ລິ້ງ ສຳຫລັບເຂົ້າຫາ

ຫຼາຍ​ກວ່າ​ນຶ່ງ​ປີ​ມາແລ້ວ ຫຼັງ​ຈາກ​ມັນໄດ້ບິນ​ຂຶ້ນ​ຈາກ Abu Dhabi ​ເຮືອບິນ​ ບິນ​ທົດ​ລອງ ມີ​ເຄື່ອງຈັກ 4 ​ໝາກປິ່ນ ທີ່​ເຮັດ​ດ້ວຍ​ພະລັງ​ແສງ​ອະທິ​ດ ທີ່​ເອີ້ນ​ວ່າ Solar Impulse 2 ຊຶ່ງ​ເປັນ​ເຮືອບິນ​ລຳ​ທຳ​ອິດ ທີ່​ບິນ​ ຮອບ​ໂລກ ທີ່​ໃຊ້​ພະລັງງານທີ່​ເກັບ​ກຳ​ສະ​ສົມ​ມາ​ຈາກ​ ແສງ​ອາທິດ ຢ່າງດຽວ. ພວກ​ນັກ​ບິນລຳດັ່ງກ່າວ ຫວັງ​ວ່າ​ການບິນທີ່ເປັນປະຫວັດການ ນີ້ ຈະ​ສາມາດ​ສົ່ງ​ເສີມ​ການ​ນຳ​ໃຊ້​ພະລັງງານ​ແສງ​ອາທິດ ວ່າ​ເປັນ​ພະລັງງານ​ລາຄາ​ຖືກ​ທັງ​ເປັນພລັງ​ງານ​ທີ່​ທົດ​ແທນ​ໄດ້ ນັກຂ່າວ VOA George Putic ມີລາຍ​ງານເລື້ອງນີ້​ ​ຊຶ່ງວັນນະ​ສອນ ຈະ​ນຳເອົາ ລາຍ​ລະອຽດ ​ມາສະ​ເໜີ​ທ່ານ.

ຕອນ​ທີ່​ເຮືອບິນ Solar Impulse 2 ​ເຮືອບິນ​ທີ່​ໃຊ້​ພະລັງງານ​ແສງ​ອາທິດ​ໄດ້​ເລີ້ມ​ບິນ​ຂຶ້ນ​ຈາກ Abu Dhabi ​ໃນ​ວັນ​ທີ 9 ມີນາ 2015 ພວກ​ວິສະວະກອນ​ທັງຫຼາຍ ພາກັນສົງໄສວ່າ ​ເຮືອບິນ​ລຳ​ດັ່ງກ່າວ​ທີ່​ມີທ່າທາງບໍ່ແຂງແຮງບິນ​ດ້ວຍ​ລະບົບ​ໄຟຟ້າລຳນັ້ນຈະ ສາມາດ​ບິນ​ຂ້າມ​ມະຫາ​ສະມຸດໄດ້ຫຼືບໍ່.

​ແຕ່​ວ່າ​ພວກນັກ​ບິນ ຊາວ Swissland ທ່ານ Andre Borschberg ກັບທ່ານ Bertrand Piccard ​ມີ​ຄວາມ​ຮູ້ສຶກ​ແນ່​ວ​ແນ່​ທີ່​ຈະ​ສະ​ແດງ​ໃຫ້​ເຫັນ​ວ່າ ພະລັງງານ​ແສງ​ອາທິດ​ນັ້ນ ​ ແມ່ນ​ໝັ້ນຄົງ​ດີ​ພໍ ທີ່​ຈະ​ນຳ​ໃຊ້​ບໍ່​ພຽງ​ແຕ່​ສຳລັບບິນເທົ່ານັ້ນ ​ແຕ່​ຈະຫັນ​ປ່ຽນ​ໂລກ ​ໃນ​ການ​ນຳ​ໃຊ້​ນ້ຳມັນເຊື້ອໄຟຊິວະພາບ ໄປສູ່​ການ​ນຳ​ໃຊ້ພະລັງ​ທົດ​ແທນ​ໄດ້​.

