ລິ້ງ ສຳຫລັບເຂົ້າຫາ

ຜູ້ສະໝັກເລືອກຕັ້ງ ປະທານາທິບໍດີ ເກົາຫຼີໃຕ້ ອອກຫາສຽງ ມື້ສຸດທ້າຍ ກ່ອນເລືອກຕັ້ງ (ສະໄລດ໌)


ຜູ້ສະໝັກປະທານາທິບໍດີເກົາຫລີໃຕ້ ທ່ານນາງ Park Geun-hye ກໍາລັງທໍາການຫາສຽງ ຄັ້ງສຸດທ້າຍ.

ຜູ້ສະໝັກເລືອກຕັ້ງປະທານາທິບໍດີ ຂອງເກົາຫລີໃຕ້ ກໍາລັງໄດ້
ທໍາການຮຽກຮ້ອງຄັ້ງ ສຸດທ້າຍຕໍ່ຜູ້ໄປລົງຄະແນນສຽງ ໃຫ້
ເລືອກເອົາຕົນເອງ ກ່ອນໜ້າການ​ເລືອກ​ຕັ້ງທີ່ມີຄະ​ແນນ​ສຽງ​
ໃກ້​ຄຽງ​ກັນ ໃນວັນພຸດມື້ອື່ນນີ້.

ຜົນການຢັ່ງຫາງສຽງ ໄດ້ສະແດງໃຫ້ເຫັນວ່າ ຜູ້ສະໝັກເລືອກ
ຕັ້ງຈາກພັກນິຍົມແນວທາງເດີມ ທີ່ກໍາລັງກໍາອໍານາດຢູ່ໃນປັດ
ຈຸບັນທ່ານນາງ Park Geun-hye ຍັງ​ມີຄະແນນນໍາໜ້ານ້ອຍ​
ນຶ່ງຕໍ່ຄູ່ແຂ່ງຂອງທ່ານນາງທີ່ມີຫົວນິຍົມເສລີທ່ານ Moon Jae-
in.

ທ່ານນາງ Park ຈາກພັກແນວໜ້າໃໝ່ຫຼື New Front Party
ແມ່ນລູກສາວຂອງມື້ລາງທ່ານ Park Chung-hee ຈອມຜະ
ເດັດການຂອງເກົາຫລີໃຕ້. ທ່ານນາງອາດຈະກາຍເປັນປະທານາທິບໍດີຜູ້ຍິງຄົນທໍາອິດ
ຂອງເກົາຫຼີ​ໃຕ້.

ທ່ານ Moon ຈາກພັກສະຫະພັນປະຊາທິປັດ ທີ່ເປັນພັກຝ່າຍຄ້ານທີ່​ສຳຄັນນັ້ນ ແມ່ນເປັນ
ອະດີດທະນາຍຄວາມດ້ານສິດທິມະນຸດຜູ້ນຶ່ງ ຊຶ່ງຄັ້ງນຶ່ງໄດ້ຖືກຈໍາຄຸກຍ້ອນທໍາການປະ ທ້ວງຕ້ານລັດຖະບານຂອງບິດາຂອງທ່ານນາງ Park.

ຜູ້ສະໝັກປະທານາທິບໍດີທັງສອງທ່ານ ຕ່າງ​ກໍ​ໄດ້​ທຳການຮຽກຮ້ອງຂັ້ນສຸດທ້າຍຕໍ່​ພວກ​ທີ່​ນິຍົມແນວທາງ​ປານ​ກາງ ​ໂດຍໃຫ້ສັນຍາວ່າຈະແກ້ໄຂຄວາມແຕກໂຕນກັນທາງດ້ານ
ລາຍຮັບທີ່ໄດ້ຂະຫຍາຍກວ້າງອອກ ຢູ່ພາຍໃຕ້ການບໍລິຫານຂອງລັດຖະບານປະທານາ
ທິບໍດີ Lee Myung Bak.

ເບິ່ງປະມວນພາບການເລືອກຕັ້ງປະທານາທິບໍດີຂອງເກົາຫລີໃຕ້:
XS
SM
MD
LG