ລິ້ງ ສຳຫລັບເຂົ້າຫາ

ກອມມັງໂດເກົາຫຼີໃຕ້ ບຸກເຂົ້າໄປປ່ອຍໂຕປະກັນ

  • ໄພສານ ວໍຣະຈັກ

ກຳລັງພິເສດຂອງເກົາຫຼີໃຕ້ບຸກເຂົ້າໄປຊ່ອຍພວກລູກເຮືອ ທີ່ຖືກຈັບ ເປັນໂຕປະກັນໂດຍໂຈນທະເລໂຊມາເລຍ (21 ມັງກອນ 2011)

ໜ່ວຍກ້າຕາຍຫຼືກອມມັງໂດຂອງເກົາຫຼີໃຕ້ ໄດ້ບຸກເຂົ້າໄປຊ່ອຍພວກລູກເຮືອຂອງກຳປັ່ນບັນ
ທຸກທີ່ຖືກຈີ້ໃນບໍລິເວນທະເລອາຣາເບຍແລະໄດ້ສັງຫານພວກໂຈນທະເລໂຊມາເລຍ 8 ຄົນ.

ເຈົ້າໜ້າທີ່ທະຫານກ່າວວ່າ ກັບຕັນກຳປັ່ນບັນທຸກໄດ້ຖືກຍິງບາດເຈັບ ໂດຍພວກໂຈນທະເລ
ໃນລະຫວ່າງການປະຕິບັດງານ ບຸກເຂົ້າໄປຊ່ອຍພວກລູກເຮືອໃນວັນສຸກມື້ນີ້. ເຈົ້າໜ້າທີ່ເວົ້າ
ຕື່ມວ່າ ພວກລູກເຮືອທັງໝົດ 21 ຄົນໄດ້ຖືກຊ່ອຍອອກມາໄດ້ແລະເປັນທີ່ຄາດກັນວ່າ ກັບ
ຕັນທີ່ໄດ້ຮັບບາດເຈັບນັ້ນຈະຫາຍດີເປັນປົກກະຕິ.

ນອກນັ້ນແລ້ວ ຍັງມີພວກໂຈນທະເລໂຊມາເລຍອີກ 5 ຄົນຖືກຈັບໂຕໄວ້ໄດ້.

ກຳປັ່ນບັນທຸກລຳນີ້ພວມເດີນທາງມຸ່ງໜ້າຈາກສະຫະລັດອາຣັບເອເມີເຣັດໄປຍັງສຣີລັງກາ
ເວລາຖືກຈີ້ ໃນມື້ວັນເສົາແລ້ວ.

XS
SM
MD
LG