ລິ້ງ ສຳຫລັບເຂົ້າຫາ

ທ່ານ Sessions ສັ່ງໃຫ້ ຕັດສິນ ຜູ້ກະທຳຜິດ ຕິດຄຸກ ດົນກວ່າເກົ່າ


ທ່ານ Jeff Sessions ລັດຖະມົນຕີ​ກະຊວງຍຸ​ຕິ​ທຳ ກ່າວຢູ່ສູນກາງ Islip ທີ່ນະຄອນ New York.

ທ່ານ Jeff Sessions ລັດຖະມົນຕີ​ກະຊວງຍຸ​ຕິ​ທຳສະຫະລັດ ​ໄດ້​ສັ່ງໃຫ້​ບັນ​ດາ​ໄອ​ຍະ​
ການ​ລັດຖະບານ​ກາງທັງຫລາຍ ຊອກ​ຫາທາງ​ຕັ້ງຂໍ້​ກ່າວ​ຫາ​ທີ່​ຮ້າຍ​ແຮງທີ່​ສຸດ​ເທົ່າ​ທີ່​ຈະ​
ເຮັດ​ໄດ້​ຕໍ່​ຜູ້​ຕ້ອງ​ສົງ​ໄສທຳ​ຄວາມຜິດ ຊຶ່ງ​ເປັນ​ການ​ຕ່າວ​ປີ້ນ​ນະ​ໂຍບາຍ​ຂອງປະທານາ
ທິບໍດີ Barack Obama ທີ່​ອາດ​ເປັນ​ຜົນເຮັດ​ໃຫ້​ມີ​ການຕັດສິນ​ລົງ​ໂທດຫລາ​ຍຂຶ້ນ
​ແລະ​ຕິດ​ຄຸກ​ຍາວຂຶ້ນກວ່າ​ເກົ່າ.

ຢູ່​ໃນ​ໜັງສື ຫລື memo ທີ່​ສົ່ງ​ຫາບັນດາ​ໄອ​ຍະ​ການຕ່າງໆ ​ໃນ​ທົ່ວ​ປະ​ເທດ​ໃນ​ວັນ​ພະ
ຫັດ​ຜ່ານ​ມາ​ນີ້ ທ່ານ Sessions ຂຽນ​ວ່າ “ນະ​ໂຍບາຍ​ນີ້ ແມ່ນຍຶດໝັ້ນ​ຄວາມ​ຮັບຜິດ
ຊອບ​ຂອງ​ພວກ​ເຮົາ​ໃນ​ການ​ປະຕິບັດ​ຕາມ​ກົດໝາຍ, ມັນ​ເປັນ​ສິ່ງ​ທີ່​ມີສິນລະ​ທຳ ​ແລະ
​ຍຸຕິ​ທຳ ​ແລະ​ເຮັດ​ໃຫ້ເກີດ​ຄວາມສອດຄ່ອງ​ກັນ.”

ຢູ່​ໃນ​ການ​ກ່າວ​ຄຳ​ປາ​ໄສ​ທີ່ນະຄອນຫລວງ ວໍ​ຊິງ​ຕັນ​ໃນ​ວັນ​ສຸກ​ວານ​ນີ້ ທ່ານ Sessions
ກ່າວ​ວ່າ ຄຳ​ສັ່ງ​ດັ່ງກ່າວແມ່ນ​ຈໍາ​ເປັນມີ ​ເພື່ອຕ້ານ​ກັບຄວາມ​ຮຸນ​ແຮງທີ່​ເພີ້​ມຂຶ້ນ ຢູ່​ໃນ
​ໂຕ​ເມືອງໃຫຍ່​ຈຳນວນ​ນຶ່ງ ​ແລະ​ການລະບາດ​ຂອງ​ການຕິດຢາ​ເສບ​ຕິດຂອງ​ປະ​ເທດ.
ທ່ານ Sessions ກ່າວ​ວ່າ “ຖ້າ​ຫາກ​ທ່ານ​ຕ້ອງການ​ເກັບໜີ້​ສິນ​ຄ່າຢາ​ເສບ​ຕິດ ທ່ານ​ບໍ່
ສາມາດ​ຍື່ນ​ຄຳຟ້ອງ​ຮ້ອງ​ມາ​ຫາ​ໃນ​ສານ​ໄດ້. ທ່ານ​ສາມາດໄປເກັບ​ເງິນ​ນັ້ນ​ໄດ້​ໂດຍ​ໃຊ້
ກະບອກ​ປືນ.”

ຄຳ​ສັ່ງດັ່ງກ່າວ​ຄາດວ່າ​ຈະເຮັດ​ອອກ​ມາໂດຍ​ທ່ານ Sessions ອະດີດ​ໄອ​ຍະ​ການ​ໃນ
​ໄລຍະ​ທີ່​ມີ​ການ​ທັບ​ມ້າງຢ່າງ​ໃຫຍ່ ຕໍ່ການລະບາດຂອງ​ເຮ​ໂຣອິນ​ທີ່​ຮ້າຍ​ແຮງຂອງ​
ສະຫະລັດ ​ທີ່​ໄດ້​ໃຫ້ຄຳ​ໝັ້ນ​ສັນຍາ​ວ່າ ການ​ຕໍ່ສູ້​ກັບ​ການ​ໃຊ້ຄວາມ​ຮຸນ​ແຮງ ​ແລະ​ຢາ​
ທີ່ຜິດ​ກົດໝາຍ ຈະເປັນບູລິ​ມະ​ສິດ​ຂອງ​ກະຊວງ​ຍຸຕິ​ທຳ.

​ຢູ່​ໃນ​ໜັງສື ຫລື memo ດ້ານ​ນະ​ໂຍບາຍ​ຂອງ​ທ່ານ Sessions ​ໄດ້​ສັ່ງ​ໃຫ້ບັນດາ​ໄອ
​ຍະ​ການ​ທັງຫລາຍ “ຕັງຂໍ້ກ່າວ​ຫາ ​ແລະ​ຕິ​ດຕາມການ​ກະທໍາ​ຜິດ​ທີ່​ຮ້າຍ​ແຮງ​ສຸດ ​ແລະ
​ສາມາດ ມີ​ຫລັກ​ຖານ​ຢັ້ງຢືນ​ໄດ້ຢູ່​ແລ້ວ”. ​ໜັງສື ຫລື memo ດັ່ງ​ກ່າງ​ກໍ​ຮັບ​ຮູ້​ວ່າ ​ໃນ​
ບາງກໍລະນີ “ການ​ໃຊ້​ຄວາ​ມພິນິດພິຈາລະນາ​ຂອງ​ຕົນ” ຈະອະນຸຍາດໃຫ້​ໄອ​ຍະ​ກາ​ນ
ຄົນ​ນຶ່ງ​ບໍ່​ປະຕິບັດ​ຕາມ​ກົດ​ລະບຽບນັ້ນ​ໄດ້. ​ແຕ່ເຖິງຢ່າງໃດ​ກໍຕາມ ​ໃນ​ກໍລະນີ​ມີ​ການ
ຍົກ​ເວັ້ນ​ເຊັ່ນ​ນັ້ນ ຈະ​ຕ້ອງ​ໄດ້​ຂໍ​ຄໍາ​ອະນຸມັດ​ຈາກ​ບັນດາ​ຫົ​ວໜ້າ​ສູງ​ສຸດກ່ອນ.

ພາບບັນທຶກ ປະທານາທິບໍດີ Barack Obama ຕິດຕາມດ້ວຍ ລັດຖະມົນຕີ ກະຊວງຍຸຕິທຳ ທ່ານ Eric Holde ທີ່ທຳນຽບຂາວ ວັນທີ 25 ເດືອນກັນຍາ 2014.
ພາບບັນທຶກ ປະທານາທິບໍດີ Barack Obama ຕິດຕາມດ້ວຍ ລັດຖະມົນຕີ ກະຊວງຍຸຕິທຳ ທ່ານ Eric Holde ທີ່ທຳນຽບຂາວ ວັນທີ 25 ເດືອນກັນຍາ 2014.

ຄໍາ​ສັ່ງ​ນີ້ ​ໄດ້ລົບ​ລ້າງຄໍາ​ແນະນຳ​ ທີ່​ວາງ​ອອກໂດ​ຍທ່ານEric Holder, ຜູ້​ດໍາລງຕໍາ​
ແໜ່ງ ກ່ອນ ທ່ານ Sessions ທີ່ມາ​ຈາກ​ພັກ​ເດ​ໂມ​ແຄຣັດ ທີ່​ໄດ້​ເວົ້າ​ວ່າ ໃນກໍລະນີ
ບັນດາ​ໄອ​ຍະ​ການກໍ​ສາມາດ ​ສາມາດຍົກ​ເວັ້ນບໍ່​ເອົາຈຳນວນ​ຢາ​ເສບ​ຕິດ​ຂຽນ​ໃສ່​ໃນ
ເອກ​ກະສາ​ນ​ກ່າວ​ຫາ ​ເພື່ອ​ເຮັດ​ໃຫ້ການ​ຕັດສິນ​ລົງ​ໂທດແກ່ຍາວ​ອອກ​ໄປ. ຂໍ້​ລິ​ເລີ້ມ
ທາງນະ​ໂຍບາຍ “ສະຫລາດໃນ​ການ​ແກ້​ໄຂ​ອາດຊະຍາ​ກໍາ” ຂອງ​ທ່ານ Holder ​ທີ່​
ວາງອອກໃນ​ປີ 2013 ​ແມ່ນ​ແນ​ໃສ່ເພື່ອ​ພາ​ໃຫ້​ມີ​ການລົງ​ໂທດ​ສັ້ນ​ລົງ​ຕໍ່ຜູ້​ກະທຳ​
ຄວາມ​ຜິດຢາ​ເສບ​ຕິດ​ທີ່​ບໍ່​ຮ້າຍ​ແຮງ ​ເພື່ອ​ຈະ​ເຮັດ​ໃຫ້​ມີທຶນໄວ້​ຕິດຕາມ​ຫາ​ຜູ້​ກະທຳ
​ຄວາມ​ຜິດ​ທີ່​ຮ້າຍ​ແຮງ ​ແລະ​ຮຸນ​ແຮງ​ຫລາຍ​ກວ່າ.

ອ່ານຂ່າວນີ້ເພີ້ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG