ພະເຈົ້າ Salman ກະສັດອົງໃໝ່ຂອງຊາອຸດີ ອາຣາເບຍ ໄດ້
ໃຫ້ຄຳໝັ້ນສັນຍາ ວ່າ ຈະສືບຕໍ່ນະໂຍບາຍ ຂອງພະເສດຖາ
ຕ່າງມານດາຂອງພະອົງຄືມື້ລາງກະສັດ Abdullah ທີ່ໄດ້ຖືກ
ນຳໄປຝັງໃນວັນສຸກວານນີ້ ທີ່ນະຄອນຫຼວງ Riyadh.
ກະສັດ Abdullah ທີ່ໄດ້ສີ້ນພະຊົນໃນຕອນເຊົ້າວັນສຸກວານ
ນີ້ ໄດ້ຖືກນຳໄປຝັງຢູ່ໃນຂຸມຝັງສົບບໍ່ມີເຄຶ່ອງໝາຍຫລັງຈາກ
ໄດ້ມີພິທີແບບລຽບໆ ທີ່ເຂົ້າຮ່ວມໂດຍ ບັນດາຜູ້ສູງສຸດຂອງ
ໂລກອາຣັບ ແລະສາສະໜາອິສລາມ.
ນຶ່ງໃນຈຳນວນບໍ່ເທົ່າໃດອົງຂອງບັນດາກະສັດທີ່ຍັງປົກຄອງແບບສົມບູນຍາສິດທິລາດ
ຢູ່ນັ້ນ ກະສັດ Abdullah ເປັນທີ່ເຊື່ອກັນວ່າ ມີພະຊົນມາຍຸ 90 ພັນສາ. ຫວ່າງມໍ່ໆມານີ້
ພະອົງຊົງເຂົ້າຮັບການປິ່ນປົວໂຣກປອດອັກເສບ ທີ່ໂຮງພະຍາ ບານ.
ນັກຂ່າວໂທລະພາບ ຊາອຸດີ ກ່າວວ່າ “ໃນນາມພະຜູ້ເປັນເຈົ້າ ຖະແຫລງການ ຈາກສຳ
ນັກພະລາດຊະວັງ Diwan ດ້ວຍຄວາມເສົ້າສະຫລົດໃຈ ພະເຈົ້າ Salman bin Abdul-
Aziz Al Saud ແລະສະມາຊິກຂອງລາດຊະວົງທັງໝົດ ມີຄວາມເສົ້າເສຍໃຈ ຂໍແຈ້ງໃຫ້
ທ່ານຊາບວ່າ ພະເຈົ້າ Salman bin Abdul-Aziz Al Saud ໄດ້ສີ້ນພະຊົນ ໃນເວລາ 1
ໂມງເຊົ້າ ຫລື 23:00 ໂມງ ຕາມເວລາມາດຕະຖານສາກົນໃນວັນສຸກນີ້ ຄືວັນທີ 3 ເດືອນ
4 ປີ 1436 ຕາມປະຕິທິນ ສາສະໜາອິສລາມ.”
ອານາຈັກທີ່ອຸດົມສົມບູນໄປດ້ວຍນຳ້ມັນ ປົກຄອງໂດຍຊາວກະສັດທີ່ນັບຖືສາສະ ໜາອິສ
ລາມນິກາຍ Sunni ໄດ້ເຄຶ່ອນໄຫວຢ່າງວ່ອງໄວ ເພື່ອຄໍ້າປະກັນໃຫ້ມີ ການໂອນອຳນາດ
ແບບລາບລື່ນ ໂດຍການແຕ່ງຕັ້ງກະສັດອົງໃໝ່ ຄືພະເຈົ້າ Salman ທີ່ໄດ້ກ່າວໃນການໃຫ້
ພະລາດຊະໂອວາດ ຜ່ານທາງໂທລະພາບໃນວັນສຸກວານີ້ວ່າ ຈະສືບຕໍ່ດຳເນີນນະໂຍບາຍ
ອັນຖືກຕ້ອງຂອງກະສັດອົງກ່ອນ.
ກະສັດ Salman ຊຶ່ງຄິດວ່າ ມີພະຊົນມາຍຸ 79 ພັນສາ ໄດ້ເປັນອົງມົງກຸດລາດ ຊະກຸມມານ
ແລະລັດຖະມົນຕີປ້ອງກັນປະເທດ ມາຕັ້ງແຕ່ປີ 2012. ພະອຸນຸຊາຕ່າງມານດາ ຂອງພະອົງ
ຄືເຈົ້າຊາຍ Muqrin ໄດ້ຖືກແຕ່ງຕັ້ງໃຫ້ເປັນອົງມົງ ກຸດລາດຊະກຸມມານຄົນໃໝ່.
ໃນຕອນແລງວັນສຸກວານນີ້ ຊາວຊາອຸດີຫລາຍຮ້ອຍຄົນ ໄດ້ພາກັນຢ້ຽມຢາມພະລາດຊະວັງ ໃນນະຄອນ Riyardh ເພື່ອສະແດງຄວາມຫວັງດີ ໃຫ້ກະສັດ ອົງໃໝ່ ປົກຄອງປະເທດດ້ວຍ ຄວາມສຳເລັດຜົນ.
