ສານສູງສຸດ ແຫ່ງປະເທດ ອາຟຣິກາໃຕ້ ໄດ້ຕັດສິນລົງໂທດ ນັກກິລາ ທີ່ຖືກຕັດຂາ ທ້າວ Oscar Pistorius ກ່ຽວກັບການຄາດຕະກຳ, ເຊິ່ງຈະໄດ້ພິກຜັນ ການຕັດສິນໂທດກ່ອນໜ້ານີ້ ກ່ຽວກັບການຄາດຕະກຳໂດຍບໍ່ເຈດຕະນາ ໃຫ້ເປັນໂທດທີ່ຫຼຸດຄວາມຮ້າຍແຮງລົງ ຕື່ມ.
ສານໄດ້ປະກາດການຕັດສິນຂອງຕົນ ໃນວັນພະຫັດມື້ນີ້ໃນຄະດີ ຂອງນັກກິລາ ໂອລິມປິກທີ່ໂດ່ງດັງ, ເຊິ່ງໄດ້ຖືກຕັດສິນລົງໂທດໃນ ປີກາຍນີ້ກ່ຽວກັບ ການຍິງແຟນຂອງລາວ ນາງ Reeva Steenkamp ເສຍຊີວິດໃນປີ 2013.
ຄະດີດັ່ງກ່າວ ຕອນນີ້ໄດ້ຖືກສົ່ງກັບຄືນໄປສານຊັ້ນຕົ້ນສຳລັບການພິຈາລະນາ ຄຳຕັດສິນໃໝ່.
ທ້າວ Pistorius ໄດ້ຖືກກ່າວໂທດກ່ຽວກັບການຄາດຕະກຳໂດຍເຈດ ຕະນາ, ທຽບເທົ່າກັບ ການຄາດຕະກຳ ສຳລັບການຍິງແຟນຂອງລາວເສຍຊີວິດຜ່ານ ປະຕູຫ້ອງນ້ຳ. ທ້າວ Pistorius ໄດ້ກ່າວວ່າ ລາວໄດ້ເຂົ້າໃຈຜິດຄິດວ່າແຟນຂອງ ລາວ ເປັນຄົນຂີ້ລັກ ແລະ ວ່າ ການຍິງນັ້ນແມ່ນເປັນອຸບັດເຫດ.
ລາວໄດ້ຖືກປ່ອຍອອກຈາກຄຸກໃນເດືຶອນຕຸລາທີ່ຜ່ານມາ, ຫຼັງຈາກຖືກກັງຂັງບໍ່ ຮອດໜຶ່ງປີ ໃນໂທດຂັງຄຸກ 5 ປີ. ພາຍໃຕ້ກົດໝາຍຂອງປະເທດ ອາຟຣິກາໃຕ້, ຄົນທີ່ໄດ້ຖືກຕັດສິນຈຳຄຸກ 5 ປີ ຫຼືໜ້ອຍກວ່າແມ່ນສາມາດອອກຈາກຄຸກໄດ້ ຫຼັງຈາກໄດ້ຮັບໃຊ້ 1 ສ່ວນ 6 ຂອງກຳນົດການ ຂັງຄຸກຂອງພວກເຂົາ.
ລາວຈະໄດ້ຖືກກັກຂັງໃນສ່ວນເວລາທີ່ເຫຼືອກ່ຽວກັບການຕັດສິນໂທດ ຂ້າຄົນ ໂດຍບໍ່ເຈດຕະ ນາພາຍໃຕ້ການກັກຂັງໄວ້ໃນເຮືອນຂອງຜູ້ຕ້ອງຫາເອງ.
ຜູ້ຊາຍຄົນດັ່ງກ່າວເປັນທີ່ຮູ້ຈັກກັນດັ່ງກັບ “ນັກແລ່ນໃບມີດ” ສຳລັບຂາທຽມຂອງ ລາວ ເຊິ່ງ ເປັນສາຍໄຍທີ່ເຮັດຈາກຄາບອນ, ລາວເປັນຜູ້ຊະນະເລີດ ຫຼຽນຄຳ ກິລາໂອລິມປິກຄົນພິການ ປະເພດແລ່ນແລະລານ 6 ຄັ້ງ. ທ້າວ Pistorius ໄດ້ກາຍເປັນນັກແລ່ນທີ່ຖືກຕັດຂາຄົນທຳອິດ ທີ່ໄດ້ແຂ່ງຂັນໃນກິລາໂອລິມປິກ ລະດູຮ້ອນ ທີ່ນະຄອນຫຼວງ London ປີ 2012.
