ລິ້ງ ສຳຫລັບເຂົ້າຫາ

ລູກຊາຍ ສະມາຊິກສະພາ ຣັດເຊຍ ພົບວ່າ ມີຄວາມຜິດ ຖານເຈາະຂໍ້ມູນ ອິນເຕີແນັດ


ທ່ານ Valery Seleznev ສະມາຊິກສະພາ ແລະພໍ່ຂອງທ້າວ Roman Seleznev ຜູ້ທີ່ຖືກຕັດສິນລົງໂທດ ເຈາະຂໍ້ມູນ ອິນເຕີແນັດ.

ທ່ານ Valery Seleznev ສະມາຊິກສະພາ ແລະພໍ່ຂອງທ້າວ Roman Seleznev ຜູ້ທີ່ຖືກຕັດສິນລົງໂທດ ເຈາະຂໍ້ມູນ ອິນເຕີແນັດ.

ລູກ​ຊາຍຂອງ​ສະມາຊິກ​ສະພາຣັດ​ເຊຍຄົນ​ນຶ່ງ ​ໄດ້ຖືກພົບ​ເຫັນ​ວ່າ ​ມີ​ຄວາມ​ຜິດ​ຢູ່​ໃນ​ສະຫະ ລັດ ​ໃນ​ຂໍ້​ຫາ​ຈັດ​ຕັ້ງ​ກຸ່ມ​ອາ​ຊະ​ຍາ​ກຳ​ເຈາະ​ຂໍ້​ມູນທາງ​ອິນ​ເຕີ​ແນັດ​ຢູ່​ໃນ​ທົ່ວ​ໂລກ ​ໃນ ອັນ​ທີ່​ໄອ​ຍະ​ການ​ຮ້ອງ​ວ່າ ນຶ່ງ​ໃນ​ຈຳນວນພວກ​ລັກຂະ​ໂມ​ຍຂໍ້​ມູນບັດ​ສິນ​ເຊື່ອທີ່​ໃຫຍ່ທີ່​ສຸດ​ ໃນ​ປະຫວັດສາດ.

ທ້າວ Roman Seleznev ລູກຊາ​ຍ​ສະມາຊິກ​ສະພາຣັດ​ເຊຍ ທ່ານ Valery Seleznev ​ແລະ​ພັນທະ​ມິດຂອງປະທານາທິບໍດີ Vladimir Putin ​ໄດ້ຖືກ​ພົບ​ເຫັນ​ວ່າ ​ມີ​ຄວາມ​ຜິດ​ໃນ​
ວັນ​ພະຫັດ​ວານ​ນີ້ ຢູ່​ທີ່ສານ​ໃນ​ນະຄອນ Seattle ລັດ Washington ຫລັງ​ຈາກຄະນະ​ຕຸລາການ​ ໄດ້ພິຈາລະນາ ​ໃນ​ເວລາ​ໜ້ອຍ​ກວ່າ​ສອງ​ມື້.

ຈຳ​ເລີຍ​ໄດ້ຖືກ​ພົບ​ເຫັນ​ວ່າ​ ມີ​ຄວາມ​ຜິດ​ໃນ​ຂໍ້​ຫາ 38 ກະ​ໂທ​ງ ຮວມທັງເກົ້າກະ ​ໂທ​ງ​ໃນ​ການ​ເຈາະ​ຂໍ້​ມູນ​ທາງ​ອິນ​ເຕີ​ແນັດ ​ແລະ 10 ກະ​ໂທ​ງ ​ໃນ​ການ​ຕົວະ​ຕົ້ມດ້ານ​ການ​ເງິນ ທີ່
​ພົວພັນ​ກັບ​ອີ​ເລັກ​ໂທຣນິກ. ​ໃນການ​ຕັດສິນ​ລົງ​ໂທດ​ໃນ​ວັນ​ວັນ​ທີ 2 ​ເດືອນ​ທັນວາ​ຈະ​ມາ​ເຖິງ​ນີ້ ລາວ​ອາດ​ໄດ້​ຮັບ​ການ​ຕິດ​ຄຸກດົນ​ເຖິງ 40 ປີ.

ອີງ​ຕາມ​ໄອ​ຍະ​ການ​ແລ້ວ ການ​ກະທຳ​ຂອງ​ຜູ້ກ່ຽວ​ນີ້ ເປັນ​ຜົນ​ໃຫ້​ບັດ​ສິນ​ເຊື່ອ​ສູນ​ເສຍ​ເງິນ​ເກືອບ 170 ລ້ານ​ໂດ​ລາ.

ທະນາຍຄວາມ​ຂອງ​ທ້າວ Seleznev ກ່າວ​ວ່າ ລາວ​ປະ​ເຊີນ​ໜ້າ​ກັບ​ຂໍ້​ຫາ​ທີ່​ຄ້າຍ ຄື​ກັນ​ ຢູ່​ສານ​ລັດ Nevada ​ແລະລັດ Georgia. ທະນາຍຄວາມ ທ່ານ John Henry Browne ​ໄດ້​ປະກາດ​ທີ່​ຈະຂໍ​ອຸທອນ.

ທ້າວ Seleznev ​ໄດ້​ຖື​ກກ່າວ​ຫາ​ວ່າ ຈັດຕັ້ງກຸ່ມ​ເຈາະ​ຂໍ້​ມູນ​ ​ໃນ​ອັນ​ທີ່​ລາວ​ໄດ້ ​ເຈາະ​ເຂົ້າ​ໄປໃນ​ລະບົບ​ຄອ​ມພິວ​ເຕີ​ຂອງ​ຮ້ານ​ອາຫານ​ຕ່າງໆ ​ແລະ​ລັກ​ເອົາ​ນໍ້າ​ເບີ​ບັດ​ສິນ​ເຊື່ອ.

ລັດຖະມົນຕີ​ຊ່ອຍ​ວ່າການ​ກະຊວງຍຸຕິ​ທຳ​ສະຫະລັດ ທ່ານ Norman Barbosa ກ່າວ​ລະ ຫວ່າງ​ການໂຕ້​ຖຽງ​ປິ​ດຄະດີ ​ໃນ​ວັນ​ພຸດ​ທີ່​ຜ່ານ​ມາ​ນີ້ວ່າ ທ້າວ Seleznev ​ໄດ້​ບໍລິຫານ​ງານ​ການ​ເຈາະ​ຂໍ້​ມູນ​ດັ່ງກ່າວຈາກ​ຫ້ອງການ​ຂອງ​ລາວ​ຢູ່​ທີ່ນະຄອນ Vladivostok ປະ​ເທດຣັດ​ເຊຍ ​ໂດຍ​ໃຊ້​ຊື່​ຫລິ້ນທາງ​ອິນ​ເຕີ​ແນັດ​ຈຳນວນ​ນຶ່ງ.

​ເວລາ​ລາວ​ຖືກ​ຈັບ​ຢູ່ Maldives ​ໃນ​ປີ 2014 ບັນດາເຈົ້າໜ້າ​ທີ່​ສືບສວນໄດ້​ພົບ​ເຫັນ​ນ້ຳ​ເບີ​ບັດ​ສິນ​ເຊື່ອ 1 ລ້ານ 7 ​ແສນ​ນໍ້າ​ເບີຢູ່​ໃນ​ຄອມ​ພິວ​ເຕີ​ຂອງ​ລາວ ພ້ອມ​ດ້ວຍຊື່ລະຫັດ​ຜ່ານ ​ຫຼື password ​ສຳລັບ​ເຂົ້າໄປ​ໃນ​ລະບົບ​ຄອມ​ພິວ​ເຕີ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG