ຫົວໜ້າຝ່າຍນະໂຍບາຍການຕ່າງປະເທດຂອງສະຫະພາບຢູ
ໂຣບ ຫລື EU ກ່າວວ່າ EU ມີຄວາມ “ເສົ້າສະຫລົດໃຈຢ່າງ
ສຸດຊຶ້ງ” ນໍາການເພີ້ມທະວີຂຶ້ນຂອງຈໍານວນຊາວທິເບດທີ່ເຜົາ
ໂຕຕາຍ ຢູ່ໃນຈີນ.
ທ່ານນາງ Catherine Ashton ຜູ້ຕາງໜ້າຂັ້ນສູງດ້ານກິດ
ຈະການຕ່າງປະເທດ ແລະນະໂຍບາຍດ້ານຄວາມໝັ້ນຄົງ
ຂອງ EU ເວົ້າວ່າ EU ມີຄວາມເປັນຫ່ວງນໍານະໂຍບາຍທີ່
ຈຳກັດຮັດແຄບຂອງຈີນ ຢູ່ໃນທິເບດ ຊຶ່ງໄດ້ເຮັດໃຫ້ເກີດ
ຄວາມບໍ່ພໍໃຈເພີ້ມຂຶ້ນນັບມື້ ຢູ່ໃນຂົງເຂດດັ່ງກ່າວນັ້ນ.
ຢູ່ໃນຖະແຫລງການສະບັບນຶ່ງທີ່ນໍາອອກເຜີຍແຜ່ໃນວັນສຸກ
ຜ່ານມານີ້ ທ່ານນາງ Ashton ໄດ້ຊຸກຍູ້ໃຫ້ຊາວທິເບດຢັບ
ຢັ້ງຊັ່ງໃຈ ຈາກການກະທໍາການປະທ້ວງແບບຮຸນແຮງ ແລະຮຽກຮ້ອງໃຫ້ຈີນແກ້ໄຂ “ສາຍ ເຫດທີ່ຝັງຮາກເລິກ ທີ່ພາໃຫ້ເກີດຄວາມຂັດຂ້ອງໝອງໃຈ” ຢູ່ໃນກຸ່ມຊາວທິເບດນັ້ນ. ທ່ານ ນາງເວົ້າອີກວ່າ ຈີນຄວນຮັບປະກັນສິດເສລີພາບດ້ານພົນ ລະເຮືອນ, ການເມືອງ, ເສດ ຖະກິດ, ສັງຄົມ ແລະວັດທະນາທໍາຂອງຊາວທິເບດ ໂຮມທັງ ສິດທິ ໃນການໄດ້ປະຕິບັດ ປະເພນີ, ນັບຖືສາສະໜາ ແລະການໃຊ້ພາສາຂອງພວກເຂົາເຈົ້າ.
ມີຊາວທິເບດຢ່າງໜ້ອຍ 92 ຄົນ ໄດ້ເຜົາຕົນເອງຕາຍໃນພາກຕາເວັນຕົກຂອງຈີນ ນັບຕັ້ງແຕ່ປີ 2009 ເປັນຕົ້ນມາ. ມີລາຍງານວ່າ ໃນນັ້ນ 28 ກໍລະນີ ໄດ້ເກີດຂຶ້ນໃນເດືອນພະຈິກ ຜ່ານມານີ້ ພຽງເດືອນດຽວເທົ່ານັ້ນ . ການເພີ້ມຂຶ້ນທີ່ວ່ານີ້ ແມ່ນໄດ້ເກີດຂຶ້ນພ້ອມໆກັບການປະທ້ວງຕໍ່ຕ້ານຈີນຫລາຍໆບັ້ນ ແລະການປາບປາມຂອງກຳລັງຄວາມປອດໄພ.
ສ່ວນທາງຈີນນັ້ນ ເວົ້າວ່າ ອົງດາໄລລາມະ ຜູ້ນໍາທາງຈິດໃຈຂອງຊາວທິເບດ ແລະພວກ ສະໜັບສະໜຸນຂອງພະອົງ ເປັນຜູ້ຍຸຍົງສົ່ງເສີມໃຫ້ຊາວທິເບດເຜົາຕົນເອງຕາຍ ເພື່ອ ເປັນການກົດດັນໃຫ້ຈີນຍົກເລີກ ການຄວບຄຸມເຂດທິເບດ.
ໃນການຖະແຫລງຈາກທີ່ປະທັບພັດຖິ່ນຢູ່ໃນອິນເດຍຂອງພະອົງ ອົງດາໄລລາມະ ໄດ້ປະ ຕິເສດວ່າ ພະອົງບໍ່ໄດ້ມີສ່ວນຂ້ອງກ່ຽວກັບການເຜົາໂຕຕາຍຢູ່ໃນເຂດທິເບດແຕ່ຢ່າງໃດ. ພະອົງໄດ້ກ່າວຢໍ້າແລ້ວຢໍ້າອີກວ່າ ພະອົງບໍ່ໄດ້ຜັກດັນໃຫ້ຈີນມອບເອກະລາດ ໃຫ້ແກ່ ທິເບດ ແຕ່ວ່າຢາກໃຫ້ທິເບດ ມີສິດປົກຄອງຕົນເອງຫລາຍຂຶ້ນ.
ຈີນຖືທິເບດວ່າ ເປັນພາກສ່ວນນຶ່ງຂອງເຂດນໍ້າແດນດິນທີ່ຢູ່ໃຕ້ອະທິປະໄຕຂອງຕົນ ທີ່ບໍ່ມີ ສິດຕໍ່ລອງແຕ່ຢ່າງໃດ.
ພາບການການເຜົາໂຕຕາຍຢູ່ໃນເຂດທິເບດ ແລະຄວາມວິຕົກຂອງສາກົນ:
![ສະພາບການເຜົາໂຕຕາຍ ທີ່ເພີ້ມຂຶ້ນໃນ ທິເບດ]()
Photo Gallery:
ໂຣບ ຫລື EU ກ່າວວ່າ EU ມີຄວາມ “ເສົ້າສະຫລົດໃຈຢ່າງ
ສຸດຊຶ້ງ” ນໍາການເພີ້ມທະວີຂຶ້ນຂອງຈໍານວນຊາວທິເບດທີ່ເຜົາ
ໂຕຕາຍ ຢູ່ໃນຈີນ.
ທ່ານນາງ Catherine Ashton ຜູ້ຕາງໜ້າຂັ້ນສູງດ້ານກິດ
ຈະການຕ່າງປະເທດ ແລະນະໂຍບາຍດ້ານຄວາມໝັ້ນຄົງ
ຂອງ EU ເວົ້າວ່າ EU ມີຄວາມເປັນຫ່ວງນໍານະໂຍບາຍທີ່
ຈຳກັດຮັດແຄບຂອງຈີນ ຢູ່ໃນທິເບດ ຊຶ່ງໄດ້ເຮັດໃຫ້ເກີດ
ຄວາມບໍ່ພໍໃຈເພີ້ມຂຶ້ນນັບມື້ ຢູ່ໃນຂົງເຂດດັ່ງກ່າວນັ້ນ.
