ລິ້ງ ສຳຫລັບເຂົ້າຫາ

ຕຳ​ຫຼວດ​ຝ​ຣັ່ງ ສັງ​ຫານ ມື​ປືນ 3 ຄົນ ແລະ​ເຮັດ​ໃຫ້ ວິ​ກິດ​ການ ​ໂຕ​ປະ​ກັນ ສິ້ນ​ສຸດ​ລົງ


ເຈົ້າ​ໜ້າ​ທີ່​ຮັກ​ສາ​ຄວາມ​ສະ​ຫງົບ​ຄົນ​ນຶ່ງ ​ບອກ​ໃຫ້​ພວກ​ໂຕ​ປະ​ກັນ ທີ່​ຖືກ​ປ່ອຍ​ໄປ​ສ​ູ່​ບ່ອນ​ປອດ​ໄພ ຫລັງ​ຈາກ​ຕຳ​ຫຼວດ​ບຸກ​ເຂົ້າ​ໄປ​ ໃນ​ຕະ​ຫລາດ​ຊູ​ເປີ້​ມາກ​ເກັດ​ຊາວ​ຢິວ ທີ່​ປາ​ຣີີ (9 ມັງ​ກອນ 2015)

ເຈົ້າ​ໜ້າ​ທີ່​ຝ​ຣັ່ງ​ ກ່າວ​ວ່າ ຜູ້​ຕ້ອງ​ສົງ​ໄສ 2 ຄົນ​ທີ່​ມີ​ອາ​ວຸດ​ຄົບ​ມື ໃນ
​ການ​ໂຈມ​ຕີ​ສຳນັກ​ງານ​ໜັງ​ສື​ພິມ Charlie Hebdo ໃນ​ອາ​ທິດນີ້
ໄດ້​ຖືກ​ຂ້າ​ຕາຍ​ ແລະ​ໂຕ​ປະ​ກັນ ທີ່​ພວກ​ເຂົາ​ຈັບ​ໄວ້ ​ໄດ້​ຖືກ​ປ່ອຍ
ໃນ​ລະ​ຫວ່າງ​ທີ່​ຕຳ​ຫຼວດ​ບຸກ​ເຂົ້າ​ໄປທາງ​ກ້ຳ​ຕາເວັນ​ອອກ​ສຽງ​ເໜືອ
​ຂອງ​ນະ​ຄອນ​ຫຼວງ​ປາ​ຣີ. ການ​ບຸກ​ໂຈມ​ຕີ​ຢູ່​ອີກ​ບ່ອນນຶ່ງທີ່ນະ​ຄອນ
​ຫຼວງ​ຂອງ​ຝ​ຣັ່ງ ກໍ​ໄດ້​ສັງ​ຫານ​ມື​ປືນ​ອີກ​ຄົນ​ນຶ່ງທີ່​ຈັບ​ໂຕ​ປະ​ກັນ​ຫຼາຍ
ຄົນຢູ່​ທີ່ຕະ​ຫລາດ​ຊູ​ເປີ້​ມາກ​ເກັດຂາຍ​ເຄື່ອງ​ຂອງ​ແລະ​ອາ​ຫານ​ຢິວ​
ທີ່​ນະ​ຄອນ​ຫຼວງຝ​ຣັ່ງ ແຕ່​ຕຳ​ຫຼວດ​ເວົ້າ​ວ່າ ມີ​ໂຕ​ປ​ະ​ກັນ 3 ຄົນ​ເສຍ
​ຊີ​ວິດ ໃນ​ການ​ປະ​ຕິ​ບັດ​ງານ​ຂອງຕຳ​ຫຼວດຢູ່​ທີ່ນັ້ນ.

