ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະພາສູງ ຣັດເຊຍ ອະນຸມັດ ໃຫ້ໃຊ້ກຳລັງທະຫານ ໃນ ຊີເຣຍ


ປະທານາທິບໍດີ ຣັດເຊຍ ທ່ານ Vladimir Putin (ກາງ) ປະທານກອງປະຊຸມ ສະພາຄວາມໝັ້ນຄົງ ຣັດເຊຍ.
ປະທານາທິບໍດີ ຣັດເຊຍ ທ່ານ Vladimir Putin (ກາງ) ປະທານກອງປະຊຸມ ສະພາຄວາມໝັ້ນຄົງ ຣັດເຊຍ.

ສະພາ​ສູງຣັດ​ເຊຍ ​ໄດ້​ໃຫ້ການອະນຸມັດ ຕໍ່​ຄຳ​ຮ້ອງ​ຂໍຂອງ
ປະທານ​າທິບໍດີ Vladimir Putin ​ໃຫ້​ສົ່ງກຳລັງທະ​ຫານໄປ
ຕ່າງປະ​ເທດ​ ເພື່ອປະຕິບັດງານຢູ່ ຊີເຣຍ ​ໃນການໃຫ້ຄວາມ​
ຊ່ວ​ຍເຫລືອ ແກ່ລັດຖະບານ​ຂອງ​ທ່ານ Basharal-Assad
ໃນ​ການສູ້​ລົບ​ ຕ້ານພວກ​ຫົວ​ຮຸນ​ແຮງລັດ​ອິສລາມ.

​ໂຄສົກຄົນນຶ່ງຂອງ​ລັດຖະບານ ກ່າວຕໍ່​ໂທລະພາບຂອງທາງ
ການ​ວ່າ ການ​ລົງ​ຄະແນນ​ສຽງ​ນີ້ ແມ່ນເຫັນ​ດີໃຫ້​ນຳໃຊ້​ກຳລັງ
​ທາງອາກາດຂອງຣັດເຊຍ ​ໃນຊີ​ເຣຍ.

ຣັດ​ເຊຍ ​ໄດ້​ເສີມກຳລັງ​ຂອງ​ຕົນ​ຢູ່ໃນຊີ​ເຣຍ ດ້ວຍ​ເຮືອບິນ​
ຖີ້ມລະ​ເບີດ ​ເຮືອບິນ​ລົບອາຍພົ່ນ ​ແລະ​ກອງ​ກຳລັງ ທີ່​ໄດ້​ໄປ​ເຖິງ​ພາກ​ຕາ​ເວັນ​ຕົກ​ສຽງ​ເໜືອ ຂອງຊີ​ເຣຍໃນໄລຍະບໍ່ເທົ່າ​ໃດ​ອາທິດ​ທີ່​ຜ່ານ​ມາ​ນີ້ ອີງ​ຕາມ​ລາຍ​ງາ​ນ​ເຈົ້າໜ້າ​ທີ່ທຳນຽບ
ຫ້າ​ແຈ.

​ໃນ​ວັນ​ຈັນ​ທີ່​ຜ່ານ​ມານີ້ ປະທານາທິບໍດີ Putin ​ໄດ້​ຖະ​ແຫລ​ງ​ເຖິງ​ການ​ເພີ້​ມບົດບາດຂອງ
ຣັດ​ເຊຍ ຢູ່​ໃນຊີ​ເຣຍ ໂດຍແຈ້ງໃຫ້ກອງ​ປະຊຸມສະມັດຊາ​ໃຫຍ່ສະຫະ​ປະຊາ​ຊາດຊາບວ່າ
ກໍາລັງ​ທະຫານ​ຊີ​ເຣຍຂອງປະທານາທິບໍດີ Assad ​ພວມ “ສູ້​ລົບ​ກັບ​ພວກ​ກໍ່​ການ​ຮ້າ​ຍແບບ
ເຊິ່ງໜ້າ ດ້ວຍຄວາມອົງອາດກ້າຫານ” ​ແລະ​ການປະຕິ​ເສດ​ ທີ່ຈະຮ່ວມມືກັບເຂົາ​ເຈົ້າ ແມ່ນ​
ເປັນ “ຄວາມ​ຜິດ​ພາດ​ອັນ​ໃຫຍ່​ຫລວງ​.” ທ່ານໄດ້​ຕິຕຽນປະເທດ​ຕາ​ເວັນ​ຕົກ ​ທີ່ໄດ້​ຕິດ​ອາ
ວຸດໃຫ້ພວກຕໍ່ຕ້ານລັດ ຖະບານ “ທີ່ນິຍົມແນວທາງປານກາງ” ​ຢູ່ໃນ​ຊີ​ເຣຍ ຜູ້​ທີ່​ທ່ານ​ກ່າວ
​ວ່າ ໄດ້​ເຂົ້າ​ຮ່ວມກຳລັງ ກັບ​ກຸ່ມ​ລັດ​ອິສລາມ.

​ກ່ອນໜ້ານັ້ນ ທ່ານ Putin ​ໄດ້​ກ່າວ​ຕໍ່​ການ​ສຳພາດ ​ກັບໂທລະພາບ ສະຫະລັດ ວ່າ ມົສກູ
ກຳລັງເພີ້ມການ​ປະຕິບັດ​ງານກັບ ປະທານາທິບໍດີ Assad ​ແລະພາຄີອື່ນໆຂອງ ຣັດເຊຍ
ຢູ່​ໃນ​ຂົງ​ເຂດ ​ແຕ່ກ່າວ​ວ່າ ທ່ານ​ບໍ່​ມີ​ແຜນ​ທີ່​ຈະ​ສົ່ງ​ກຳລັງ​ສູ້​ລົບໄປຊີເຣຍ ​ແລະ​ກ່າວ​ເພີ້​ມວ່າ “ຢ່າງ​ນ້ອຍ​ກໍໃນ​ປັດຈຸບັນນີ້.”

ທ່ານ Putin ​ໄດ້​ກ່າວ​ວ່່າ ທ່ານ Assad ຕ້ອງ​ກຳ​ອໍາ​ນາດຕໍ່ໄປເພື່ອ​ຕໍ່ສູ້​ກັບພວກ​ກໍ່​ການ​ຮ້າຍ.

​ແຕ່ສະຫະລັດ ​ໄດ້​ກົດດັນ​ໃຫ້ປະທານາທິບໍດີ Assad ລົງຈາກອຳນາດ. ປະທາ ນາທິບໍດີ
ສະຫະລັດທ່ານ Barack Obama ກ່າວ​ຢູ່​ກອງ​ປະຊຸມ​ສະມັດຊາ​ໃຫຍ່ ສະຫະ​ປະຊາ​ຊາດ
​ວ່າ ທ່ານ Assad ໄດ້“ຖີ້ມລະເບີດຖັງ​ລົງໃສ່​ປະຊາຊົນ​ຂອງ​ຕົນ​ເອງ” ​ແລະຮຽກ​ຮ້ອງ​ໃຫ້
ໂອນອຳນາດໃນ​ການ​ປົກຄອງ​ ໃຫ້ແກ່ຄົນອື່ນ.

Russia Syria
please wait
Embed

No media source currently available

0:00 0:01:28 0:00

XS
SM
MD
LG