ລິ້ງ ສຳຫລັບເຂົ້າຫາ

ບັນດາ​ນັກວິທະຍາສາດ ໃກ້ຈະ​ຄົ້ນພົບ ວິທີ​ປິ່ນປົວ​ໂຣກ AIDS ​ໃຫ້ຫາ​ຍຂາດແລ້ວ


ບັນດາ​ນັກວິທະຍາສາດ ທີ່​ຊອກ​ຫາ​ວິທີ​ປິ່ນປົວ​ໂຣກ AIDS ​ໃຫ້
ຫາ​ຍນັ້ນ ກ່າວ​ວ່າ ພວ​ກ​ເຂົາ​ເຈົ້າ​ໄດ້​ຄົ້ນ​ພົບ​ເຄມີ​ພື້ນຖານ ຂອງ​
ເຊື້ອ​ໄວຣັສ HIV ​ແລະ​ວ່າ​ແຜນ​ຍຸ​ທະ​ສາດ​ ທີ່​ເປັນ​ໄປ​ໄດ້​ຫລາຍ
​ທີ່​ສຸດ ​ໃນ​ການ​ຕໍ່ສູ້ກັບ​ພະຍາດ​ນີ້ ກໍ​ຈະ​ແມ່ນ ​ໂຈມ​ຕີ​ມັນ​ດ້ວຍ​
ໄວຣັສອີກ​ຊະນິດ​ໜຶ່ງ. George Putic ຜູ້​ສື່​ຂ່າວ​ວີ​ໂອ​ເອ ມີ
​ລາຍ​ງານ ຊຶ່ງ​ໄຊຈະເລີນສຸກ ຈະ​ນຳ​ມາສະ​ເໜີ​ທ່ານ​.

ເບິ່ງວີດີໂອ ລາຍງານນີ້ ເປັນພາສາລາວ:

​ເປັນ​ເວລາ​ເກືອບ 25 ​ປີ ທີ່​ບັນດາ​ນັກວິທະຍາສາດໃນ​ທົ່ວ​ໂລກ​ໄດ້​ພະຍາຍາມ​ຊອກຫາວິທີ​ ປິ່ນປົວ​ໂຣກ​ເອດ​ສ໌ທີ່​ໄດ້​ມາ​ຮອດ ​ເວລາ​ນີ້ ​ໄດ້​ເອົາ​ຊີວິດ​ຄົນ​ໄປ​ຫລາຍ​ລ້ານ​ຄົນ. ອົງການ​ສະຫະ​ປະຊາ​ຊາດ ຫລື UN ປະ​ເມີນ ​ວ່າ ມີ​ຄົນ​ຕິດ​ເຊື້ອ​ໄວຣັສຂອງ​ໂຣກ AIDS ​ໃໝ່ ຫລາຍ​ກ່ວາ 2 ລ້ານ​ຄົນ ​ໃນ​ປີ​ກາຍ​ນີ້ ຊຶ່ງ​ຫລາຍ​ກ່ວາເຄິ່ງໜຶ່ງ ​ແມ່ນ​ຢູ່​ໃນ​ເຂດ​ຕອນ​ໃຕ້​ຂອງ​ທະ​ເລ​ຊາຍ Sahara ​ໃນ​ທະວີບ Africa.

ບັນດາ​ນັກ​ຄົ້ນ​ຄ້ວາ​ໄດ້​ພັດທະນາຢາ​ຂຶ້ນ​ມາຫລາຍ​ໆຢ່າງ ທີ່​ສາມາດ​ຕໍ່​ອາຍຸ​ຂອງ​ຄົນ​ປ່ວຍເປັນ​ໂຣກ​ເອດ​ສ໌ ​ໃຫ້​ຍືນ​ອອກ​ໄປ​ໄດ້​ຫລາຍໆ​ປີ ​ແຕ່​ວ່າ​ລາຄາ​ຢາ​ທີ່​ແພງ​ຫລາຍ​ນັ້ນ ​ເຮັດ​ໃຫ້​ຫລາຍໆ​ຄົນ​ບໍ່​ສາມາດ​ໃຊ້​ມັນ​ໄດ້.

ດັ່ງ​ນັ້ນ ພວກ​ນັກວິທະຍາສາດ ທີ່​ມະຫາວິທະຍາ​ໄລ​ແຫ່ງ​ນະຄອນ Miami ຈຶ່ງ​ນຳ​ໃຊ້ວິທີ​ການ​ໃໝ່ ​ເພື່ອ​ໂຈມ​ຕີເຊື້ອໄວຣັສ HIV.

