ລິ້ງ ສຳຫລັບເຂົ້າຫາ

ນາຍົກລັດຖະມົນຕີ ມາເລເຊຍ ສັບຊ້ອນ ຄະນະລັດຖະບານ


ນາຍົກລັດຖະມົນຕີມາເລເຊຍ ທ່ານ Najib Razak.

ນາຍົກລັດຖະມົນຕີມາເລເຊຍ ທ່ານ Najib Razak.

ນາຍົກລັດຖະມົນຕີມາເລ​ເຊຍ ທ່ານ Najib Razak ​ທີ່ກຳລັງ​
ໄດ້ຮັບ​ຄວາມ​ກົດ​ດັນເພີ້ມຂຶ້ນ ​ເພາະວ່າ ມີ​ການ​ກ່າວ​ຫາກ່ຽວກັບ
ການສໍ້ໂກງ​ຢ່າງ​ຮ້າຍແຮງນັ້ນ ​ໄດ້​ໄລ່ຜູ້ຮອງ​ ​ແລະອະທິໄອຍະ
ການຂອງ​ທ່ານ ອອກ​ຈາກ​ໜ້າ​ທີ່.

ຢູ່​ໃນການ​ຖະ​ແຫລ​ງ​ຜ່ານ​ທາງ​ໂທລະພາບ ​ໃນ​ວັນ​ອັງຄານ​ມື້​ນີ້
ທ່ານ Najib ​ໄດ້​ປະກາດ​ການ​ປົດ​ຕຳ​ແໜ່ງຮ​ອງນາຍົກລັດຖະ
ມົນຕີ ທ່ານ Muhyiddin Yassin ​ທີ່​ເປັນ​ນຶ່ງໃນພວກ​ຕິຕຽນ
ທ່ານ​ທີ່​ຮ້າຍ​ແຮງສຸດ.

ທ່ານ Najib ກ່າວ​ວ່າ “ການ​ຕັດສິນ​ໃຈ​ທີ່​ຈະຕັ້ງຄົນໃໝ່ ເຂົ້າ
ຮັບໜ້າ​ທີ່​ແທນທ່ານ Muhyiddin ​ເປັນ​ທີ່​ຍາກ​ລຳບາກຫຼາຍ ​ແຕ່​ວ່າ ຂ້າພະ​ເຈົ້າຕ້ອງ​ໄດ້
ປະຕິບັດເພື່ອ ໃຫ້ຄະນະທີ່ເຂັ້ມ​ແຂງ​ ສາ​ມາດ​ດຳເນີນການ​ໄປ​ໜ້າໄດ້. ທ່ານ​ໄດ້ແຕ່ງຕັ້ງ
ໃຫ້ລັດ ຖະມົນຕີກະຊວງພາຍໃນ ທ່ານ Zahid Hamidi ເຂົ້າຮັບໜ້າທີ່ແທນທ່ານ Muhyiddin.

​ກ່ອນໜ້ານີ້ ຖະ​ແຫລງການຂອງລັດຖະບານ ກ່າວ​ວ່າ ອະທິໄອຍະການ ທ່ານ Abdul
Gani Patail ​ໄດ້​ຖືກ​ປົດ​ເພາະ “​ເຫດຜົນ​ດ້ານ​ສຸຂະພາບ.” ທ່ານ Patail ​ໄດ້​ຊ່ວຍ​ນຳພ
ການ​ສືບສວນວ່າ ນາຍົກລັດຖະມົນຕີ ​ໄດ້​ຮັບ​ເງິນ 700 ລ້ານ​ໂດ​ລາ ​ຈາກກອງ​ທຶນ​ຂອງ
​ລັດຖະບານ​ 1MDB ນັ້ນ​ຫລື​ບໍ່.

ການ​ກ່າວ​ຫາດັ່ງກ່າວໄດ້ປາກົດຂຶ້ນເມື່ອຕົ້ນ​ເດືອນ​ນີ້ ຢູ່່​ໃນ​ໜັງສືພິມ The Wall Street
Journal
ທີ່​ອິງ​ຕາມ​ເອກ​ກະສາ​ນຮົ່ວ​ໄຫລ​ອອກ​ມາຈາກການ​ສືບ​ສວນ​ຂອງ​ລັດຖະບານ
ກ່ຽວກັບ​ກອງ​ທຶນ 1MDB.

ກອງທຶນ 1MDB ທີ່ເປັນ​ປະທານ​ໂດຍ ທ່ານ Najib ​ປະ​ເຊີນ​ໜ້າ​ກັບ​ການ​ກ່າວ​ຫາວ່າ ມີ
ການ​ສໍ້​ລາດ​ບັງ​ຫລວງ ​ແລະ​ມີການ​ບໍລິຫານງານທີ່ຜິດພາດ ​ແລະ​ເປັນ​ໜີ້​ສິນ​ກວ່າ 11 ພັນ​ລ້າ​ນ​ໂດ​ລາ. ເວລານີ້ກຳລັງ​ຢູ່​ພາຍໃຕ້​ການ​ສືບສວນ​ຈາກ​ຫລາຍໆ​ຫ້ອງການ​ຂອງລັດ
ຖະບານ.

ທ່ານ Najib ​ໄດ້​ປ​ະຕິ​ເສດຕໍ່​ການ​ກະທຳ​ຜິດໃດໆ ​ແລະ​ໄດ້​ສະ​ເໜີວ່າ ການ​ກ່າວ​ຫາກ່ຽວ
ກັບການ​ສໍ້​ລາດ​ບັງ​ຫລວງ ​ເປັນ​ພາກສ່ວນນຶ່ງ ຂອງການ “ກໍວິນາດສະ ກຳດ້ານ​ການ​ເມືອງ”
ຕໍ່​ການ​ປົກຄອງຂອງ​ລັດຖະບານ​ປະສົ​ມ​ມາ​ເລ​ເຊຍ ທີ່ມີມາ ເປັນເວລາດົນນານແລ້ວນັ້ນ.

ການ​ສືບ​ສວນ​ນີ້ ໄດ້​ພາໃຫ້ມີການຕັ້ງຄຳຖາມກ່ຽວກັບໂອກາດຕໍ່ການ​ກ່າວ​ຫາທາງອາຍາ
​ຕໍ່ທ່ານ Najib ຊຶ່ງ​ເປັນ​ສິ່ງ​ທີ່​ບໍ່​ເຄີຍ​ເກີດ​ຂື້ນ​ກັບນາຍົກລັດຖະມົນ​ຕີ ມາ​ເລ​ເຊຍ ມາ​ກ່ອນ.

XS
SM
MD
LG