ລິ້ງ ສຳຫລັບເຂົ້າຫາ

ໜຸ່ມລາວທີ່ມົສກູ ໂອ້ລົມ ກັບວີໂອເອ ກ່ຽວກັບ ການດໍາລົງຊີວິດ ຢູ່ຣັດເຊຍ


ທ່ານສັງທອງ ບຸດສີເມືອງ ມອບປື້ມບົດຮຽນພາສາອັງກິດ ພ້ອມກັບຊີດີ ທີ່ວີໂອເອຜະລິດຮ່ວມກັບສະຖານີວິທະຍຸ ແຫ່ງຊາດລາວ ໃຫ້ຄະນະປົກຄອງໂຮງຮຽນມັດທະຍົມສົມບູນສີທອງ, ນອກນະຄອນຫລວງວຽງຈັນ, ວັນທີ 27 ທັນວາ 2011.

ທ່ານສັງທອງ ບຸດສີເມືອງ ມອບປື້ມບົດຮຽນພາສາອັງກິດ ພ້ອມກັບຊີດີ ທີ່ວີໂອເອຜະລິດຮ່ວມກັບສະຖານີວິທະຍຸ ແຫ່ງຊາດລາວ ໃຫ້ຄະນະປົກຄອງໂຮງຮຽນມັດທະຍົມສົມບູນສີທອງ, ນອກນະຄອນຫລວງວຽງຈັນ, ວັນທີ 27 ທັນວາ 2011.

ໃນລາຍການຊິວິດຊາວລາວໃນຕ່າງແດນຂອງເຮົາແລງມື້ນີ້ ກິ່ງສະຫວັນ ມີບົດສຳພາດທາງ ໂທລະສັບ ກັບ ທ່ານສັງທອງ ບຸດສີເມືອງ ຈາກປະເທດຣັດເຊຍ ມາສະເໜີທ່ານ ຊຶ່ງຜູ້ກ່ຽວ ໄດ້ລົມສູ່ຟັງກ່ຽວກັບການເລືອກຕັ້ງປະທານາທິບໍດີຣັດເຊຍທີ່ຈະມີຂຶ້ນໃນວັນອາທິດ ທີ 4 ມີນານີ້ ແລະການດໍາລົງຊີວິດຢູ່ໃນປະເທດດັ່ງກ່າວ.

ຟັງບົດສໍາພາດໂດຍເຕັມ:

ທ່ານສັງທອງ ບຸດສີເມືອງ ຢູ່ປະຕູທາງເຂົ້າວັງແຄຣມລິນ ໃນໂອກາດ ຕິດຕາມຄະນະຜູ້ແທນລາວ ໂດຍການນໍາພາຂອງປະທານປະເທດລາວ ຢ້ຽມຢາມມົສກູ ເມື່ອວັນທີ 12-14 ຕຸລາ 2011.

ທ່ານສັງທອງ ບຸດສີເມືອງ ຢູ່ປະຕູທາງເຂົ້າວັງແຄຣມລິນ ໃນໂອກາດ ຕິດຕາມຄະນະຜູ້ແທນລາວ ໂດຍການນໍາພາຂອງປະທານປະເທດລາວ ຢ້ຽມຢາມມົສກູ ເມື່ອວັນທີ 12-14 ຕຸລາ 2011.

ໃນ​ເດືອນ​ພະ​ຈິກ ​ແລະ​ເດືອນ
ທັນວາທີ່​ຜ່ານ​ມານີ້ ລາຍການ
ຊີວິດຊາວ​ລາວ​ໃນ​ຕ່າງ​ແດນ
ຂອງວີ​ໂອ​ເອ ກໍ​ຄືສຽງ​ອາ​ເມຣິ
ກາ ໄດ້​ສໍາພາດທ່ານ​ສັງ​ທອງ
ບຸດ​ສີ​ເມື​ອງ ຊຶ່ງ​ແມ່ນຊາວລາວ
ຄົນນຶ່ງ ​ເກີດ​ທີ່​ເມືອງນາ​ຊາຍ
ທອງ ​ແຂວງ​ວຽງ​ຈັນ ​ແລະໄດ້
ເດີນທາງ​ໄປສຶກສາ​ວິຊາ​ກົດ
ໝາຍ​ແລະຄວາມ​ສໍາພັນ​ຕ່າງ
ປະ​ເທດທີ່​ກຸງມົສກູ ​ປະ​ເທດ
ຣັດ​ເຊ​ຍ ໃນ​ປີ 1984 ​ແລະ
ໄດ້ຕັດ​ສີນໃຈສ້າງ​ຄອບຄົວຢູ່
ທີ່​ນັ້ນ​ມາ​ຈົນຮອດປັດ​ຈຸ​ບັນນີ້.
ທ່ານສັງ​ທອງ​ໄດ້​ກັບເມືອຢາມ
ປະ​ເທດລາວ ​ສອງສາມຄັ້ງ
ແລ້ວ ຊຶ່ງ​ຫລ້າ​ສຸດ​ແມ່ນ​ໃນ
ທ້າຍ​ປີ 2011 ຊຶ່ງທ່ານ​ມີ
ຄວາມ​ຕື້ນຕັນ​ໃຈທີ່​ສຸດ​ທີ່​ໄດ້
ເຫັນ​ຄວາມ​ຈະ​ເລີ​ນຮຸ່ງ​ເຮືອ​ງຂອງ​ບ້ານ​ເມືອງ ​ແລະເຫັນການດໍາລົງຊີວິດທີ່ປ່ຽນ​ແປ​ງ​ໄປ
ໃນ​ທາງ​ທີ່​ດີ​ຂຶ້ນ​ຢ່າງ​ຫລວງຫລາຍ ຈາກ​ສະ​ໄໝທີ່​ທ່ານຍັງ​ຢູ່ເມືອງ​ລາວ.