​ໃນ​ປີ 2008 ຄົນ​ປ່ວຍ​ຄົນ​ໜຶ່ງທີ່​ຕິດ​ເຊື້ອ HIV ​ຢູ່ນະຄອນ​ເບີ​ລິນ ປະ​ເທດ​ເຢຍລະ​ມັນ ​ໄດ້​ຮັບ​ການ​ປິ່ນປົວ​ໃຫ້ຫາ​ຍດີ ຫລັງ​ຈາກ​ທີ່​ລາວ​ໄດ້​ຮັບ ​Gene ຫລືເຊື້ອ​ກຳມະພັນ​ທີ່ຖືກ​ປ່ຽນ​ພັນ
ແລ້ວ ​ໃນ​ລະຫວ່າງການຜ່າຕັດ​ປ່ຽນ​ໄຂມັນ​ກະດູກ ຫລື bone marrow transplant ຈາກ
ຜູ້​ບໍລິຈາກ ລາຍ​ໜຶ່ງ​ທີ່​ມີ​ພູມ​ຕ້ານທານ​ເຊື້ອ HIV ​ໂດຍ​ທຳ​ມະ​ຊາດ.

ທ່ານ Mario Stevenson ຜູ້ອຳນວຍການ​ ສູນ​ຄົ້ນຄ້ວາ​ໂຣກ AIDS ທີ່​ມະຫາວິທະຍາ​ໄລ
​ແຫ່ງ​ນະຄອນ Miami ກ່າວ​ວ່າ ​ເວລາ​ນີ້ບັນດາ​ນັກ ຄົ້ນ​ຄ້ວາ​ກຳລັງ​ພະຍາຍາມຊອກ​ຫາ​
ຫົນ​ທາງ ​ເພື່ອນຳ​ໃຊ້ເຊື້ອ​ກຳມະພັນ​ທີ່ຖືກ​ປ່ຽນ​ພັນ​ແລ້ວນັ້ນ ​ປິ່ນປົວ​ຄົນ​ເປັນ​ໂຣກ​ເອດ​ສ໌​
ໃຫ້​ໄດ້ ​ໃນ​ຂອບ​ເຂດ​ກວ້າງຂວາງ.

ດອກ​ເຕີ້ Stevenson ກ່າວ​ວ່າ “​ເຖິງ​ແມ່ນ​ວ່າ ພວ​ກ​ເຮົາ​ຈະ​ບໍ່​ສາມາດ ນຳ​ໃຊ້​ການ
ຜ່າຕັດ​ປ່ຽນ​ໄຂມັນ​ກະດູກ ​ເພື່ອ​ກຳຈັດ​ຖອນ​ຮາກ​ເຊື້ອ HIV​ ​ໄດ້​ກໍ​ຕາມ ​ແຕ່​ມັນ​ກໍ​
ໄດ້​ຊີ້​ແນະ​ໃຫ້​ພວກ​ເຮົາ​ຮູ້​ວ່າ ​ເຮົາ​ສາມາດ​ວາງແຜນ​ ຍຸ​ທະ​ສາດ​ເພື່ອ​ປົວ​ໂຣກນີ້ ​
ໃຫ້ຫາ​ຍ​ໄດ້​ແນວ​ໃດ. ມັນເຮັດ​ໃຫ້​ເຮົາ​ເຂົ້າ​ໃຈ​ໄດ້​ດີ​ຂຶ້ນ​ວ່າ ​ໄວຣັສ HIV ເຄື່ອນ​
ໄຫວ​ແນວ​ໃດ ​ຢູ່​ໃນ​ຮ່າງກາຍ​ຂອງ​ຄົນ​ທີ່​ກຳລັງ​ໄດ້​ຮັບ​ການ​ບຳບັດ​ຫລື​ປິ່ນປົວ ​
ແລະ ​ມັນ​ກໍໄດ້​ບອກ​ໃຫ້​ເຮົາ​ຮູ້​ກ່ຽວ​ກັບ​ອຸບປະສັ​ກ​ຊະນິດ​ຕ່າງໆ ທີ່​ພວກ​ເຮົາ​ຈຳ​
ເປັນ​ຕ້ອງ​ໄດ້​ຜ່ານ​ຜ່າ ແລະ ​ຂ້າມ​ໄປ ​ເພື່ອ​ທີ່​ຈະ​ກຳຈັດ​ຖອນ​ຮາກ​ມັນ​ໃຫ້​ໄດ້​ແທ້ໆ.”

