ລິ້ງ ສຳຫລັບເຂົ້າຫາ

ບັນດາ​ຜູ້ນຳ​ຂອງ​ໂລກ ​ມຸ້ງໜ້າສູ່ ຊາ​ອຸ​ດີ ອາຣາ​ເບຍ ຫຼັງຈາກ ກະສັດ Abdullah ສິ້ນພະຊົນ


ພິທີສົ່ງສະການຂອງມື້ລາງກະສັດ Abdullah bin Abdul-Aziz ແມ່ນມີຂຶ້ນຢູ່ທີ່ Imam Turki Bin Abdullah Grand Mosque ໃນນະຄອນຫລວງ Riyadh, ວັນທີ 23 ມັງກອນ 2015.

ບັນດາ​ຜູ້ນຳ​ຂອງ​ໂລກ ​ພວມໄປເຕົ້າໂຮມກັນທີ່ ຊາ​ອຸ​ດີ ອາຣາ​ເບຍ
​ເພື່ອສະ​ແດງ​ຄວາມ​ເຄົາລົບນັບຖື ຫລັງຈາກກະສັດ Abdullah
ຊົງສິ້ນພະຊົນ.

​ເຖິງ​ແມ່ນ​ວ່າ ໄດ້ເກີດຄວາມ​ເຄັ່ງ​ຕຶງ​ລະຫວ່າງປະເທດຕ່າງໆ ກໍ່ຕາມ
ແຕ່ລັດຖະມົນຕີ​ຕ່າງປະ​ເທດ​ຂອງ​ອີຣ່ານ ທ່ານ Mohammad
Javad Zarif ​ແມ່ນ​ເປັນ​ຜູ້​ທຳ​ອິດ ​ທີ່​ໄດ້ໄປ​ເຖິງ​ຊາອຸດີ ອາຣາເບຍ
ໃນ​ວັນ​ເສົາ​ວານ​ນີ້.

ປະທານາທິບໍດີ​ສະຫະລັດ ທ່ານ ບາຣັກ​ ​ໂອ​ບາ​ມາ ​ໄດ້​ຕັດການ
​ຢ້ຽມຢາມ​ປະ​ເທດ​ອິນ​ເດຍໃຫ້ສັ້ນລົງ ​ເພື່ອ​ບິນ​ໄປ​ຍັງ​ປະ​ເທດ
​ຊາອຸດີ ອາຣາ ເບຍ ທີ່​ປົກຄອງ​ໂດຍຊາວກະສັດ ທີ່ນັບຖືສາສະໜາອິສລາມນິກາຍ Sunni ​ໃນວັນ​ອັງຄານ​ຈະມານີ້. ທ່ານ​ໄດ້ໂທລະສັບ​ໄປ​ຫາ​ ກະສັດ Salman bin Abdulaziz ຈາກເຮືອບິນ​ Air Force One​ ທີ່​ກຳລັງ​ບິນ​ມຸ້ງ​ໜ້າ​ໄປ​ອິນ​ເດຍ​ ໃນ​ວັນເສົາວານ​ນີ້ ​ເພື່ອ​ສະ​ແດງ​ຄວາມເສົ້າສະຫລົດໃຈ ​ດ້ວຍ​ຕົວທ່ານ​ເອງ. ທຳນຽບຂາວ​ ກ່າວວ່າ ກະສັດ Salman ສະແດງ​ຄວາມ​ປິ​ຕິ​ຍິນ​ດີ ນຳ​ຂ່າວ​ທີ່​ ທ່ານ ​ໂອ​ບາ​ມາ ຈະ​ເດີນທາງໄປ​ຍັງນະຄອນຫລວງ Riyadh.

ມື້ລາງ ກະສັດ Abdullah ຂອງຊາອຸດີ ອາຣາເບຍ ໃນຂະນະທີ່ພະອົງ ຊົງປາກົດໂຕ ໃນປີ 2007.
ມື້ລາງ ກະສັດ Abdullah ຂອງຊາອຸດີ ອາຣາເບຍ ໃນຂະນະທີ່ພະອົງ ຊົງປາກົດໂຕ ໃນປີ 2007.

ທ່ານ Joe Biden ຮອງ​ປະທານາທິບໍດີສະຫະລັດ ​ມີກຳນົດ​
ຈະ​ນຳພາ​ຄະນະ​ຜູ້​ແທນ ຕາງໜ້າ​ປະທານາທິບໍດີ ​ແຕ່​ມາ​ບັດ​ນີ້
​ ແມ່ນ​ຈະປະຕິບັດໜ້າທີ່ ຢູ່​ວໍ​ຊິງ​ຕັນ.

ສ່ວນ​ບັນດາ​ຜູ້ນຳ​ອື່ນໆ ທີ່ໄດ້​ເດີນທາງ​ໄປ​ສະ​ແດງ​ຄວາມເສົ້າ
ສະຫລົດ​ໃຈ ​ແລະ​ໄດ້ພົບປະ ກັບກະສັດອົງ​ໃໝ່ ແມ່ນຮວມທັງ
ເຈົ້າຟ້າຊາຍ Charles ​ແຫ່ງອັງກິດ ພ້ອມ​ດ້ວຍ ນາຍົກລັດຖະ
ມົນຕີອັງກິດ ທ່ານ David Cameron ປະທານາທິບໍດີ​ຝຣັ່ງ
ທ່ານ Francois Hollande ​ແລະ ປະທານາທິບໍດີອີ​ຈິບ ທ່ານ
Abdel Fattah el-Sissi. ຄະນະ​ຜູ້​ແທນ​ຈຳນວນ​ນຶ່ງ​ຂອງ​ຊາ​ອຸ​ດີ
ອາຣາ​ເບຍ ​ແມ່ນ​ໄດ້​ສະ​ແດງ​ໃຫ້​ເຫັນໃນ​ວີ​ດີ​ໂອ​ເມື່ອ​ວັນ​ເສົາ​ວານ​ນີ້
​ໃນ​ຂະນະ​ທີ່​ຕ້ອນຮັບ​ປະທານາທິບໍດີ​ອັຟການິສຖານ ​ແລະ ຕູ​ນີ​ເຊຍ ​ແລະ ຮອງ​ປະທານາ
ທິບໍດີ​ຂອງ​ອິນ​ເດຍ ແລະ ອິນ​ໂດ​ເນ​ເຊຍ.

ເຈົ້າ Salman bin Abdul-Aziz Al Saud ແຫ່ງຊາອຸດີ ອາຣາເບຍ ຊຶ່ງເປັນ ພະອະນຸຊາຕ່າງມານດາ ຈະຂຶ້ນ ຄອງບັນລັງແທນ ມື້ລາງກະສັດຊາອຸດີ ອາຣາເບຍ.
ເຈົ້າ Salman bin Abdul-Aziz Al Saud ແຫ່ງຊາອຸດີ ອາຣາເບຍ ຊຶ່ງເປັນ ພະອະນຸຊາຕ່າງມານດາ ຈະຂຶ້ນ ຄອງບັນລັງແທນ ມື້ລາງກະສັດຊາອຸດີ ອາຣາເບຍ.

ປະທານາທິບໍດີເທີກີ ທ່ານ Recep Tayyip Erdogan ແມ່ນ
ຮວມຢູ່ໃນບັນດາຜູ້ນຳມຸສລິມ ທີ່ໄດ້ໄປຮ່ວມພິທີສົ່ງສະການໃຫ້
ແກ່ກະສັດ Abdullah ໃນວັນສຸກຜ່ານມາທີ່ນະຄອນຫຼວງ Riyadh.

ກະສັດ Abdullah ທີ່ມີພະຊົນມາຍຸ 90 ພັນສາ ໄດ້ສິ້ນພະຊົນໃນມື້
ວັນສຸກ ຫລັງຈາກໄດ້ຮັບຮັບການປິ່ນປົວທີ່ໂຮງພະຍາບານຍ້ອນ
ປອດອັກເສບ. ເຈົ້າ Salman ຊຶ່ງເປັນພະອະນຸຊາຕ່າງມານດາ
ຈະຂຶ້ນ ຄອງບັນລັງແທນພະອົງ.

XS
SM
MD
LG