ລິ້ງ ສຳຫລັບເຂົ້າຫາ

ສະໂລວາເກຍຫ້າມຂາຍສັດປີກ ແລະໄຂ່ຈາກເຢຍລະມັນ

  • ບົວສະຫວັນ

ໄກ່ງວງທີ່ຟາມແຫ່ງນຶ່ງໃນເມືອງ Neerstedt ໃກ້ເຂດ Oldenburgພາກເໜືອຂອງເຢຍລະມັນ. (AP Photo/Dapd/ David Hecker)

ປະ​ເທດ Slovakia ​ໄດ້​ເກືອດ​ຫ້າມ​ການ​ຂາຍ​ພວກ​ສັດ​ປີກແລະໄຂ່ທີ່​ມາ​ຈາກ​ເຢຍລະ​ມັນ
ເປັນ​ການ​ຊົ່ວຄາວ ຈົນ​ກວ່າ​ວ່າຈະ​ຢືນຢັນ​ລະດັບ​ທາດພິດທີ່ເຈືອ​ປົນຢູ່​ໃນ​ສິນຄ້າ​ດັ່ງກ່າວ
ໄດ້​ເສຍ​ກ່ອນ.

ຄວາມ​ຢ້ານ​ກົວ​ຕໍ່ການ​ໃຊ້​ຜະລິດ​ຕະພັນ​ຊີ້ນຂອງເຢຍລະ​ມັນ​ໄດ້​ເລີ້ມມີຂຶ້ນ ລຸນ​ຫລັງ​ທີ່ຜົນ​ການ​ກວດໄດ້​ສະ​ແດງ​ໃຫ້​ເຫັນວ່າ​ ມີ​ທາດ​ພິດທີ່​ພາ​ໃຫ້​ເກີດ​ໂຣກມະ​ເຮັງຢູ່​ໃນ​ຫົວອາຫານ​ສັດ​ ໃນ ລະດັບ​ສູງ.

Slovakia ​ເປັນ​ປະ​ເທດ​ທຳ​ອິດ​ໃນ​ສະຫະພາບຢູ​ໂຣບ ທີ່​ໄດ້​ຈຳກັດ​ການ​ຂາຍຜະລິດ​ຕະ ພັນ​ຊີ້ນຂອງເຢຍລະ​ມັນ.

ໃນ​ວັນ​ເສົາ​ວານ​ນີ້, ​ເກົາຫລີ​ໃຕ້ກໍ​ໄດ້​ງົດ​ການ​ນຳ​ເຂົ້າຊີ້ນໝູ ​ແລະ​ສັດ​ປີກ​ທຸກຢ່າງ​ຈາກ​ເຢຍລະ
ມັນ. ພວກ​ເຈົ້າໜ້າທີ່ເກົາຫລີ​ໃຕ້​ເວົ້າວ່າ ພວກ​ເຂົາ​ເຈົ້າຈະ​ກັກຜະລິດ​ຕະພັນ​ຊີ້ນທີ່​ມາຈາກເຢຍ
ລະມັນ​ໄວ້​ ຈົນ​ກວ່າວ່າຈະ​ໄດ້ກວດກາ​ເບິ່ງ​ລະດັບ​ທາດ​ເປັນ​ພິດ ທີ່​ເຈືອ​ປົນ​ຢູ່​ໃນຜະລິດຕະພັນ
ຊະນິດ​ດັ່ງກ່າວ​ນີ້​ ​ເສຍ​ກ່ອນ.

ທາງຣັດ​ເຊຍ​ກໍໄດ້​ປະກາດວ່າ​ ​ຕົນ​ກຳ​ລັງຈໍາກັດ​ຊີ້ນ​ທີ່ນຳ​ເຂົ້າຈາກ​ເຢຍລະ​ມັນຢ່າງ​ເຂັ້ມ ງວດ​ຂຶ້ນກວ່າ​ເກົ່າ.

ທາດ​ພິດເຈືອ​ປົນ​ຢູ່​ໃນລະດັບ​ສູງ​ຜິດ​ປົກກະຕິ​ ໄດ້ຖືກ​ພົບ​ເຫັນ​ຢູ່​ໃນ​ຜະລິດ​ຕະພັນກະສິກຳ​ ທີ່​ຜະລິດໂດຍບໍລິສັດ​ Harles ​ແລະ Jentzsch ຂອງເຢຍລະ​ມັນ ທີ່​ກຳລັງຖືກ​ກະຊວງ​ກະສິ ກຳ​ຂອງເຢຍລະ​ມັນທຳ​ການ​ຟ້ອງຮ້ອງຢູ່​ໃນ​ປັດ​ຈຸ​ບັນນີ້.

XS
SM
MD
LG