ລິ້ງ ສຳຫລັບເຂົ້າຫາ

ນັກຄົ້ນຄວ້າ ສຫລ ພົບເທັກນິກໃໝ່ ໃນການກວດ ເຊື້ອພັນ


ວິທີການໃໝ່ໃນການກວດເບິ່ງເຊື້ອພັນຂອງລູກອ່ອນທີ່ຫາກໍຈໍ່ໃນທ້ອງ

ພວກນັກ​ຄົ້ນ​ຄວ້າ​ຂອງສະຫະລັດ ​ໄດ້​ພາກັນ​ຄິດ​ຄົ້ນ​ເທັກນິກ ຊຶ່ງໃນ​ທີ່​ສຸດຈະ​ອຳນວຍ​
ໃຫ້ສາມາດກວດຫາ​ເຊື້ອ​ພັນ​ທີ່​ບໍ່​ປົກກະຕິ ​ໂດຍຜ່ານ​ຂັ້ນຕອນ ຫຼືວິທີ​ການ​ທີ່​ບໍ່ເປັນ
​ການລົບ​ກວນ ​ຕໍ່ລູກນ້ອຍ​ທີ່​ຫາ​ກໍ​ຈໍ່​ໃນ​ທ້ອງ.

ບັນດາ​ນັກ​ວິ​ທະ​ຍາ​ສາດ​ທີ່ມະຫາວິທະຍາ​ໄລວໍ​ຊິງ​ຕັນ ກ່າວ​ວ່າ ​ເຂົາ​ເຈົ້າໃຊ້​ເລືອດຕົວ
ຢ່າງຈາກແມ່ຍິງ​ທີ່​ຖືພາ ​ແລ​ນໍ້າລາຍ​ຂອງຜູ້​ເປັນ​ພໍ່ ​ເພື່ອຊອກ​ຫາ​ແມ່ ບົດ​ເຊື້ອ​ພັນຂອງ​
ເດັກ​ທີ່​ຍັງ​ບໍ່​ທັນ​ເກີດນັ້ນ.

ບັນດາ​ນັກວິທະຍາສາດພາກັນ​ທໍາ​ການ​ຄົ້ນຄວ້າກ່ຽວ​ກັບແມ່ຍິງ​ຄົນ​ນຶ່ງທີ່​ຫາ​ກໍ​ຖືພາ​ໄດ້ 18
ອາທິດ​. ​ເຂົາ​ເຈົ້າ​ກ່າວ​ວ່າ​ ວິທີ​ການ​ຂອງ​ພວກ​ເຂົາ​ເຈົ້າ ມີ​ຄວາມ​ສ່ຽງ​ໜ້ອຍ ກວ່າວິທີກວດ
​ເຊື້ອພັນ​ແບບ​ອື່ນ ທີ່​ຕ້ອງການ​ແຊ​ລຂອງ​ລູກ​ທີ່​ຫາ​ກໍ​ຈໍ່​ຫຼື​ເນື້ອ​ເຫຍື່ອ​ຫຸ້ມ​ມົດ​ລູກຫຼື
placenta ນັ້ນ.

ດຣ. Peter Benn ສາດສະດາ​ຈານ​ດ້ານ​ເຊື້ອ​ພັນແລະ​ຊີວະວິທະຍາ ທີ່​ມະຫາ ວິທະຍາ​ໄລ
Connecticut ກ່າວ​ວ່າ ວິ​ທີການນີ້​ເປັນ​ບາດກ້້າວ​ຄືບໜ້າ​ອັນສໍາ​ຄັນ​ທີ່​ສຸດ.

ທ່ານເວົ້າວ່າ “ນີ້​ແມ່ນ​ວຽກ​ການ​ທີ່ິພິ​ເສດຢ່າງ​ນຶ່ງ. ​ຄວາມ​ຄິດ​ທີ່​ທ່ານ​ພຽງ​ແຕ່​ເອົາ​ເລື​ອດ
ຕົວຢ່າງຈາ​ກ​ແມ່​ຍິງ​ທີ່​ຖືພາມາ​ກວດ ແລະ​ຮູ້ຈັກ​ກ່ຽວ​ກັບ​ແຜນຜັງ​ຂອງ​ເຊື້ອ ພັນ​ໃນ​ແຊ​ລຫຼື
genome ຂອງ​ເດັກ​ທີ່​ຫາ​ກໍ​ຈໍ່ ພຽງ​ແຕ່ຈາ​ກການກວດ​ຕົວ​ເລືອດ​ຕົວຢ່າງນັ້ນ ​ແມ່ນ​ເປັນສິ່ງ​
ໂດດ​ເດັ່ນອີ​ຫຼີ.”

​ເຖິງ​ຢ່າງ​ໃດ​ກໍ​ດີ ທ່ານ Ben ​ກ່າວ​ວ່າ ຍັງ​ຈຳ​ເປັນ​ຕ້ອງ​ໄດ້​ຄົ້ນ​ຄວ້າ​ເພີ້​ມ​ເຕີມອີກ​ເພື່ອ​ພິຈາ
ລະນາເບິ່ງວ່າ ​ການ​ປ່ຽນ​ແປງຂອງ​ເຊື້ອພັນ​ໃດ​ທີ່ມີ​ຄວາມສໍາຄັນ.

ການຄົ້ນພົບ​ຈາກ​ການ​ສຶກສາ​ດັ່ງກ່າວ​ນີ້​ໄດ້​ມີ​ການ​ພິມ​ເຜີຍ​ແຜ່​ຢູ່​ໃນ​ວາລະສານ​ວິທະຍາສາດ Translational Medicine.

XS
SM
MD
LG