ທ່ານ Andre Borschberg ນັກ​ບິນ Solar Impulse 2 ກ່າວ​ວ່າ ການບິນ​ດ້ວຍ​ເຮືອບິນ ທີ່​ບິນ​ດ້ວຍ​ພະລັງງານ​ແສງ​ອາທິດ ມີ​ຄວາມ​ຈຳ​ເປັນ​ທີ່​ຈະ​ມີເຮືອບິນ​ທີ່​ໃຊ້ພະລັງງານ​ໃຫ້ເປັນປະໂຫຽດທີ່ສຸດ ແລະ​ພວກ​ເຮົາ ກໍ​ມີ​ເທັກ​ໂນ​ໂລ​ຈີ ທີ່​ທ່ານ​ສາມາດ​ໃຊ້​ມັນ​ໄດ້​ໃນ​ເຮືອນ​ຂອງ​ທ່ານ ທີ່​ພວກ​ຜູ້​ຄົນ ສາມາດ​ໃຊ້ ຂັບ​ຂີ່ ຂົນ​ສົ່ງ​ທາງ​ພາກ​ພື້ນ​ດິນ ​ແລະ​ນັ້ນ​ແມ່ນ​ສິ່ງ​ທີ່​ພວກ​ເຮົາ​ຕ້ອງການ​ຢາກ​ຈະ​ສະ​ແດງ​ໃຫ້​ທົ່ວ​ໂລກ​ເຫັນ.”

​ເຮືອບິນ​ທີ່​ວ່າ​ນີ້ ​ໃຊ້​ເວລາສ້າງ 12 ປີ ແລະ​ທົດ​ສອບ ກ່ອນ​ທີ່​ເຮືອບິນ Solar Impulse 2 ຈະ​ຕຽມ​ພ້ອມ​ໃນ​ການ​ເດີນທາງ​ເປັນ​ເວ​ລາ 43 ພັນ​ກິ​ໂລ​ແມັດ.

​ເຖິງ​ແມ່ນ​ວ່າ​ຈະ​ມີ​ເຄື່ອງ​ຈັກ 4 ​ໜ່ວຍ ທີ່​ມີ​ຄວາມ​ແຮງ 17.4 ແຮງ​ມ້າແລະຄວາມກວ້າງ ຂອງ ປີກຈະຍາວເຖິງ 72 ແມັດ ກໍຕາມ ແຕ່ມັນກໍບໍ່ໄດ້ໜັກກວ່າຣົດທຳມະດາຄັນນ່ຶງ. ແຊລແສງ ພະອາທິດ ກວ້າງຂະໜາດ ​2 ຮ້ອຍ 60 ຕາລາງ​ແມັດ ຈະສາກໄຟຟ້າໃສ່ໝໍ້ໄຟ​ ພາໃຫ້​ເຮືອບິນ​ດັ່ງກ່າວບິນໄດ້ໝົດຄືນ ໂດຍບໍ່ມີໝໍ້ໄຟສຳຮອງ ບໍ່ມີບ່ອນສຳລັບນັກຂັບອີກຜູ້ນຶ່ງ.​ ທັງຫ້ອງຄົນ ຂັບກໍບໍ່ມີອາຍອຸ່ນ.​ ນັກ​ບິນ​ຕ້ອງ​ຝຶກ​ຊ້ອມ​ຕົວ​ເອງ ເພື່ອໃຫ້ໄດ້​ນອນ​ພັກ​ຜ່ອນ ແຕ່​ພຽງ 20 ນາທີ ​ໃນ​ແຕ່​ລະ​ຄັ້ງ.

