ລິ້ງ ສຳຫລັບເຂົ້າຫາ

ໂທລະສັບ Galaxy Note 7 ທີ່ມີບັນຫາ ເຮັດໃຫ້ ລາຄາຕະຫຼາດຮຸ້ນຂອງບໍລິສັດ Samsung ຕົກຕ່ຳລົງ


ບໍລິສັດ Samsung ຢຸດເຊົາ​ຂາຍ​ແລະ​ແລກ​ຄືນ​ໂທລະສັບສະຫຼາດ Galaxy Note 7
ຍ້ອນຄວາມ​ເປັນ​ຫ່ວງ​ເລື່ອງ​ຄວາມ​ປອດ​ໄພທີ່ມີມາ ​ແລະ​ແນະ​ນຳ​ໃຫ້​ພວກ​ລູກຄ້າ ​ເຊົາ​ໃຊ້ ໂທລະສັບສະຫຼາດພວກ​ນີ້ ທັນ​ທີ. ລາຄາຕະຫຼາດ​ຮຸ້ນ ສຳ​ລັບ​ບໍລິສັດ​ເທັກ​ໂນ​ໂລ​ຈີ​ເກົາຫຼີ​ໃຕ້ ​ໄດ້​ຫຼຸດລົງຢ່າງໃຫຽ່ ​ຍ້ອນ​ຂ່າວ ​ການ​ໂຈະຂາຍ​ໂທລະສັບສະຫຼາດນີ້.

ໃນ​ວັນ​ອັງຄານ​ມື້​ນີ້ ບໍລິສັດດັ່ງກ່າວ ​ ໄດ້ຂໍ​ໃຫ້​ເຈົ້າ​ຂອງໂທລະສັບສະຫຼາດ Galaxy Note 7 ​ມອດໂທລະສັບມື​ຖືນີ້ໄວ້ ​ແລະ​ໃຫ້​ໄປປ່ຽນ​ເອົາໂທລະສັບແນວອື່ນແທນ.

ໂທລະສັບມືຖື Samsung Note 7 ທີ່ຖຶກໄໝ້ ເປັນຂອງທ້າວ Brian Green ຊຶ່ງເປັນພາບທີ່ທາງອົງການຂ່າວ Reuters, 6 ຕຸລາ, 2016.

ໂທລະສັບມືຖື Samsung Note 7 ທີ່ຖຶກໄໝ້ ເປັນຂອງທ້າວ Brian Green ຊຶ່ງເປັນພາບທີ່ທາງອົງການຂ່າວ Reuters, 6 ຕຸລາ, 2016.


ບໍລິສັດ Samsung ​ໄດ້​ກ່າວໃນ​ຖະແຫຼງການນຶ່ງວ່າ. “ພວກ​ເຮົາ​ກຳລັງ​ເຮັດ​ວຽກ​ກັບ​ໜ່ວຍ​ສືບສວນ​ສອບ​ສວນຕ່າງໆ ​ໃນ​ກໍລະນີ​ທີ່​ໄດ້ຮັບ​ລາຍ​ງານມາ ທີ່​ພົວພັບ​ກັບໂທລະສັບ ສະຫຼາດ Galaxy Note 7,” ນີ້.

ຜູ້ຊາຍໃຊ້ໂທລະສັບມືຖື iPhone ຂອງ Apple ໃນຂະນະທີ່ລາວຍ່າງຜ່ານປ້າຍຮ້ານຂາຍໂທລະສັບ Samsung ໃນນະຄອນ Seoul, ເກົາຫຼີໃຕ້, 29 ມັງກອນ, 2015.

ຜູ້ຊາຍໃຊ້ໂທລະສັບມືຖື iPhone ຂອງ Apple ໃນຂະນະທີ່ລາວຍ່າງຜ່ານປ້າຍຮ້ານຂາຍໂທລະສັບ Samsung ໃນນະຄອນ Seoul, ເກົາຫຼີໃຕ້, 29 ມັງກອນ, 2015.

ບໍລິສັດ ​ເກົາຫຼີ​ໃຕ້ ​ໄດ້​ສູນ​ເສຍ 8 ​ເປີ​ເຊັນ ໃນຕະຫຼາດ​ຮຸ້ນເວລາ​ປິດ​ຕະຫຼາດ​ໃນ​ແລງ​ວັນ​ອັງຄານ​ມື້​ນີ້.

ຄຳປະກາດດັ່ງກ່າວ​ໄດ້​ມີ​ຂຶ້ນ​ຕາມ​ມາ​ຫຼັງເຫດການ​ເລື່ອງ​ໃໝ່ທີ່ວ່າ​ເກີດມີຄວາມຮ້ອນ​ຂຶ້ນ​ໃນ​ສັບປະດາ​ຜ່ານ​ມາ ​ແລະ​ມີ​ການ​ຫຼົ້ມ​ຈົມຢ່າງໜັກ​ສຳລັບບໍລິສັດໂທລະສັບສະຫຼາດນີ້. ເຈົ້າໜ້າ​ທີ່​ສະຫະລັດຝ່າຍຄວາມປອດໄພຂອງພວກ​ລູກຄ້າ ​ກ່າວ​ວ່າ ພວກ​ເຂົາ​ເຈົ້າກຳລັງ​ສືບສວນ​ສອບ​ສວນ ​ເຫດ​ໄປ​ໄໝ້ ຫຼື​ເກີດ​ຄວາມ​ຮ້ອນ 5 ກໍລະ​ນີ ​ລຸນຫຼັງ​ໄດ້ມີປະກາດ​ເອີ້ນ​ຄືນ ​ໃນ​ເດືອນ​ແລ້ວ​ນີ້.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG