ລິ້ງ ສຳຫລັບເຂົ້າຫາ

ການປະທ້ວງ ຕໍ່ຕ້ານ ລັດຖະບານ ຢູ່ຊູດານ ຮ້າຍແຮງຂຶ້ນ (ວີດີໂອ)


ຂະSalah Mudathir, 28, killed the day before in clashes following protests in the Sudanese capital Khartoum, Sept. 28, 2013.

ຕໍາຫຼວດຊູ​ດານ ​ໄດ້​ຍິງ​ລະ​ເບີດ​ນໍ້າ​ຕາ​ໃສ່​ພວກ​ປະ​ທ້ວງ ທີ່​ພາ​ກັບຫຼັ່ງ​ໄຫຼລົງ​ສູ່​ຖະໜົນ​ໃນ​ນະຄອນຫຼວງ Khartoum ​ເພື່ອ​ຮຽກຮ້ອງ​ໃຫ້​ໂຄ່ນ​ລົ້ມ​ປະທານາທິບໍດີ Omar al-Bashar.

​ການ​ປະ​ເຊີນ​ໜ້າ​ກັນ​ເມື່ອ​ວັນ​ເສົາ​ວານ​ນີ້ ​ເກີດ​ຂຶ້ນຫຼັງຈາກ​ ຂະ​ບວນສົ່ງສະການ​ໃຫ້​ຊາຍ​ຄົນ​ນຶ່ງ​ທີ່​ຖືກ​ສັງຫານໃນ​ການ​ປະ​ທ້ວງ​ກ່ອນ​ໜ້າ​ນັ້ນ ທີ່ໄດ້​ກາຍ​ເປັນ​ການ​ເດີນ​ຂະ​ບວນຂະ ໜາດ​ໃຫຍ່​ຕໍ່ຕ້ານ​ລັດຖະບານ​ອີກ​ບັ້ນ​ນຶ່ງ.

ຊາວ​ຊູ​ດານ ​ໄດ້​ພາກັນ​ປະ​ທ້ວງແລະ​ເດີນ​ຂະ​ບວນຫຼາຍບັ້ນ​ນັບ​ຕັ້ງ​ແຕ່​ວັນ ຈັນ​ຜ່ານ​ມາ​ນີ້. ເປົ້າໝາຍ​ຕອນ​ເລີ່​ມຕົ້ນ​ຂອງ​ການປະ​ທ້ວງນັ້ນ ​ແມ່ນ​ແນ​ໃສ່ ການ​ຕັດ​ການ​ໃຫ້​ເງິນ​ຊ່ວຍ​ເຫຼືອເກື້ອກູນ​ຂອງ​ລັດຖະບານທີ່​ຍັງ​ຜົນ​ໃຫ້​ລາຄາ​ ນໍ້າມັນ​ເຊື້ອ​ໄຟ​ຖີບ​ຕົວ​ສູງຂຶ້ນຢ່າງ​ໄວ ການ​ເດີນ​ຂະບວນປະ​ທ້ວງ​ໄດ້​ຄ່ອຍໆ​ຂະຫຍາຍ​ວົງກວ້າງ​ອອກ​ ​ແລະຈົນມີ​ຂະໜາດ​ໃຫຍ່​ຂຶ້ນນັບ​ມື້.

ກຸ່ມ​ປົກ​ປ້ອງສິດທິ​ມະນຸດ ປະ​ເມີນ​ວ່າ ກໍາລັງ​ຂອງ​ລັດຖະບານໄດ້​ຍິງ​ແລະສັງຫານ 50 ຄົນ ​ໃນ​ລະຫວ່າງ​ການ​ເດີນ​ຂະ​ບວນປະ​ທ້ວງ​ມື້​ທໍາ​ອິດ​ນັ້ນ.

ທາງ​ການ​ຊູ​ດານ​ລາຍ​ງານ ມີ​ຜູ້​ເສຍ​ຊີວິດ​ໄປ​ແລ້ວ 33 ຄົນ .

ວິ​ກິດ​ການ​ນໍ້າມັນ​ເຊື້ອ​ໄຟ​ຂອງ​ຊູ​ດານ ​ເລີ່​ມຕົ້ນ​ຂຶ້ນຫຼັງຈາກ​ຊູ​ດານ​ໃຕ້ ​ໄດ້ ​ແຍກ​ອອກ ຈາກ​ລັດຖະບານ Khartoum ແລະເປັນ​ເອກ​ກະລາດ ​ໃນ​ປີ 2011 ​ເປັນ​ຕົ້ນມາ.

​ປະ​ເທດ​ໃໝ່​ຊູ​ດານ​ໃຕ້ ​ແມ່ນ​ຄວບ​ຄຸມ​ປະມານ​ສາມ​ສ່ວນ​ສີ່​ຂອງໂຮງ​ງານ​ຜະ ລິດ​ນໍ້າມັນ​ດິບ ​ໃນ​ສະ​ໄໝ​ອະດີດ​ຊູ​ດານ​ດຽວ​ນັ້ນ.

XS
SM
MD
LG