ລິ້ງ ສຳຫລັບເຂົ້າຫາ

ທະຫານເຄນຢາ ໂຈມຕີ ທີ່ໝັ້ນ ພວກຫົວຮຸນແຮງ ໃນໂຊມາເລຍ


ທະຫານເຄນຢາ ທີ່ໃສ່ໝວກເຫຼັກ ທີ່ມີການຂຽນຄຳເວົ້າ ເປັນພາສາກິສວາຮີລີວ່າ "ໄປກິນນໍ້າຊາທີ່ເມືອງ Kismayo ຊຶ່ງໝາຍເຖິງເມືອງທ່າຍຸດທະສາດຂອງໂຊມາເລຍ
ກອງທັບເຄນຢາກ່າວວ່າ ກຳລັງຂອງຕົນໄດ້ບຸກເຂົ້າໄປໃນເມືອງ
ທ່າ Kismayo ຂອງໂຊມາເລຍ ໃນການໂຈມຕີ ທີ່ແນໃສ່ ເພື່ອ
ຈັບໂຕພວກຫົວຮຸນແຮງ ທີ່ເປັນເຄືອຂ່າຍ ຂອງກຸ່ມກໍ່ການຮ້າຍ
ອາລກາຍດາ.

ພັກເອກ Cyrus Oguna ໂຄສົກຂອງກອງທັບເຄນຢາກ່າວວ່າ
ການບຸກໂຈມຕີໃນຕອນເຊົ້າມືດຂອງວັນສຸກມື້ນີ້ແມ່ນມີການໃຊ້
ກຳລັງທັງທາງທະເລແລະທາງອາກາດໃນການປະສານງານກັບ ທະຫານສະຫະພາບອາຟຣິກາແລະທະຫານໂຊມາເລຍ.

ພັກເອກ Oguna ກ່າວວ່າ ເມືອງດັ່ງກ່າວໄດ້ແຕກ ໂດຍມີການ
ຕ້ານຢັນແຕ່ພຽງເລັກນ້ອຍເທົ່ານັ້ນ ແຕ່ແນວໃດກໍຕາມ ພວກທີ່
ເຫັນເຫດການ ແລະ ກຳລັງຂອງກຸ່ມຫົວຮຸນແຮງ al-Shabab ເວົ້າວ່າ ການສູ້ລົບກັນທັງຢູ່ໃນແລະອ້ອມແອ້ມເມືອງທ່າແຫ່ງນີ້ ຍັງດຳເນີນຢູ່ຕໍ່ມາ.

ຄລິກເພື່ອຂະຫຍາຍ ແຜນທີ່ເມືອງທ່າ Kismayo ໃນໂຊມາເລຍ
ຄລິກເພື່ອຂະຫຍາຍ ແຜນທີ່ເມືອງທ່າ Kismayo ໃນໂຊມາເລຍ

ໃນຕົ້ນອາທິດນີ້ ເຄນຢາກ່າວວ່າ ກຳລັງທະຫານຂອງຕົນໄດ້ທຳການໂຈມຕີທາງອາກາດຕໍ່ ທີ່ຕັ້ງສຳຄັນໆຂອງພວກຫົວຮຸນແຮງ ທີ່ເມືອງ Kismayo.

ກຸ່ມຫົວຮຸນແຮງ al-Shabab ໄດ້ໃຊ້ທ່າກຳປັ່ນຂອງເມືອງນີ້ ເພື່ອຂົນອາວຸດ ແລະປັດໄຈ ຕ່າງໆເຂົ້າໄປໃນໂຊມາເລຍເພື່ອສະໜັບສະໜຸນການສູ້ລົບຂອງພວກເຂົາກັບທະຫານລັດ ຖະບານ.

ພວກຫົວຮຸນແຮງກຸ່ມນີ້ ກຳລັງຊອກຫາຊ່ອງທາງເພື່ອບັງຄັບໃຫ້ມີການນຳໃຊ້ກົດໝາຍສາ ສະໜາອິສລາມທີ່ເຄັ່ງຄັດທີ່ສຸດຢູ່ໃນປະເທດໂຊມາເລຍ. ຄັ້ງນຶ່ງພວກຫົວຮຸນແຮງຈຸນີ້ເຄີຍ ຄວບຄຸມດິນແດນສ່ວນໃຫຍ່ໃນເຂດພາກໃຕ້ແລະພາກກາງຂອງໂຊມາເລຍແຕ່ໄດ້ສູນເສຍ ເຂດຄວບຄຸມຂອງຕົນໃຫ້ແກ່ກຳລັງທີ່ນິຍົມລັດຖະບານນັບແຕ່ໄດ້ມີການເລີ້ມບຸກໂຈມຕີຄັ້ງ ສຳຄັນຂອງລັດຖະບານໃນປີກາຍນີ້.
XS
SM
MD
LG