ຢູ່ໃນຖະແຫລງການສະບັບນຶ່ງທີ່ນໍາອອກເຜີຍແຜ່ໃນວັນສຸກ
ຜ່ານມານີ້ ທ່ານນາງ Ashton ໄດ້ຊຸກຍູ້ໃຫ້ຊາວທິເບດຢັບ
ຢັ້ງຊັ່ງໃຈ ຈາກການກະທໍາການປະທ້ວງແບບຮຸນແຮງ ແລະຮຽກຮ້ອງໃຫ້ຈີນແກ້ໄຂ “ສາຍ ເຫດທີ່ຝັງຮາກເລິກ ທີ່ພາໃຫ້ເກີດຄວາມຂັດຂ້ອງໝອງໃຈ” ຢູ່ໃນກຸ່ມຊາວທິເບດນັ້ນ. ທ່ານ ນາງເວົ້າອີກວ່າ ຈີນຄວນຮັບປະກັນສິດເສລີພາບດ້ານພົນ ລະເຮືອນ, ການເມືອງ, ເສດ ຖະກິດ, ສັງຄົມ ແລະວັດທະນາທໍາຂອງຊາວທິເບດ ໂຮມທັງ ສິດທິ ໃນການໄດ້ປະຕິບັດ ປະເພນີ, ນັບຖືສາສະໜາ ແລະການໃຊ້ພາສາຂອງພວກເຂົາເຈົ້າ.
ມີຊາວທິເບດຢ່າງໜ້ອຍ 92 ຄົນ ໄດ້ເຜົາຕົນເອງຕາຍໃນພາກຕາເວັນຕົກຂອງຈີນ ນັບຕັ້ງແຕ່ປີ 2009 ເປັນຕົ້ນມາ. ມີລາຍງານວ່າ ໃນນັ້ນ 28 ກໍລະນີ ໄດ້ເກີດຂຶ້ນໃນເດືອນພະຈິກ ຜ່ານມານີ້ ພຽງເດືອນດຽວເທົ່ານັ້ນ . ການເພີ້ມຂຶ້ນທີ່ວ່ານີ້ ແມ່ນໄດ້ເກີດຂຶ້ນພ້ອມໆກັບການປະທ້ວງຕໍ່ຕ້ານຈີນຫລາຍໆບັ້ນ ແລະການປາບປາມຂອງກຳລັງຄວາມປອດໄພ.
ສ່ວນທາງຈີນນັ້ນ ເວົ້າວ່າ ອົງດາໄລລາມະ ຜູ້ນໍາທາງຈິດໃຈຂອງຊາວທິເບດ ແລະພວກ ສະໜັບສະໜຸນຂອງພະອົງ ເປັນຜູ້ຍຸຍົງສົ່ງເສີມໃຫ້ຊາວທິເບດເຜົາຕົນເອງຕາຍ ເພື່ອ ເປັນການກົດດັນໃຫ້ຈີນຍົກເລີກ ການຄວບຄຸມເຂດທິເບດ.
ໃນການຖະແຫລງຈາກທີ່ປະທັບພັດຖິ່ນຢູ່ໃນອິນເດຍຂອງພະອົງ ອົງດາໄລລາມະ ໄດ້ປະ ຕິເສດວ່າ ພະອົງບໍ່ໄດ້ມີສ່ວນຂ້ອງກ່ຽວກັບການເຜົາໂຕຕາຍຢູ່ໃນເຂດທິເບດແຕ່ຢ່າງໃດ. ພະອົງໄດ້ກ່າວຢໍ້າແລ້ວຢໍ້າອີກວ່າ ພະອົງບໍ່ໄດ້ຜັກດັນໃຫ້ຈີນມອບເອກະລາດ ໃຫ້ແກ່ ທິເບດ ແຕ່ວ່າຢາກໃຫ້ທິເບດ ມີສິດປົກຄອງຕົນເອງຫລາຍຂຶ້ນ.
ຈີນຖືທິເບດວ່າ ເປັນພາກສ່ວນນຶ່ງຂອງເຂດນໍ້າແດນດິນທີ່ຢູ່ໃຕ້ອະທິປະໄຕຂອງຕົນ ທີ່ບໍ່ມີ ສິດຕໍ່ລອງແຕ່ຢ່າງໃດ.
ພາບການການເຜົາໂຕຕາຍຢູ່ໃນເຂດທິເບດ ແລະຄວາມວິຕົກຂອງສາກົນ:
