ລິ້ງ ສຳຫລັບເຂົ້າຫາ

ສຫລ ກັບ ຝຣັ່ງ ສະຫລອງ ຄົບຮອບ 70 ປີ ແຫ່ງ ການສິ້ນສຸດລົງ ຂອງ ສົງຄາມໂລກຄັ້ງທີສອງ


ລັດຖະມົນຕີ ຕ່າງປະເທດຝຣັ່ງ ທ່ານ Laurent Fabius (ທີສອງຈາກຊ້າຍ) ແລະ ລັດຖະມົນຕີຕ່າງປະເທດ ສະຫະລັດ ທ່ານ John Kerry (ທີສອງຈາກຂວາ)

ວັນ​ທີ 8 ພຶດສະພາ​ເປັນ​ວັນ​ຄົບຮອບ 70 ປີ​ໃນ​ອັນ​ທີ່​ເອີ້ນ​ກັນ​ວ່າ
ວັນ​ໄຊຊະນະ​ໃນ​ຢູ​ໂຣບ ຫຼື VE Day ​ເປັນ​ວັນ​ຂີດ​ໝາຍ​ໃນ​ປີ
1945 ​ເວລາພວກ​ທະຫານ Nazi ວາງ​ອາວຸດ​ຂອງ​ພວກ​ເຂົາ​ບັ້ນ
​ສຸດ​ທ້າຍເຮັດ​ໃຫ້​ສົງຄາມ​ໂລກ​ຄັ້ງ​ທີ​ສອງ​ຍຸດຕິ​ລົງ​ໃນ​ທະວີບຢູ​ໂຣບ.

ທີ່​ອັງກິດ ມີ​ການ​ຈັດພິທີ​ລະ​ລຶກ​ຕ່າງໆຂຶ້ນ​ໃນ​ວັນ​ສຸກ​ມື້​ນີ້ ​ໃນ​ຂະນະ​
ດຽວ​ກັນ​ກໍມີ​ການສະ​ແດງ​ດົນຕີ concert ​ແລະ​ງານ​ກິນ​ລ້ຽງ​ຢູ່​ຕາມ​
ຖະໜົນຫົນທາງ​ສາຍ​ຕ່າງໆ ​ໃນ​ທົ່ວ​ປະ​ເທດ ​ໃນ​ຄວາມ​ພະຍາຍາມ​
ເພື່ອສ້າງ​ຕັ້ງ​ຈິດ​ໃຈ​ແຫ່​ງວັນລະ​ລຶກດັ່ງກ່າວ​ຄືນ​ໃໝ່.

ການສະ​ແດງ​ດົນຕີ concert ຄັ້ງ​ໃຫຍ່ກຳນົດ​ຈະ​ມີ​ຂຶ້ນ​ທີ່​ສວນສາທາລະນະ Saint James Park ທີ່​ກຸງ​ລອນ​ດອນ ບ່ອນ​ທີ່​ຈະ​ມີ​ງານ​ກິນ​ລ້ຽງ​ຕ້ອນຮັບ​ພວກ​ນັກ​ລົບ​ເກົ່າ 2
ພັນ​ຄົນ​ຢູ່ແຫ່ງ​ດັ່ງກ່າວເຊັ່ນ​ກັນ.

​ໃນ​ວັນ​ອາທິດ​ມື້ຮື​ນີ້ ລາ​ຊີ​ນີ Elizabeth ຈະ​ຊົງ​ໄປ​ຮ່ວມ​ວັນ​ຂອບຄຸນ VE ທີ່ໂບດ Westminster Abbey.

ທີ່​ຝຣັ່ງ ປະທານາທິບໍດີ Francois Hollande ຈະ​ໄປ​ວາງ​ພວງ​ມາລາ​ໃສ່​ຫລຸມ​ຝັງ​ສົບ​ນິລະນາມ. ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ John Kerry ກໍຈະ​ໄປ​ຮ່ວມ
​ໃນ​ພິທີ​ດັ່ງກ່າວເຊັ່ນ​ກັນ.

ຣັດ​ເຊຍຈະ​ຈັດພິທີ​ຂີດ​ໝາຍ​ ແຫ່ງ​ການອາວະສານຂອງສົງຄາມ​ໂລກ​ຄັ້ງ​ທີ​ສອງ ດ້ວຍການ​
ເດີນ​ສວນສະໜາມ​ທີ່​ຈະຕຸ​ລັດ Red Square ​ໃນ​ນະຄອນຫຼວງ​ມອສກູ​.

ທີ່​ສະຫະລັດ ຝູງ​ເຮືອບິນ​ລົບ​ທີ່​ໃຊ້​ໃນ​ປາງ​ສົງຄາມ​ໂລກ​ຄັ້ງ​ທີ​ສອງຈຳນວນຫຼວງ​ຫຼາຍ
ຈະ​ບິນ​ຜ່ານ​ນະຄອນຫຼວງ​ວໍ​ຊິງ​ຕັນ ​ເພື່ອ​ໃຫ້​ກຽດ​ແກ່ພວກ​ນັກ​ລົບ​ເກົ່າ​ໃນ​ປາງ​ສົງຄາມ​
ໂລກ​ຄັ້ງ​ທີ​ສອງ​ຢູ່​ໃນ​ເມືອງ ສຳລັບ​ພິທີສະຫຼອງ​ທີ່​ອະນຸສາວະລີ​ສົງຄາມ​ໂລກ​ຄັ້ງ​ທີ​ສອງ​.

ຜູ້ນຳຕາເວັນຕົກ ຈະບໍ່ໄປຮ່ວມ ສະຫລອງໄຊຊະນະຂອງສົງຄາມໂລກຄັ້ງທີ 2 ທີ່ມົສກູ:

XS
SM
MD
LG