ລິ້ງ ສຳຫລັບເຂົ້າຫາ

ສິບຄົນຖືກຂ້າຕາຍ ຫຼັງຈາກ ການໂຈມຕີ ຕໍ່ຖານທັບອາກາດ ແຫ່ງໜຶ່ງ ໃນອິນເດຍ


ກອງກຳລັງຮັກສາຄວາມປອດໄພ ອິນເດຍ ກຳລັງເຮັດວຽກ ຢ່າງ
ໜັກເພື່ອຍຶດຄອງຖານທັບອາກາດແຫ່ງໜຶ່ງ ຢູ່ໃກ້ກັບເຂດຊາຍ
ແດນຂອງປະເທດ ຕິດກັບ ປາກິສຖານ ທີ່ໄດ້ຕົກເປັນເປົ້າໝາຍ
ຂອງການໂຈມຕີຮ້າຍແຮງ ໃນວັນເສົາວານນີ້.

ບັນດາເຈົ້າໜ້າທີ່ກ່າວວ່າ 10 ຄົນໄດ້ຖືກຂ້າຕາຍໃນການຕໍ່ສູ້ກັນ
ດົນເຖິງ 15 ຊົ່ວໂມງ, ລວມມີທະຫານຍາມຂອງ ອິນເດຍ 6 ຄົນ
ແລະ ພວກຫົວ ຮຸນແຮງຕ້ອງສົງໄສ 4 ຄົນ. ອົງການຂ່າວ Reuters
ກ່າວວ່າ ທະຫານຮັກສາຄວາມປອດໄພທີ່ຖືກຂ້າຕາຍຄົນໜຶ່ງ
ແມ່ນຜູ້ຊະນະເລີດ ຫຼຽນເງິນ ແລະ ຫຼຽນຄຳ ກິລາຍິງປືນ ໃນງານ
ແຂ່ງຂັນກິລາ Commonwealth ປີ 1995.

ເຮລິຄອບເຕີ້ໂຈມຕີ ຂອງກອງທັບອາກາດອິນເດຍ ບິນປະຕິບັດການລາດຕະເວນ ຢູ່ເທິງນ່ານຟ້າຂອງຖານທັບ Pathankot, ຕັ້ງຢູ່ ຫ່າງຈາກ 430 ກິໂລແມັດ ທາງພາກເໜືອ ຂອງນະຄອນຫຼວງ New Delhi ຂອງອິນເດຍ, ວັນທີ 2 ມັງກອນ 2016.

ເຮລິຄອບເຕີ້ໂຈມຕີ ຂອງກອງທັບອາກາດອິນເດຍ ບິນປະຕິບັດການລາດຕະເວນ ຢູ່ເທິງນ່ານຟ້າຂອງຖານທັບ Pathankot, ຕັ້ງຢູ່ ຫ່າງຈາກ 430 ກິໂລແມັດ ທາງພາກເໜືອ ຂອງນະຄອນຫຼວງ New Delhi ຂອງອິນເດຍ, ວັນທີ 2 ມັງກອນ 2016.

ພວກນັກໂຈມຕີຫຼາຍຄົນ ເຊື່ອວ່າແມ່ນສະມາຊິກຂອງກຸ່ມ Jaish e Mohammed ຫຼື
The Army of Mohammed, ເປັນກຸ່ມຫົວຮຸນແຮງກຸ່ມໜຶ່ງ ທີ່ມີຖິ່ນຖານຕັ້ງຢູ່ປະເທດ
ປາກິສຖານ ເຊິ່ງຢາກປະກາດ ເອກະລາດ ສຳລັບພາກພື້ນ Kashmir ທີ່ປົກຄອງໂດຍ
ອິນເດຍ.

ແຜນທີ່ ເຂດເມືອງ Pathankot ຂອງອິນເດຍ

ແຜນທີ່ ເຂດເມືອງ Pathankot ຂອງອິນເດຍ

XS
SM
MD
LG