ທ້າວ Chérif Kouachi (ຊ້າຍ) ແລະ​ທ້າວ Said Kouachi (ຂວາ)

ທ້າວ Chérif Kouachi (ຊ້າຍ) ແລະ​ທ້າວ Said Kouachi (ຂວາ)

ສຽງ​ລະ​ເບີດ​ແລະ​ສຽງ​ປືນ​ໄດ້​ແຕກ​ຂຶ້ນ ຂະ​ນະ​ທີ່​ຕຳ​ຫຼວດ​ບຸກ​ເຂົ້າ
​ໄປ ​ໃນ​ຕອນ​ບ່າຍ​ຂອງວັນ​ສຸກມື້ນີ້ ຕາມ​ເວ​ລາ​ໃນ​ຝ​ຣັ່ງ ເກືອບ​ວ່າ
​ພ້ອມໆ​ກັນ​ກັບ​ທີ່​ຕະ​ຫລາດ​ຊູ​ເປີ້​ມາກ​ເກັດແລະ​ທີ່​ເມືອງ​ອຸ​ດ​ສາ​ຫະ
​ກຳ Dammartin-en-Goele ໃກ້ໆກັບ ​ສະ​ໜາມ​ບິນ​ນາໆຊາດ
Charles DeGaulle. ສອງ​ອ້າຍ​ນ້ອງ ທ້າວ Cherif ແລະ​ທ້າວ
Said Kouachi ​ຜູ້​ຕ້ອງ​ສົງ​ໄສ​ທີ່​ສຳ​ຄັນໃນ​ການ​ໂຈມ​ຕີ​ແບບນອງ​
ເລືອດຕໍ່​ສຳ​ນັກ​ງານ​ວາ​ລະ​ສານສຽດ​ສີ​ສັງ​ຄົມ ທີ່​ນະ​ຄອນ​ປາ​ຣີໃນ
​ມື້​ວັນ​ພຸດ​ຜ່ານ​ມານັ້ນ ໄດ້​ພາ​ກັນ​ອອກ​ມາ​ຈາກ​ບ່ອນ​ລີ້​ຊ່ອນ ຢູ່ໃນ​
ໂກ​ດັງ ແລະ​ກໍ​ເລີ້ມ​ຍິງ​ປືນ​ສາດ​ເຂົ້າ​ໃສ່ ຂະ​ນະ​ທີ່​ຕຳ​ຫຼວດ​ບຸກ​ເຂົ້າ​ໄປ. ​ແຕ່​ພວກ​ເຂົາ​ໄດ້​ຖືກ​ຍິງ​ຕາຍ ໂດຍ​ຕຳ​ຫຼວດ​ຈຳ​ນວນ​ຫລວງ​ຫລາຍ​ທີ່​ອ້ອມບໍ​ລິ​ເວນ​ດັ່ງ​ກ່າວນັ້ນ​ຢູ່.

ໃນ​ການ​ຍິງ​ກັນ​ຢູ່ນ​ະ​ຄອນ​ຫຼວງ​ປາ​ຣີນັ້ນ ກຳ​ລັງ​ຮັກ​ສາ​ຄວາມ​ສະ​ຫງົບ​ໄດ້​ບຸກ​ເຂົ້າ​ໄປ​ໃນ​ຮ້ານ​ຊູ​ເປີ້ມ​າກ​ເກັດ ໃກ້ໆ​ຄຸ້ມ Porte de Vincennes. ເຂົາ​ເຈົ້າ​ໄດ້​ສັງ​ຫານ​ມື​ປືນ ທີ່​ໄດ້​ບຸກ​ເຂົ້າ​ໄປ​ໃນ​ຕະ​ຫລາດ​ດັ່ງ​ກ່າວ ເມື່ອ​ຫລາຍໆ​ຊົ່ວ​ໂມງ​ກ່ອນ​ໜ້ານັ້ນ ແລະ ກໍ​ຈັບ​ພວກ​ລູກ​ຄ້າ​ແລະ​ພະ​ນັກ​ງານ​ຂອງ​ຕະ​ຫລາດ​ໄວ້​ເປັນ​ໂຕ​ປະ​ກັນ​. ເຈົ້າ​ໜ້າ​ທີ່ ກ່າວ​ວ່າ ມີ​ໂຕ​ປະ​ກັນ​ຢ່າງ​ໜ້ອຍ 5 ຄົນ ແລະ 3 ຄົນ​ໄດ້​ຖືກ​ຂ້າ​ຕາຍ ແຕ່​ຍັງ​ບໍ່ ທັນ​ເປັນ​ທີ່​ຈະ​ແຈ້ງ​ເທື່ອ​ວ່າ ແມ່ນ​ໃຜ​ເປັນ​ຜູ້​ຂ້າ​ເຂົາ​ເຈົ້າ ແລະ​ຂ້າ​ໃນ​ເວ​ລາ​ໃດ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG