ລິ້ງ ສຳຫລັບເຂົ້າຫາ

ທ່ານ Sanders ແລະທ່ານນາງ Clinton ຮ້ອງຂໍ ໃນນາທີ ສຸດທ້າຍ ກ່ອນການປ່ອນບັດ ທີ່ລັດ South Carolina


ບັນດາ​ຜູ້​ສະ​ໝັກ​ປະທານາທິບໍດີ ພັກ​ເດ​ໂມ​ແຄຣັດ ທ່ານ Bernie
Sanders ​ແລະ​ທ່ານ​ນາງ Hillary Clinton ​ໄດ້​ໃຊ້​ເວລາເທື່ອ
ສຸດ​ທ້າ​ຍ ຮ້ອງ​ຂໍ​ຕໍ່ບັນດາ​ຜູ້​ມີ​ສິດປ່ອນ​ບັດ ຢູ່ທີ່​ລັດ South
Carolina ​ໃນ​ວັນ​ສຸກ​ວານ​ນີ້ ​ໃນ​ຂະນະ​ທີ່ຜູ້ມີ ຄະ​ແນນ​ສຽງນຳ​
ໜ້າຂອງ​ພັກຣິພັບ​ບລິ​ກັນ ທ່ານ Donald Trump ​ໄດ້ຮັບ​ການ
ປະກາດ​ສະໜັບສະ​ໜູນທີ່​ສຳຄັນ ຈາກຄູ່​ແຂ່ງຂັນ​ເກົ່າ.

ອະດີດ​ລັດຖະມົນຕີ ຕ່າງປະ​ເທດ ທ່ານ​ນາງ Clinton ຄາດ​ວ່າ
ຈະ​ໄດ້ຮັບ​ໄຊ​ຊະນະ ໃນການ​ເລືອກ​ຕັ້ງ​ຂັ້ນ​ຕົ້ນ​ຢ່າງ​ງາຍ​ດາຍ
​ໃນ​ວັນເສົາ​ມື້​ນີ້ ​ຢູ່​ທີ່ລັດ South Carolina ບ່ອນ​ທີ່​ທ່ານ​ນາງ​
ໄດ້​ຄອບ​ງໍາ​ ມາ​ເປັນ​ເວລາ​ຫລາຍ​ອາທິດແລ້ວ ​ໂດຍ ມີ​ຄະ​ແນນ​
ນຳ​ໜ້າ​ຫຼາຍກວ່າສິບ​ເປີ​ເຊັນ​ໃນ​ການ​ຢັ່ງຫາງ​ສຽງ ທັງ​ນີ້ສ່ວນໜຶ່ງ​ກໍ​ເປັນ​ຄວາມ​ນິຍົມ​ຂອງ
ທ່ານ​ນາງ ​ໃນ​ໝູ່ບັນດາ​ຜູ້ມີ​ສິດ​ປ່ອນ​ບັດ​ຊາວ​ອາ​ເມຣິກັນ​ເຊື້ອ ສາຍ​ອາ​ຟຣິກາຢູ່​ໃນ​ລັດດັ່ງ
ກ່າວ.

ປ້າຍໂຄສະນາຫາສຽງ ທ່ານ Bernie Sanders ທີ່ຫ້ອງການ ເມືອງ Columbia ລັດ South Carolina.

ປ້າຍໂຄສະນາຫາສຽງ ທ່ານ Bernie Sanders ທີ່ຫ້ອງການ ເມືອງ Columbia ລັດ South Carolina.

ທ່ານ Sanders ​ຫວັງ​ວ່າ​ຈະ​ເຮັດໃຫ້ການ​ແຂ່ງ​ຂັນ​ໃກ້​ຄຽງ​ກັນຫຼາຍທີ່​ສຸດ​ເທົ່າທີ່​ເປັນ​ໄປ
ໄດ້​ແຕ່່ວ່າສະມາຊິກ​ສະພາ​ສູງຈາກລັດ Vermont ປາກົດ​ວ່າເກືອບ​ໝົດຫວັງ​ແລ້ວທີ່ຈະ
ເອົາຊະນະ​ຢູ່ໃນ​ລັດດັ່ງກ່າວ. ຫວ່າງ​ບໍ່​ເທົ່າ​ໃດ​ມື້​ທີ່​ຜ່ານ​ມາ ທ່ານ​ໄດ້ໂຄສະນາ​ຫາ​ສຽງ
​ຢູ່​ລັດ​ອຶ່ນໆ ບ່ອນ​ທີ່​ການ​ຢັ່ງ​ສຽງສະ​ເໜີ​ແນະວ່າ ທ່ານ​ອາດມີ​ໂອກາດ​ຫລາຍ​ກວ່າ.

ຜູ້ສະໝັກ ປະທານາທິບໍດີ ພັກຣີພັບບລິກັນ ທ່ານ Donald Trump ຍີ້ມຫົວ ໃນຂະນະທີ່ ຜູ້ປົກຄອງລັດ New Jersey ທ່ານ Chris Christie ກ່າວຄຳປາໄສ ທີ່ເມືອງ Ft Worth ລັດ Texas.

ຜູ້ສະໝັກ ປະທານາທິບໍດີ ພັກຣີພັບບລິກັນ ທ່ານ Donald Trump ຍີ້ມຫົວ ໃນຂະນະທີ່ ຜູ້ປົກຄອງລັດ New Jersey ທ່ານ Chris Christie ກ່າວຄຳປາໄສ ທີ່ເມືອງ Ft Worth ລັດ Texas.

ທ່ານ​ນາງ Clinton ຜູ້​ທີ່​ໄດ້​ຮັບ​ຈຳນວນຜູ້ຕາງໜ້າ ລື່ນ​ທ່ານ Sanders ບໍ່ຫຼາຍ ປານ​ໃດ
​ນັ້ນ ຫລັງ​ຈາກກາ​ນ​ແຂ່ງ​ຂັນເລືອກ​ຕັ້ງຂັ້ນ​ຕົ້ນ​ສາມ​ເ​ທຶ່ອຜ່ານ​ມາ​ແລ້ວ ຍັງ ​ສືບ​ຕໍ່ຍຸດ​ທະ
​ສາດ​ຂອງທ່ານ​ນາງ ​ໃນ​ວັນ​ສຸກ​ວານ​ນີ້ ​ໂດຍໄດ້​ເນັ້ນ​ໜັກ​ໃສ່ຄຳ​ໝັ້ນ​ສັນຍາ​ຂອງ ປະທາ
ນາທິບໍດີ Barack Obama ປະທານາທິບໍດີ​ຄົນ​ຜິວ​ດຳ​ຜູ້​ທຳ​ອິດ.

ທ່ານ​ນາງ Clinton ກ່າວ​ທີ່​ການໂຄສະນາ​ຫາ​ສຽງ ໃນ​ເມືອງ Kingstree ວ່າ “ຂ້າພະ​ເຈົ້າ​
ພູມ​ໃຈ​ທີ່​ຢືນ​ຢູ່​ກັບປະທານາທິບໍດີ Obama ​ແລະ​ຂ້າພະ​ເຈົ້າ ພາກ ພູມ​ໃຈ​ຢ່າງ​ແທ້​ຈິງ ກັບ
​ຄວາມກ້າວໜ້າ ທີ່​ທ່ານ​ໄດ້ເຮັດ. ຂ້າພະ​ເຈົ້າ ​ຕ້ອງການ​ຄວາ​ມຊ່ວຍ​ເຫ​ລື​ອຈາກ​ພວກທ່ານ
​ເລີ້ມ​ດ້ວຍການ​ເລືອກ​ຕັ້ງ​ຂັ້ນ​ຕົ້ນ​ໃນວັນ​ເສົາ​ມື້​ນີ້.

ສຳລັບ​ພັກຣີພັບ​ບລິ​ກັນ ທ່ານ Trump ​ໄດ້​ຮັບ​ການ​ປະກາດ​ສະໜັບສະໜຸນຢ່າງ​ບໍ່​ຄາດ
​ຝັນ ​ໃນ​ວັນ​ສຸກ​ວານ​ນີ້ ຈາກຜູ້​ປົກຄອງ​ລັດ New Jersey ທ່ານ Chris Christie ທີ່​ຫາ​ກໍ​
ຖອນ​ໂຕ​ອອກ​ຈາກ​ການ​ແຂ່ງຂັນ​ເລືອກ​ຕັ້ງ​ປະທານາທິບໍດີ ​ເມື່ອ ບໍ່​ເທົ່າ​ໃດ​ອາທິດ​ຜ່ານ​ມານີ້.

ຜູ້ສະໝັກ ປະທານາທິບໍດີ ພັກຣີພັບບລິກັນ ທ່ານ Marco Rubio (ຊ້າຍ) ແລະ ທ່ານ Donald Trump.

ຜູ້ສະໝັກ ປະທານາທິບໍດີ ພັກຣີພັບບລິກັນ ທ່ານ Marco Rubio (ຊ້າຍ) ແລະ ທ່ານ Donald Trump.

XS
SM
MD
LG