ລິ້ງ ສຳຫລັບເຂົ້າຫາ

54 ຄົນເສຍ​ຊີວິດ ຫຼັງຈາກເຮືອ​ແກ່​ອວນໃຫຍ່​ ຂອງຣັດ​ເຊຍ ຫລົ້ມທີ່​ທະ​ເລ Okhotsk


ຮູບພາບທີ່ບໍ່ໄດ້ລະບຸວັນເວລາ ຂອງເຮືອແກ່ອວນໃຫຍ່ ປະເພດດຽວກັນກັບ ເຮືອ Dalniy Vostok ທີ່ສະໜອງໂດຍ ກະຊວງຮັບມືກັບສະຖານະການ ສຸກເສີນ ຣັດເຊຍ ທີ່ເຫັນຢູ່ ສະຖານທີ່ ທີ່ບໍ່ເປີດເຜີຍໃຫ້ຊາບ.

ຮູບພາບທີ່ບໍ່ໄດ້ລະບຸວັນເວລາ ຂອງເຮືອແກ່ອວນໃຫຍ່ ປະເພດດຽວກັນກັບ ເຮືອ Dalniy Vostok ທີ່ສະໜອງໂດຍ ກະຊວງຮັບມືກັບສະຖານະການ ສຸກເສີນ ຣັດເຊຍ ທີ່ເຫັນຢູ່ ສະຖານທີ່ ທີ່ບໍ່ເປີດເຜີຍໃຫ້ຊາບ.

ມີລູກ​ເຮືອຢ່າງ​ນ້ອຍ 54 ຄົນ ​ເສຍ​ຊີວິດ ຫຼັງຈາກທີ່​ເຮືອ​ແກ່​ອວນ
​ໃຫຍ່​ລຳນຶ່ງຂອງຣັດ​ເຊຍ ໄດ້​ຫລົ້ມ​ລົງໃນ​ທະ​ເລ Okhotsk ​ທາງ
​ພາກ​ຕາ​ເວັນ​ອອກໄກຂອງຣັດ​ເຊຍ ​ໃນ​ວັນ​ພຸດວານ​ນີ້.

ບັນດາ​ເຈົ້າໜ້າ​ທີ່ຮັບມືກັບເຫດການ​ສຸກ​ເສີນ ກ່າວ​ວ່າ 63 ຄົນ ​
ໃນ​ຈຳນວນ 132 ຄົນທີ່ຢູ່​ເທິງ​ເຮືອ​ ໄດ້​ຮັບ​ການ​ຊ່ວຍ​ເຫຼືອອອກ
​ມາ​ໄດ້ ຫຼັງຈາກ​ເຮືອ Dalniy Vostok ຈົມ​ລົງ​ທະ​ເລທີ່​ເປັນ
ນ້ຳກ້ອນ​ ຢູ່​ໃກ້​ໆ ແຫລມ Kamchatka ຂອງຣັດ​ເຊຍ. ລູກ​ເຮືອ
15 ຄົນ ຍັງ​ຫາຍ​ສາບ​ສູນຢູ່. ບັນດາ​ເຈົ້າໜ້າ​ທີ່​ກ່າວ​ອີກ​ວ່າ ​ເຮືອ​ຈົມ
​ລົງ​ພຽງ 15 ນາ​ທີ​ເທົ່າ​ນັ້ນ ​ໃນ​ຂະນະ​ທີ່ ອຸນຫະພູມ​ຂອງ​ນ້ຳທະ​ເລ
ແມ່ນໃກ້​ຈຸດ​ແຂງ​ກ້າມ.

ພວກ​ທີ່​ໄດ້​ຮັບ​ບາດ​ເຈັບ​ສາຫັດ ​ໄດ້​ຖືກ​ນຳ​ສົ່ງ​ໂດຍ​ທາງ​ອາກາດ ​ໄປ​ຍັງ​ເມືອງ Magadan ທີ່ຫ່າງ​ອອກໄປ 250 ກິ​ໂລ​ແມັດ ຢູ່ທາງ​ທິດ​ເໜືອ.

ມີເຮືອ​ຂອງ​ຊາວປະມົງ​ໃນ​ທ້ອງ​ຖິ່ນ ຢ່າງ​ນ້ອຍ 14 ລຳ ​ເຂົ້າມາ​ຊ່ວຍ​ເຫຼືອ ​ໃນ​ປະຕິບັດ​ການ ຄົ້ນ​ຫາ ​ແລະ ກູ້​ເອົາຊີວິດຜູ້ປະສົບ​ໄພ.

​ເຮືອ​ລຳດັ່ງກ່າວ ມີ​ບັນດາລູກ​ເຮືອ​ຈາກ​ຫຼາຍໆປະເທດ. ນອກ​ເໜືອ​ຈາກ​ລູກ​ເຮືອ​ທີ່​ເປັນ​ຊາວຣັດ​ເຊຍ​ແລ້ວ ຍັງ​ມີ​ລູກ​ເຮືອ​ຈາກປະ​ເທດ​ອື່ນໆ​ເຊັ່ນ ມຽນມາ ຢູ​ເຄຣນ ລີ​ທົວ​ເນຍ ​ແລະ ວາ​ນູອາ​ທູ.

ສາ​ເຫດ​ທີ່ພາໃຫ້ເຮືອຫລົ້ມໃນ​ຄັ້ງນີ້ ​ແມ່ນ​ຍັງ​ບໍ່​ຮູ້ຈັກ​ເທື່ອ ​ຫາກແຕ່​ວ່າ ບັນດານັກ​ສືບສວນ​ສອບ​ສວນ ກ່າວ​ວ່າ ​ເຮືອ​ລຳ​ດັ່ງ​ກ່າວ​ອາດ​ຕຳວັດ​ຖຸ​ໃດ​ນຶ່ງ​ຢູ່ໃນ​ນ້ຳທະ​ເລ.

XS
SM
MD
LG