ດອກ​ເຕີ້ Stevenson ກ່າວ​ວ່າ ວິທີ​ທີ່​ໄດ້ຜົນ​ອັນ​ໜຶ່ງ​ກໍ​ຈະ​ແມ່ນ ​ການພັດທະນາ​ເຊື້ອ​ໄວຣັສ
ອັນໜຶ່ງ ​ທີ່​ບໍ່​ເປັນ​ພິດ​ເປັນ​ໄພ ທີ່ອາດ​ສາມາດ​ຖ່າຍ​ທອດເຊື້ອ​ກຳມະພັນ ​ທີ່ຖືກ​ປ່ຽນ​ພັນ​ແລ້ວ
ນັ້ນ ​ເຂົ້າ​ໄປ​ໃນ​ເຊື້ອ​ໄວຣັສ HIV ​ໄດ້​ໂດຍ​ກົງ. ທ່ານ​ກ່າວ​ຕໍ່​ໄປ​ວ່າ ​ໂດຍ​ການ​ນຳໃຊ້ວິ​ທີການ
​ດັ່ງກ່າວ​ນີ້ ພວກ​ນັກວິທະຍາສາດ​ຈຶ່ງ​ເລີ້ມມອງ​ເຫັນ ​ວິທີ​ປີ່​ນປົວທີ່​ສາມາດ​ເປັນ​ໄປ​ໄດ້.

ດອກ​ເຕີ້ Stevenson ກ່າວ​ວ່າ “​ຄວາມ​ພະຍາຍາມ​ທາງວິທະຍາສາດ​ຂັ້ນ​ພື້ນຖານ
ຕ່າງໆ ທີ່​ພວກ​ເຮົາ​ຫລາຍໆ​ຄົນ​ໄດ້​ດຳ​ເນີນ​ມາ​ນັ້ນ ​ໄດ້​ເລີ້ມ ​ເປີດ​ເຜີຍ​ໃຫ້​ເຫັນ​ແລ້ວ​
ວ່າ ອົງ​ປະກອບ​ຂອງ​ການ​ປິ່ນປົວ​ໃຫ້ຫາ​ຍດີນັ້ນ ໜ້າຈະ​ມີ​ລັກສະນະ​ແບບ​ໃດ ​ແລະ​
ພວກ​ອຸບປະສັກ​ຕ່າງໆ​ຕໍ່​ວິທີ​ການ​ປິ່ນ ປົວ​ໃຫ້ຫາ​ຍດີ​ນັ້ນ​ມັນ​ມີເປັນ​ແບບ​ໃດ ​ແລະ​
ຄວາມ​ສຳ​ເລັດ​ອາດຈະ​ອອກ​ມາ​ໃນ​ຮູບ​ໃດ.”

ບັນດາ​ນັກວິທະຍາສາດ​ຕ້ອງ​ເຮັດ​ໃຫ້​ແນ່​ໃຈ​ວ່າ ໄວຣັສທີ່​ນຳ​ສົ່ງເຊື້ອ ກຳມະພັນ​ທີ່​ປ່ຽນ​ພັນ
ແລ້ວ​ນັ້ນ ຈະ​ຕ້ອງ​ບໍ່​ເປັນ​ພິດ​ເປັນ​ໄພ ​ຫລື​ເປັນ​ອັນຕະລາຍ​ໂດຍ​ເດັດຂາດ. ຢ່າງ​ໃດ​ກໍ​ຕາມ
ພວກເຂົາ​ເຈົ້າ​ກ່າວ​ວ່າ ວິທີ​ການ​ນີ້​ ​ໃຫ້ຄວາມ​ຫວັງ​ຫລາຍ. ​ເຂົາ​ເຈົ້າ​ທຳນາຍ​ວ່າ ມັນ​ເປັນ
ເລື້ອງ​ຂອງ​ເວລາ​ເທົ່າ​ນັ້ນ ໝາຍ​ຄວາມ​ວ່າ ບໍ່​ໄວ​ກໍຊ້າ​ ​ໄຊຊະນະ​ຕ້ານ​ໂຣກ​ເອດ​ສ໌ກໍຈະ​ມາເຖິງ.

XS
SM
MD
LG