສິດ ​ໃນ​ທັນທີ​ທັນ​ໃດ.

​ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG