ລິ້ງ ສຳຫລັບເຂົ້າຫາ

ໜ່ວຍກູ້ໄພ ທໍາຄວາມຄືບໜ້າ ໃນການຊອກຫາຊາກສົບ ພວກເຄາະຮ້າຍ ຈາກເຮືອບິນຕົກ (ວີດີໂອ)


ທະຫານອີນໂດເນເຊຍ ຫາມສົບຜູ້ເຄາະຮ້າຍ ຈາກເຮືອບິນຕົກໃນວັນພຸດທີ່ Cijeruk ໃນ Bogor, ເຂດ Java ຕາເວນຕົກ, ອີນໂດເນເຊຍ, ວັນເສົາ, ທີ່ 12, ເດືອນພຶດສະພາ 2012.

ທະຫານອີນໂດເນເຊຍ ຫາມສົບຜູ້ເຄາະຮ້າຍ ຈາກເຮືອບິນຕົກໃນວັນພຸດທີ່ Cijeruk ໃນ Bogor, ເຂດ Java ຕາເວນຕົກ, ອີນໂດເນເຊຍ, ວັນເສົາ, ທີ່ 12, ເດືອນພຶດສະພາ 2012.

ບັນດາ​ໜ່ວຍ​ກູ້ໄພພວມ​ໄດ້​ຮັບ​ຄວາມ​ຄືບ​ໜ້າ​ຢ່າງ​ຊ້າໆ ຢູ່ທີ່ພູໄຟທີ່​ສອກ ຫຼີກຫ່າງ​
ໄກ ແລະ​ບໍ່​ໄດ້​ລະ​ເບີດ​ໃນ​ອີນ​ໂດ​ເນ​ເຊຍ ​ເພື່ອ​ຊອກ​ຫາ​ຊາກ​ສົບ​ຂອງ​ຜູ້​ເຄາະ​ຮ້າຍ
​ຈາກອຸບັດເຫດເ​ຮື​ອບິນ​ຕົກ​ທີ່ຮ້າຍ​ແຮງ ​ແລະ​ລືກ​ລັບ ນັ້ນ.

ຖົງ​ທີ່ບັນ​ຈຸ​ພາກສ່ວນ​ຂອງ​ຮ່າງກາຍຈຳນວນ​ນື່ງ ​ໄດ້​ຖືກ​ສົ່ງ​ໄປເຖິງ​ກຸ​ງ ຈາ​ກາ​ຕາ
ເມື​ອງ​ເອກ​ຂອງອີນ​ໂດ​ເນ​ເຊຍ​ໃນ​ວັນ​ເສົາ​ນີ້ ​ໃນ​ຂະ​ນະ​ທີ່ສະ ພາບ​ດີ​ນຟ້າ​ອາກາດ
ທີ່​ດີ​ຂຶ້ນໄດ້ຊ່ວຍ​ໃຫ້​ພວກກູ້​ໄພຂ​ະຫຍາ​ຍການ​ຊອກ​ຄົ້ນຫາບ່ອນ​ເຮືອບິນ​ຕົກ​ຢູ່ທີ່ພູ
Salak​. ​ເຮືອບິນ​ເຮ​ລິ​ຄອບ​ເຕີຈໍາ​ນວນ​ນຶ່ງ​ໄດ້​ຖືກນໍາ​ມາຊ່ວຍ​ໃນ​ການພະຍາຍາມ​
ຊອກ​ຫາຊາກ​ສົບຜູ້​ເສຍ​ຊີວິດ.

ພວກ​ກູ້​ໄພ​ກ່າວ​ວ່າ ຄວາມ​ເສຍ​ຫາຍ​ຂອງ​ເຮືອບິນ ​ແລະຜູ້​ເຄາະ​ຮ້າ​ຍນັ້ນ​ແມ່ນຮ້າຍ
​ແຮງ​ທີ່​ສຸດ ​ເຂົາ​ເຈົ້າຈະ​ຕ້ອງ​ໄດ້ໃຊ້ DNA ​ເພື່ອເປັນການ​ຢັ້ງ ຢືນ​ຊາກ​ສົບ. ຢູ່​ນອກ​
ໂຮງ​ໝໍ​ບ່ອນ​ທີ່​ມີ​ການສົ່ງ​ຊາກ​ສົບ​ໄປ​ນັ້ນ ບັນດາ​ຍາດ​ຕິ​ພີ່ນ້ອງ​ຂອງ​ຜູ້​ເຄາະ​ຮ້າຍ
ພາກັນ​ລໍຖ້າ​ຢ່າງ​ເປັນຄວາມຫ່ວງເປັນ ​ໄຍ ບາງ​ຄົນ​ຍັງ​ສະ​ແດງ​ຄວາມ​ຫວັງອອກ
ມາວ່າ ຍາດຕິ​ພີ່ນ້ອງ​ຂອງ​ເຂົາ​ເຈົ້າ​ອາດ​ຈະ​ຖືກ​ຄົ້ນ​ພົບ​ ໂດຍ​ທີ່​ຍັງ​ມີ​ຊີວິ​ດຢູ່.

ບັນດາ​ເຈົ້າ​ໜ້າ​ທີ່​ກ່າວ​ວ່າ ຜູ້​ໂດຍສານ​ເກືອບ 50 ຄົນ ​ທີ່ຢູ່​ໃນ​ເຮືອບິນ ນັ້ນ​ ມີ​ທ່າ​
ທາງ​ວ່າຄົງ​ຈະ​ຕາຍ​ໝົດ ​ເວລາ​ເຮືອບິນອາຍ​ພົ່ນ​ຣັດ​ເຊຍ ບິນ ຕໍາ​ເຂົ້າ​ໜ້າ​ຜາ​ທີ່​ສູງ​ຊັນ​
ຂອງ​ພູ Salak ດ້ວຍ​ຄວາມໄວ​ເກືອບ 800 ກິ​ໂລ​ແມດ​ຕໍ່​ຊົ່ວ​ໂມງ​ໃນວັນ​ພຸດ​ແລ້ວ​ນີ້.

​ເຮືອ​ບິນເຄາະ​ຮ້າຍ Sukhoi Superjet 100 ທີ່​ມີ 100 ບ່ອນ​ນັ່ງ ຊຶ່ງ​ກໍາລັງ​ເດີນ
ທາງ​ໂຄສະນາ​ຂາຍນັ້ນ ​ໄດ້ບິນຂື້ນ​ຈາກ​ສະໜາມ​ບິນ Halim ​ໃນ​ກຸງ Jakata ບໍ່​
ດົນຫລັງ​ຈາກບ່າຍ 2 ໂມງຂອງ​ມື້ວັນ​ພຸດ​ແລ້ວພ້ອມ ດ້ວຍ​ບັນດາຜູ້​ຕິດ​ຕາມ​ທີ່​ຈະ​ຊື້
ນັກ​ຂ່າວ​ ແລະ​ພະນັກງານ. ​ເປັນ​ທີ່ຄາ​ດ ຄະ​ເນ​ວ່າ ເຮືອບິນຣັດ​ເຊຍ​ລຳ​ນີ້ຈະ​ກັບ​ຄືນ​
ມາ​ພາຍ​ໃນ​ນຶ່ງ​ຊົ່ວ​ໂມງ. ​ແຕ່​ວ່າ ​ເຮືອບິນ​ໄດ້​ຫຼຸດລະດັບ​ເພດານ​ບິນຈາກ 3000 ​ແມັດ​
ລົງ​ສູ່ 1,800 ​ແມັດ ​ແລະ​ຂາດ​ກາ​ນຕິດ​ຕໍ່​ກັບ​ຫໍ​ຄວບ​ຄຸ​ມການບິນ​ໃນ​ບໍລິ​ເວນ​ພູ
Salak ທີ່ມີ​ຄວາ​ມສູງ​ 2,200 ​ແມັດ.

​ບັນດາເຈົ້າ​ໜ້າ​ທີ່​ກ່າວ​ວ່າ ​ເປັນ​ຫຍັງ​ເຮືອບິນລຳ​ນີ້​ຈຶ່ງ​ຂໍ​ຮ້ອງ​ໃຫ້ຫຼຸດລະ ດັບ​ເພດານ​ບິນ​
ລົງ ຫລື​ວ່າ​ບັນດາ​ຜູ້​ຄວບ​ຄຸ​ມການບິນ ອະ​ນຸຍາດໃຫ້​ປະຕິບັດ​ດັ່ງ​ກ່າວ.

​ໂຄສົກ​ຂອງ​ຫ້ອງການຊອກ​ຄົ້ນຫາ​ແລະ​ກູ້​ໄພຂອງ​ອິນ​ໂດ​ເນ​ເຊຍ ທ່ານ Galah
Prakoso​ ກ່າວ​ຕໍ່ອົງການ​ຂ່າວ​ເອພີວ່າ ພວກ​ກູ້​ໄພ​ໄດ້​ຖືກ​ສັ່ງ​ໃຫ້​ຊອກ​ຫາກັບ​ດໍາ ຊຶ່ງ​
ເປັນ​ອຸປະກອນ​ບັນ​ທຶກ​ຂໍ້ມູນການບິນທີ່​ສໍາ​ຄັນ​ທີ່​ສຸດນັ້ນ.

XS
SM
MD
LG