ລິ້ງ ສຳຫລັບເຂົ້າຫາ

ຜູ້ບັນຊາ​ການ ອະວຸໂສ​ ຂອງ ອີຣ່ານ ຖືກສັງຫານ ຢູ່ ຊີເຣຍ


ນາຍພົນ Hossein Hamedani ຖືກສັງຫານ ຢູ່ໃນຊີເຣຍ ໂດຍ ພວກນັກລົບ ລັດອິສລາມ.

ນາຍພົນ Hossein Hamedani ຖືກສັງຫານ ຢູ່ໃນຊີເຣຍ ໂດຍ ພວກນັກລົບ ລັດອິສລາມ.

ອີຣ່ານກ່າວໃນວັນສຸກມື້ນີ້ວ່າ ຜູ້ບັນຊາ​ການອະວຸໂສ​ຄົນນຶ່ງ ຂອງ
ໜ່ວຍ​ພິທັກປະ ຕິວັດຂອງຕົນ​ ​ໄດ້​ຖືກ​ສັງຫານ​ຢູ່​ໃນຊີ​ເຣຍ ​ແລະ
​ບັນດາ​ເຮືອບິນ​ລົບຂອງຝຣັ່ງ ກໍ່ ໄດ້ອອກປະຕິບັດງານ​ການ​ໂຈມ​
ຕີຮອບໃໝ່ຢູ່​ໃນ​ປະ​ເທດດັ່ງກ່າວ ​ໃນ​ຂະນະ​ທີ່ບັນຫາຂັດ​ແຍ້​ງ​ຍັງ
ສືບຕໍ່ກ້າວເຂົ້າ​ສູ່​ຄວາມ​ສັບສົນ​ຂອງ​ນາໆຊາດ.

ນາຍ​ພົນ Hossein Hamedani ​ໄດ້​ຖືກຂ້າຕາຍ ໂດຍບັນດາ​ນັກ​
ລົບ​ຈາກກຸ່ມ ອິສລາມ ​ໃນ​ຕົ້ນ​ອາທິດ​ນີ້ ​ໃນ​ຂະນະ​ທີ່ໃຫ້​ຄຳ​ແນະ
ນຳແກ່ ກຳລັງ​ທະຫານ​ຊີ​ເຣຍ ຢູ່ທີ່ເມືອງ Aleppo ທາງພາກເໜືອ
ຂອງຊີເຣຍ ​ອີງຕາມ​ຖະ​ແຫ​ລງການ ທີ່ນຳອອກ​ເຜີຍ​ແຜ່​ໃນ​ວັນ​ສຸກ​
ມື້​ນີ້ ໂດຍກຳລັງ​ພິທັກປະຕິວັດ ທີ່ເປັນໜ່ວຍລົບພິເສດ​ສຸດ​ຍອດ​
ຂອງກອງທັບອີຣ່ານ.

ອີ​ຣ່ານທີ່ນັບຖືສາສະໜາອິສລາມນິກາຍ Shi’ite ​ເປັນພັນທະ​ມິດ​ສຳຄັນ​ຢູ່ໃນ​ຂົງ​ເຂດ​ຂອງ
ຊີ​ເຣຍ ຊຶ່ງ​ໄດ້​ໃຫ້ການ​ສະ​ໜັບສະ​ໜຸນ ທາງ​ດ້ານ​ທະຫານ​ ແລະ​ດ້ານການ​ເມືອງ​ ແກ່ປະທາ
ນາທິບໍດີ Bashar al-Assad ​ໃນ​ລະຍະ​ສີ່​ປີ ​ຂອງ​ການ​ສູ້​ລົບ ຕໍ່ຕ້ານກຸ່ມ​ກະບົດ Sunni ຕ່າງໆ ທີ່​ຊອກ​ຫາ​ຊ່ອງທາງໂຄ່ນ​ລົ້ມທ່ານນັ້ນ.

ຮູບພາບຖ່າຍໃນວັນທີ່ 5, 2015 ນັກບິນຣັດເຊຍ ຄົນນຶ່ງ ກຳລັງແປງ ຖານຍິງລູກສອນໄຟ.

ຮູບພາບຖ່າຍໃນວັນທີ່ 5, 2015 ນັກບິນຣັດເຊຍ ຄົນນຶ່ງ ກຳລັງແປງ ຖານຍິງລູກສອນໄຟ.

ບັນຫາ​ຂັດ​ແຍ້​ງດັ່ງກ່າວນີ້ຍັງສືບຕໍ່ດືງດູດ​ເອົາ​ຄວາມ​ສັບສົນຂອງບັນດາ​ພັກຝ່າຍຕ່າງໆ
ຂອງສາກົນເຂົ້າມາ.

​ໃນ​ວັນ​ສຸ​ກມື້​ນີ້ ຝຣັ່ງ​ໄດ້​ປະກາດ​ ກ່ຽວກັບການປະຕິບັດ​ງານຮອບ​ທີ​ສອງໃນ​ການ​ໂຈມ​ຕີ​
ທາງ​ອາກາດ ໃນໄລຍະ​ສອງ​ອາທິດ​ຕໍ່ເປົ້າ​ໝາຍລັດ​ອິສລາມ ​ຢູ່ໃນ​ຊີ​ເຣຍ.

​ລັດຖະມົນຕີ​ປ້ອງ​ກັນ​ປະ​ເທດຝຣັ່ງ ທ່ານ Jean-Yves Le Drian ກ່າວ​ຕໍ່ວິທະ​ຍຸ​ຢູ​ໂຣບ
1 ວ່າ “​ເຮືອບິນ​ລົບ​ Rafale ຂອງຝຣັ່ງ ​ໄດ້​ຖີ້ມລະ​ເບີດ​ ລົງໃສ່​ຄ້າຍ​ເຝິກ​ແອບ ທີ່ເມືອງ
Raqqa ​ທີ່​ໝັ້ນ​ຂອງກຸ່ມລັດ​ອິສລາມ​. ທ່ານກ່າວຕື່ມວ່າ ຈຸດປະສົງດັ່ງກ່າວ​ໄດ້ບັນລຸ​ຜົນ
​ໂດຍ​ບໍ່​ໄດ້​ໃຫ້​ລາຍ​ລະ​ອຽດ​ໃດໆ​ກ່ຽວ​ກັບ​ບາດ​ເຈັບລົ້ມຕາຍ.

ຝຣັ່ງ ​ເປັນ​ພາກສ່ວນນຶ່ງຂອງ​ແນວໂຮມທີ່​ນຳພາ​ໂດຍ ສະຫະລັດ ເພື່ອພະຍາຍາມ​ທີ່​ຈະ​ເອົາຊະນະຜາບແພ້ກຸ່ມ​ລັດອິສລາມ ​ແລະໃຫ້ການ​ຊ່ວຍ​ເຫລືອ​ດ້ານ​ອາ​ວຸດ ​ແລະ​ສະໜັບ
ສະໜູນ​ແກ່ບັນດາກຸ່ມຕໍ່ຕ້ານລັດຖະບານໃນຊີ​ເຣຍ ທີ່​ຕົນ​ມັກນັ້ນ. ​

XS
SM
MD
LG