ຢູ່​ນະຄອນຫລວງ​ມົສກູ​ນັ້ນ ທ່ານ​ສັງ​ທອງ ​ກໍໄດ້​ມີ​ການ​ຕິດ​ຕໍ່​ພົວພັນ​ເປັນ​ປະ​ຈໍາ​ກັບ​ທາງ​
ສະຖານທູດ​ລາວ ​ແລະ​ກໍ​ໄດ້​ພົບ​ປະ​ກັບ​ຄະນະ​ເຈົ້າ​ໜ້າ​ທີ່​ລາວ​ທີ່​ໄປ​ຢ້ຽມຢາມ ຣັດ​ເຊຍ​ຢູ່​
ເລື້ອຍໆ​ຊຶ່ງ​ຫລ້າ​ສຸດ​ກໍ​ໄດ້​ຕິ​ດຕາມ​ໄປ​ຖ່າຍ​ພາບ​ໃຫ້ທ່ານຈູມ​ມະ​ລີ ​ໄຊ​ຍະ​ສອນ​ ​ປະທານ
ປະ​ເທດ ສປປ ລາວ ​ໃນ​ຕອນ​ທີ່​ທ່ານ​ຈູມ​ມະ​ລີ ນໍາພາ​ຄະນະ​ຜູ້​ແທນລາວ ​ໄປຢ້ຽມຢາມ
ຣັດ​ເຊຍ ເມື່ອເດືອນ​ຕຸລາ ປີ​ກາ​ຍນີ້.

ເບິ່ງຮູບສະໄລດ໌ຂອງສັງທອງ ກ່ຽວກັບການຢ້ຽມຢາມຂອງຄະນະຜູ້ແທນລາວ
ທີ່ຣັດເຊຍ:

ສັບປະດານີ້ ວີ​ໂອ​ເອໄດ້ສໍາພາດ ທ່ານ​ສັງ​ທອງ ບຸດ​ສີ​ເມືອງ ​ອີກ​ຄັ້ງ​ນຶ່ງ​ແລະ​ໄດ້​ຖາມທັດ
ສະນະ​ສ່ວນຕົວຂອງ​ທ່າ​ນ ກ່ຽວ​ກັບການ​ເລືອກ​ຕັ້ງປະທານາທິບໍດີຣັດ​ເຊຍ ຊຶ່ງທ່ານ
Vladimir Putin ອະດີດ​ປະທານາທິບໍດີ ​ແລະ​ນາຍົກລັດຖະມົນຕີ​ໃນ​ປັດຈຸບັນ​ ​ໄດ້ກັບ​
ຄືນ​ມາ​ສະມັກ​ເປັນປະທານາທິບໍດີ ​ອີກ​ເປັນຄັ້ງ​ທີ່​ສາມ ​ໃນການເລືອກ​ຕັ້ງ​ທີ່ຈະ​ມີຂຶ້ນໃນ
ວັນທີ​ 4 ເດືອນມີນາ ຄື​ວັນ​ອາທິດ​ຈະ​ມານີ້​. ເລື້ອງ​ດັ່ງກ່າວ​ກໍາລັງເປັນ​ຂ່າວທີ່​ກໍາລັງຝົດ
ເດືອດຢູ່​ໃນ​ຣັດ​ເຊຍ ​ແລະ​ເປັນ​ຫົວ​ຂໍ້​ຄັດ​ແຍ້ງກັນ​ຢ່າງ​ໃຫຍ່ ລະຫວ່າງ​ຝ່າຍ​ທີ່​ສະໜັບ
ສະໜູນ​ແລະ​ຄັດຄ້ານ ພ້ອມ​ທັງ​ມີ​ການ​ຈັບກຸມ​ຜູ້​ຄົນ​ໃນ​ຂໍ້​ຫາ​ວາງ​ແຜນລອບ​ສັງຫານ
ທ່ານ​ພູ​ຕິນນໍາ​ດ້ວຍ. ​ທ່ານສັງ​ທອງ​ໄດ້​ໃຫ້​ທັດສະນະ​ຂອງ​ທ່ານ​ດັ່ງ​ນີ້:

ທ່ານ​ສັງ​ທອງ ​ເວົ້າວ່າ ຖ້າ​ທ່ານພູ​ຕິນ ສາມາ​ດສະມັກເລືອກ​ຕັ້ງ​ໄດ້​ອີກເມື່ອ 4 ປີ​ກ່ອນນີ້
ແມ່ນ​ແນ່ນອນ​ວ່າ ທ່ານ​ຕ້ອງ​ໄດ້​ຮັບ​ໄຊຊະນະ ​ແຕ່​ມາ​ໃນ​ປັດຈຸບັນ​ນີ້ ໂອກາດ​ຂອງ​ທ່ານ​
ແມ່ນ​ມີ​ແຕ່​ພຽງ​ແຕ່ປະມານ 50% ຊຶ່ງ​ແມ່ນແຕ່ທ່ານ​ພູ​ຕິນ​ເອງກໍ​ຍັງ​ໄດ້​ເວົ້າ​ວ່າ ທ່ານ​ອາດ​
ຈະ​ບໍ່​ໄດ້​ຮັບ​ໄຊຊະນະ​ຢ່າງ​ຂາດ​ລອຍ​ ​ແລະ​ການ​ເລືອກ​ຕັ້ງ​ອາດ​ຕ້ອງ​ໄດ້​ແກ່ຍຍາວ​ໄປ​ໃນ​
ຮອບ​ທີ​ສອງ ​ຫລື​ຮອບ​ຕັດສິນ​ຊີ້​ຂາດ.

ທ່ານສັງທອງ ບຸດສີເມືອງ ມອບຂອງຂວັນເລັກໆນ້ອຍໆໃຫ້ໂຮງຮຽນ ມັດທະຍົມສົມບູນສີທອງ, ເດືອນທັນວາ 2011.

ທ່ານສັງທອງ ບຸດສີເມືອງ ມອບຂອງຂວັນເລັກໆນ້ອຍໆໃຫ້ໂຮງຮຽນ ມັດທະຍົມສົມບູນສີທອງ, ເດືອນທັນວາ 2011.

ນອກ​ຈາກ​ນີ້​ແລ້ວ ທ່ານສັງ​ທອງ
ຍັງໄດ້ລົມ​ສູ່​ວີ​ໂອ​ເອຟັງ ກ່ຽວ​ກັບ
ຊີ​ວິດ​ການ​ເປັນ​ຢູ່​ຂອງສັງຄົມ​ລາວ
ໃນ​ກຸ​ງມົສກູ. ທ່ານ​ກ່າວ​ວ່າ ປັດ​ຈຸ
ບັນ​ນີ້​ມີອະດີດ​ນັກ​ສຶກສາລາວ​ບໍ່​
ຮອດ 10 ຄົນທີ່ພາກັນແຕ່ງງານ​
ກັບ​ຜູ້ຍິງຊາວຣັດ​ເຊຍ ​ແລະ​ໄດ້
ສ້າງ​ຄອບຄົວ​ ຕັ້ງຖິ່ນ​ຖານ​ຢູ່ໃນ
ເຂດ​ນະຄອນຫລວງ​ມົສກູ. ມັນ
ເປັນສັງ​ຄົມ​ລາວທີ່​ນ້ອຍໆ ​ເພາະ
ສະ​ນັ້ນ​ຈຶ່ງບໍ່​ມີ​ການຈັດ​ຕັ້ງ​ສະມາ
ຄົມ​ໃດ​ໆ​ທັງ​ສີ້​ນ. ການ​ພົບປະ​ສັງ
ສັນ ກໍ​ແມ່ນມັກຈະພໍ້​ກັນ​ຢູ່​ໃນ​ງານ​ບຸນປີ​ໃໝ່​ ທີ່ສະຖານທູດ​ລາວ​ ໃນ​ນະ​ຄອນ​ຫລວງ​ມົສກູ.
ກ່ຽວ​ກັບ​ດ້ານ​ອາຫານ​ການ​ກິນ ທ່ານ​ບອກວ່າມີຮ້ານຕະຫລາດ ຂາຍ​ເຄຶ່ອງອາຫານ​ຈາກ
ຫວຽດນາມ ຈີນ ອີນ​ເດຍແລະ​ໄທ.

ສັງທອງຖ່າຍຮູບກັບຄູໃຫຍ່ແລະນັກຮຽນ ຫລັງຈາກມອບຂອງຂວັນແລ້ວ

ສັງທອງຖ່າຍຮູບກັບຄູໃຫຍ່ແລະນັກຮຽນ ຫລັງຈາກມອບຂອງຂວັນແລ້ວ

ໃນ​ການ​ໃຫ້​ສໍາພາດ​ກັບ VOA
ກ່ອນ​ໜ້າ​ນີ້ ​ກ່ຽວ​ກັບການກັບ
ເມື່ອຢ້ຽມຢາມປະ​ເທດເທື່ອ
ຫລ້າ​ສຸດ​ໃນ​ເດືອນ​ພະຈິກ​ແລະ
ທັນວາ​ນັ້ນ ທ່ານ​ສັງ​ທອງ​ໄດ້
ສະ​ແດງ​ຄວາມ​ພູມ​ໃຈ​ນໍາ​ຄວາມ
ຈະ​ເລີ​ນຂອງ​ບ້ານ​ເກີດ​ເມືອງ
ນອນ ຊຶ່ງ​ກໍ​ໄດ້​ມີ​ຜູ້​ຟັງ​ຫລາຍໆ​
ທ່ານ​ປະກອບ​ຄວາມ​ເຫັນເຂົ້າ​
ມາຕິຕຽນ​ວ່າ ທ່ານ​ໄດ້​ໄປ​ເຫັນ
ແຕ່​ຄວາມຈະ​ເລີ​ນຢູ່​ໃນ​ໂຕ​ເມືອງ​
ໃຫຍ່ ​ແຕ່​ບໍ່​ໄດ້​ໄປ​ເຫັນຄວາມທຸກ​ຍາກ​ຢ່າງ​ແສນ​ສາຫັດ​ຂອງ​ປະຊາຊົນ​ລາວ​ສ່ວນ​ໃຫຍ່ໃນ​ເຂດ​
ບ້ານນອກ​ນັ້ນ ທ່ານ​ສັງ​ທອງ​ມີ​ຄວາມ​ເຫັນ​ຕອບ​ວ່າ:

ໂຮງຮຽນມັດທະຍົມສົມບູນສີທອງ ຢູ່ນອກນະຄອນຫລວງວຽງຈັນ ໄກອອກໄປທາງໜອງເທວະດາ ຫລາຍສິບຫລັກ ທີ່ຫົນທາງປູຢາງ ຍັງໄປບໍ່ຮອດ ແລະເຖິງຈະມີຕຶກຮຽນດີກ່ວາໂຮງຮຽນບ້ານນອກ ຫລາຍໆແຫ່ງ ແຕ່ກໍຍັງຂາດເຂີນອຸບປະກອນການຮຽນຫລາຍຢູ່.

ໂຮງຮຽນມັດທະຍົມສົມບູນສີທອງ ຢູ່ນອກນະຄອນຫລວງວຽງຈັນ ໄກອອກໄປທາງໜອງເທວະດາ ຫລາຍສິບຫລັກ ທີ່ຫົນທາງປູຢາງ ຍັງໄປບໍ່ຮອດ ແລະເຖິງຈະມີຕຶກຮຽນດີກ່ວາໂຮງຮຽນບ້ານນອກ ຫລາຍໆແຫ່ງ ແຕ່ກໍຍັງຂາດເຂີນອຸບປະກອນການຮຽນຫລາຍຢູ່.

ທ່ານ​ສັງ​ທອງ​ບໍ່​ໄດ້​ກັບ​ຄືນ​ເມືອ​
ບ້ານພຽງ​ເພື່ອ​ໄປ​ທ່ຽວ​ມ່ວນ​ຊື່ນ
ເທົ່າ​ນັ້ນ ​ແຕ່ໄດ້​ທໍາ​ປະ​ໂຫຍ​ດ​ໃຫ້
ແກ່​ພວກ​ເດັກນ້ອຍ​ນັກຮຽນ ທີ່
ໂຮງຮຽນ​ມັດທະຍົມ​ສົມບູນສີທອງ
ນອກ​ນະຄອນຫລວງ​ວຽງ​ຈັນ​ອີກ ​
ໂດຍ​ໄດ້​ເອົາຂອງຂວັນເລັກໆ
ນ້ອຍໆໄປ​ມອບໃຫ້ ພ້ອມ​ກັບ​ປື້​ມ
ຮຽນພາສາ​ອັງກິດ ທີ່​ທາງ​ວິທະຍຸ
ວີ​ໂອ​ເອ ຫລືສຽງ​ອາ​ເມຣິກາ ໄດ້​
ຈັດພິມ ​ໂດຍ​ການ​ຮ່ວມ​ມື​ກັບ​ສະ
ຖານີ​ວິ​ທະ​ຍຸ​ແຫ່ງ​ຊາດ​ລາວ ພ້ອມ​ກັບ​ແຜ່ນ​ຊີ​ດີບົດ​ຮຽນ ​ໄປມອບ​ໃຫ້​ນໍາ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG