ລິ້ງ ສຳຫລັບເຂົ້າຫາ

ການໂຈມຕີທາງອາກາດ ໄດ້ເອົາຊີວິດຜູ້ຄົນໄປຫຼາຍກວ່າ 30 ຄົນໃນປະເທດ ເຢເມນ


ປະຊາຊົນ ເຢເມນ ສຳຫຼວດຄວາມເສຍຫາຍ ຫຼັງຈາກການ
ໂຈມຕີທາງອາກາດໂດຍ ພັນທະມິດນຳໜ້າໂດຍ ຊາອູດີອາ
ເຣເບຍ ໃນນະຄອນຫຼວງ Sana'a, ປະເທດ ເຢເມນ, 27 ກຸມພາ, 2016.

ປະຊາຊົນ ເຢເມນ ສຳຫຼວດຄວາມເສຍຫາຍ ຫຼັງຈາກການ ໂຈມຕີທາງອາກາດໂດຍ ພັນທະມິດນຳໜ້າໂດຍ ຊາອູດີອາ ເຣເບຍ ໃນນະຄອນຫຼວງ Sana'a, ປະເທດ ເຢເມນ, 27 ກຸມພາ, 2016.

ການໂຈມຕີທາງອາກາດ ໂດຍພັນທະມິດ ອາຣັບ ນຳໜ້າໂດຍປະ ເທດ ຊາອູດີອາເຣເບຍ ຕໍ່ສູ້ກັບກອງກຳລັງ Shi’ite ເຊິ່ງເປັນພັນ ທະມິດກັບ ອີຣ່ານ ໃນປະເທດ ເຢເມນ ໄດ້ເຮັດໃຫ້ມີຜູ້ເສຍຊີິວິດ ຢ່າງໜ້ອຍ 30 ຄົນໃນວັນເສົາວານນີ້ ທີ່ຕະຫຼາດບ່ອນທີ່ນິຍົມກັນ ຫຼາຍແຫ່ງໜຶ່ງໃນພາກຕາເວັນອອກສຽງເໜືອຂອງນະຄອນຫຼວງ Sana’a ທີ່ຖືກພວກກະບົດຍຶດເອົາ, ອີງຕາມການກ່າວຂອງເຈົ້າ ໜ້າທີ່ຮັກສາຄວາມປອດໄພ ເຢເມນ ແລະ ຜູ້ຢູ່ອາໄສຫຼາຍຄົນ.

ການໂຈມຕີໃນເມືອງ Nihm ໄດ້ສັງຫານຄົນສ່ວນໃຫຍ່ເຊິ່ງເປັນ ພົນລະເຮືອນ ແລະ ໄດ້ເຮັດໃຫ້ສົບຂອງຄົນຕາຍທີ່ຖືກເຜົາໄໝ້ນັ້ນ ກະຈາຍໄປທົ່ວພື້ນທີ່. ບັນດາເຈົ້າໜ້າທີ່ໄດ້ກ່າວໂດຍບໍ່ຂໍອອກຊື່ ເພາະວ່າພວກເຂົາເຈົ້າບໍ່ໄດ້ຖືກອະນຸຍາດໃຫ້ລາຍງານຕໍ່ນັກຂ່າວ.

ພັນທະມິດທີ່ນຳໜ້າໂດຍ ຊາອູດີ ອາເຣເບຍ ແມ່ນກຳລັງຕໍ່ສູ້ກັບພວກກະບົດ Houthi ແລະ ກອງກຳລັງທີ່ຈົງຮັກພັກດີຕໍ່ອະດີດປະທານາທິບໍດີ Ali Abdullah Saleh ໃນຄວາມພະຍາ ຍາມທີ່ຈະກອບກູ້ລັດຖະບານຂອງປະທານາທິບໍດີ Abd-Rabbu Mansour Hadi ທີ່ຖືກຮັບ ຮູ້ໂດຍສາກົນໃຫ້ກັບຄືນມາ.

ກຸ່ມຊ່ວຍເຫຼືອ ແລະ ສິດທິມະນຸດ ອີກຄັ້ງໜຶ່ງໃນວັນສຸກທີ່ຜ່ານມານີ້ໄດ້ຮຽກຮ້ອງໃຫ້ບັນດາ ປະເທດຕາເວັນຕົກຢຸດການຂາຍອາວຸດໃຫ້ກັບປະເທດ ຊາອູດີອາເຣເບຍ. ໃນຕົ້ນເດືອນນີ້, ອົງການສິ້ງຊອມສິດທິມະນຸດ ໄດ້ກ່າວຫາພັນທະມິດດັ່ງກ່າວໃນການໃຊ້ລະເບີດບົມບີທີ່ໄດ້ ສະໜອງໃຫ້ໂດຍ ສະຫະລັດ.

ຄະນະຂອງຜູ້ຊ່ຽວຊານ ອົງການສະຫະປະຊາຊາດ ກ່າວວ່າ ພັນທະມິດດັ່ງກ່າວໄດ້ທຳການ ໂຈມຕີ 119 ຄັ້ງ ເຊິ່ງໄດ້ລະເມີດກົດໝາຍມະນຸດສະທຳ ແລະ ໄດ້ຮຽກຮ້ອງໃຫ້ມີການກວດ ສອບໂດຍສາກົນ.

ອົງການ ສະຫະປະຊາຊາດ ກ່າວວ່າ ການຕໍ່ສູ້ໃນປະເທດ ເຢເມນ ໄດ້ເຮັດໃຫ້ມີຄົນເສຍຊີ ວິດຢ່າງໜ້ອຍ 6,000 ຄົນນັບຕັ້ງແຕ່ເດືອນມີນາ 2015 ເປັນຕົ້ນມາ.

XS
SM
MD
LG