ເຮືອບິນ Solar Impulse 2 ລົງຈອດ 15 ຄັ້ງ ລໍຖ້າ​ໃຫ້​ອາກາດ​ດີ ຫຼື​ເພື່ອສ້ອມ​ແປງ​ ເຊັ່ນວ່າ ເວລາຊັກຊ້າ 9 ​ເດືອນ ​ຢູ່ເກາະ ຮາ​ວາຍ ​ເພື່ອສັບ​ປ່ຽນ​ໝໍ້ໄຟ​ທີ່​ຊຸດໂຊມຍ້ອນ​ຄວາມ​ຮ້ອນ​ ຫຼັງ​ຈາກບິນ 5 ມື້ ຢູ່​ເທິງ​ມະຫາ​ສະ​ມຸກ​ປາຊິ​ຟິກ.

ການ​ເດີນທາງ​ທັງ​ໝົດ ​ແມ່ນ​ໄດ້​ຖືກຕິດຕາມ​ເບິ່ງ ​ໂດຍ ສູນ​ກາງຄວບ​ຄຸມ ຢູ່Monaco.

​ລວມທັງໝົດ ເຮືອບິນ Solar Impulse 2 ​ໃຊ້​ເວ​ລາບິນ 23 ມື້ ​ດ້ວຍ​ຄວາມ​ໄວສະເລ່ຍ​ 75 ກິ​ໂລ​ແມັດ ຕໍ່​ຊົ່ວ​ໂມງ ​ແລະ​ພຸ້ງໂຕຂຶ້ນໄປສູງ 8 ພັນ 800 ​ແມັດ ​ໃນ​ຕອນ​ກາງເວັນ ​ໃນ​ຂະນະ​ທີ່​ມັນ​ສາກ​ໄຟຟ້າ ​ແລ້ວເວີ່ນ​ຊ້າລົງ ປະມານ 1 ພັນ 500 ​ແມັດ ​ໃນ​ຕອນ​ກາງຄືນ ​ເພື່ອ​ປະຢັດ​ພະລັງງານ​ໄວ້.

​ໃນ​ຕອນ​ບິນກັບຄືນ ໄປ​ຍັງ Abu Dhabi ນັ້ນ ທ່ານ Bertrand Picard ​ໄດ້​ເນັ້ນ​ເຖິງ​ຈຸດປະສົງ​ໃນ​ຂໍ້ຄວາມ​ທີ່​ວ່າ​ນີ້.

ທ່ານ Bertrand Piccard ນັກ​ບິນ Solar Impulse 2 ກ່າວ​ວ່າ “ມັນປະສົບ​ຄວາມ​ສຳ​ເລັດ ເກີນຄາດໝາຍ​ໃນ​ປະຫວັດການ​ຂອງ​ການບິນ, ​ເຮື​ອບິນSolar Impulse 2 ​ໄດ້​ເປັນ​ການ​ສຳ​ເລັດ​ທາງ​ປະຫວັດສາດ​ທາງ​ດ້ານ​ພະລັງງານ. ພວກ​ເຮົາ ​ໄດ້​ເດີນທາງ ຍາວ​ໄກ 40 ພັນ ກິ​ໂລ​ແມັດ ​ໂດຍ​ປາດ​ສະ​ຈາກ​ນ້ຳມັນ. ແລະບັດນີ້ ​ມັນ​ເປັນ​ຜຽນຂອງທ່ານ​ແລ້ວ​ທີ່​ຈະ ນຳ​ມັນ​ໄປ​ໃຫ້​ກ້າວ​ໄກ​ເມືອ​ໜ້​າ.”

ມີ​ນັກ​ວິສະວະກອນ ​ແລະ​ພວກ​ຊ່າງ​ເທັກ​ນິກ ປະມານ 80 ຄົນ​ໃນ​ການ​ສ້າງ​ເຮືອບິນ​ດັ່ງກ່າວ ຊຶ່ງ​ໃຊ້​ເງິນ​ປະມານ 170 ລ້ານ​ໂດ​ລາ​ໃນ​ການ​ສ້າງ ຈ່າຍ​ໂດຍຜູ້​ບໍລິຈາກ​ສ່ວນເອກ​ກະ​ຊົນ, ລັດຖະບານ​ຂອງປະ​ເທດ Swissland ​ແລະອົງການ​ອາວະ​ກາດຢູ​ໂຣບ.

ອ່ານຂ່າວເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG