ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປັກກິ່ງ ຫາທີ່ຈັ້ງ ດ້ານປະຊາສຳພັນ ຫຼັງຈາກ ການຕັດສິນ ຂອງສານ ສປຊ


ຜູ້ປະທ້ວງຄົນນຶ່ງ ທີ່ສະໜັບສະໜູນຈີນ ຢູ່ຮົງກົງ ຮ້ອງຄຳຂວັນ ຕໍ່ຕ້ານສະຫະລັດ ທີ່ໃຫ້ການສະໜັບສະໜູນ ການຕັດສິນ ຂອງສານນາໆຊາດ ທີ່ປະຕິເສດ ຕໍ່ການອ້າງກຳມະສິດ ຂອງປັກກິ່ງ ຢູ່ທະເລຈີນໃຕ້.
ຜູ້ປະທ້ວງຄົນນຶ່ງ ທີ່ສະໜັບສະໜູນຈີນ ຢູ່ຮົງກົງ ຮ້ອງຄຳຂວັນ ຕໍ່ຕ້ານສະຫະລັດ ທີ່ໃຫ້ການສະໜັບສະໜູນ ການຕັດສິນ ຂອງສານນາໆຊາດ ທີ່ປະຕິເສດ ຕໍ່ການອ້າງກຳມະສິດ ຂອງປັກກິ່ງ ຢູ່ທະເລຈີນໃຕ້.

ຈີນ​ກຳລັງ​ປະ​ເຊີນ​ໜ້າ​ກັບ​ວິ​ກິດ​ການ​ດ້ານ​ປະຊາສຳພັນ​ຫລັງ​ຈາກ​ສານ​ນາໆ​ຊາດ​ໄດ້​ຕັດສິນ​ປະຕິ​ເສດ ​ຕໍ່​ການ​ອ້າງ​ກຳມະສິດ​ຂອງ​ຈີນ ​ເອົາ​ທະ​ເລ​ຈີນ​ໃຕ້ ​ເກືອບ​ທັງ​ໝົດ​ນັ້ນ.

​ເກືອ​ບສາມ​ປີ​ມາ​ແລ້ວຈີນ​ໄດ້​ທຳ​ການ​ໂຈ​ມຕີ​ຢ່າງ​ບໍ່​ລົດ​ລະກ່ຽວ​ກັບ​ຄວາມ​ຖືກຕ້ອງຊອບ​ທຳ ຂອງ​ສານ​ນາໆ​ຊາດ​ ພາຍ​ໃຕ້​ສົນທິສັນຍາ​ ວ່າ​ດ້ວຍກົດໝາຍ​ທາງ​ທະ​ເລ ​ຫລື UNCLOS ຂອງ​ສະຫະ​ປະຊາ​ຊາດ ​ແລະ​ປະ​ເທດ​ຟີ​ລິບ​ປິນທີ່​ເປັນ​ຄູ່​ປໍ​ລະປັກ​ນັ້ນ.

ຊາວຟີລິບປິນສະແດງຄວາມດີໃຈ ຫລັງຈາກສານນາໆຊາດ ຕັດສິນ ເຫັນພ້ອມກັບຟີລິບປິນ ໃນຄະດີການຂັດແຍ້ງ ຢູ່ທະເລຈີນໃຕ້.
ຊາວຟີລິບປິນສະແດງຄວາມດີໃຈ ຫລັງຈາກສານນາໆຊາດ ຕັດສິນ ເຫັນພ້ອມກັບຟີລິບປິນ ໃນຄະດີການຂັດແຍ້ງ ຢູ່ທະເລຈີນໃຕ້.

ປັກ​ກິ່ງ ​ໄດ້​ອ້າງ​ເອົາ​ອະທິປະ​ໄຕ ສິດທິ​ຕາມ​ກົດໝາຍ ແລະ​ປະຫວັດສາດ​ ​ໃນ​ບໍລິ​ເວນ 90 ກວ່າ​ເປີ​ເຊັນ​ ຂອງ​ທະ​ເລ​ຈີນ​ໃຕ້. ​ແຕ່​ພາສາ ​ທີ່​ພວກ​ຜູ້ນຳ​ຂອງ​ຈີນໄດ້​ນຳ​ໃຊ້​ ​ເພື່ອ​ສະໜັບ ສະໜຸູນການ​ອ້າງ​ກຳມະສິດ​ແລະ​ບ່ອນ​ທຳລາຍ​ສານ​ດັ່ງກ່າວ ​ເຮັດ​ໃຫ້​ມີ​ຄວາມ​ຫຍຸ້ງຍາກ​ຕື່ມ​ຂຶ້ນ ທີ່​ຈະ​ດຳ​ເນີນ​ການເພື່ອກ້າວ​ໄປ​ໜ້າ.

ທ່ານ Scott Kennedy ຮອງ​ຜູ້ອຳນວຍການ​ອົງການ Freeman Chair ​ໃນ​ການ​ສຶກສາ​ກ່ຽວ​ກັບ​ຈີນ​ຢູ່​ທີ່​ສະ​ຖາ​ບັນ​ຍຸດ​ທະ​ສາດແລະ​ການ​ສຶກສາ​ນາໆ​ຊາດ​ທີ່​ນະຄອນ​ວໍ​ຊິງ​ຕັນ​ກ່າວ​ວ່າ ຈີນ​ໄດ້ວາດພາບຕົນເອງວ່າຖືກ​ປ້ອງເຂົ້າ​ແຈ ​ແລະ​ມີ​ທ່າ​ທາງ​ວ່າ​ຈະ​ສືບຕໍ່​ແຕ້ມ​ສີ​ໃສ່​ຝາ​ໂດຍ​ບໍ່​ມີ​ຜົນ​ກະທົບ​ໃດໆ ​ມີ​ແຕ່​ຈະ​ແຍກ​ເຂົາ​ເຈົ້າ​ ​ອອກ​ຈາກປະ​ເທດ​ສ່ວນ​ໃຫຍ່​ເທົ່າ​ນັ້ນ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG