ລິ້ງ ສຳຫລັບເຂົ້າຫາ

ນັກເຄື່ອນໄຫວ ຝ່າຍຄ້ານ ຂອງ ຣັດເຊຍ ຢຸດການ ປະທ້ວງ ອົດອາຫານ


ນັກຂຽນຂໍ້ຄວາມ blogger ຂອງ ຣັດເຊຍ Alexei Navalny, ໃຫ້ສຳພາດກັບ ວີໂອເອ ໃນນະຄອນຫຼວງ ມອສໂກ. 28 ສິງຫາ 2015, ຮຽກຮ້ອງໃຫ້ນັກເຄື່ອນໄຫວ 6 ຄົນຢຸດການ ປະທ້ວງອົດອາຫານ ແລະ ເພັ່ງເລງໃສ່ການຈັດປະທ້ວງ ໃນວັນທີ 13 ກັນຍາ ເຊິ່ງເປັນວັນເລືອກຕັ້ງຂອງ ທ້ອງຖິ່ນ ທົ່ວ ຣັດເຊຍ.

ນັກຂຽນຂໍ້ຄວາມ blogger ຂອງ ຣັດເຊຍ Alexei Navalny, ໃຫ້ສຳພາດກັບ ວີໂອເອ ໃນນະຄອນຫຼວງ ມອສໂກ. 28 ສິງຫາ 2015, ຮຽກຮ້ອງໃຫ້ນັກເຄື່ອນໄຫວ 6 ຄົນຢຸດການ ປະທ້ວງອົດອາຫານ ແລະ ເພັ່ງເລງໃສ່ການຈັດປະທ້ວງ ໃນວັນທີ 13 ກັນຍາ ເຊິ່ງເປັນວັນເລືອກຕັ້ງຂອງ ທ້ອງຖິ່ນ ທົ່ວ ຣັດເຊຍ.

ນັກເຄື່ອນ​ໄຫວ​ຕໍ່​ຕ້ານ ຣັດ​ເຊຍ ຫົກ​ຄົນ ໄດ້​ຢຸດ​ການ​ປະ​ທ້ວງ​ອົດ​ອາຫານ 12 ມື້​ຂອງ​ພວກເຂົາ​ໃນ​ວັນ​ເສົາ​ວານ​ນີ້​ ຫຼັງ​ຈາກ​ໜຶ່ງ​ຄົນ​ໃນ​ຈຳນວນ​ດັ່ງກ່າວ​ໄດ້​ຖືກ​ສົ່ງ​ເຂົ້າ​ໂຮງ​ໝໍ.

ບັນດາ​ນັກ​ເຄື່ອນ​ໄຫວ​ໃນ​ເມືອງ Novosibirsk, ເຊິ່ງ​ເປັນ​ເມືອງ​ທີ່​ໃຫຍ່​ອັນ​ດັບ​ສາມ​ຂອງ ຣັດ​ເຊຍ, ​ໄດ້​ກ່າວ​ວ່າ ການ​ຕັດສິນ​ໃຈ​ຂອງ​ພວກ​ເຂົາ​ແມ່ນ​ການ​ຕອບ​ໂຕ້​ຕໍ່​ການ​ຮຽກຮ້ອງ​ຈາກ​ຜູ້ນຳ​ຝ່າຍຄ້ານ ທ່ານ Alexei Navalny ແລະ ອີກສອງຄົນ.

ທ່ານ Navalny ໄດ້ຮຽກຮ້ອງໃຫ້ພວກເຂົາທຸກຄົນຢຸດການ ປະທ້ວງ ເພື່ອເຫັນແກ່ ສຸຂະພາບຂອງພວກເຂົາເຈົ້າ​ເອງ ແລະ
ສະ​ສົມ​ກຳລັງຂອງ ພວກເຂົາ​ໄວ້ເພື່ອກໍ່ການ ປະທ້ວງໃນນະຄອນຫຼວງ ມອສໂກ ໃນວັນທີ 13 ກັນຍານີ້, ເຊິ່ງເປັນວັນເລືອກຕັ້ງຂອງ ທ້ອງ ຖິ່ນໃນທົ່ວ ຣັດເຊຍ.

ຝ່າຍຄ້ານທີ່ມີຊື່ສຽງສຳຄັນອີກສອງຄົນ, ເຊັ່ນອະດີດ ນາຍົກ ລັດຖະມົນຕີ Mikhail Kasyanov ແລະ ອະດີດມະຫາເສດຖີນ້ຳມັນ ທ່ານ Mikhail Khodorkovsky, ທັງ​ສອງ​ຄົນຕອນ​ນີ້​ເປັນ​ສ່ວນ​ໜຶ່ງ​ຂອງ​ຝ່າ​ຍຄ້ານທີ່​ໄດ້​ເຂົ້າ​ຮ່ວມ​ໂດຍ​ການ​ຮຽກຮ້ອງ​ຂອງ​ທ່ານ Navalny.

ການ​ປະ​ທ້ວງ​ໄດ້​ເລີ່​ມຂຶ້ນ​ຫຼັງ​ຈາກ​ ຄະນະກຳມະການ​ເລືອກ​ຕັ້ງ​ໄດ້​ຕັດສິນ ຕັດ​ສິດ​ຜູ້​ສະໝັກ​ຝ່າຍ​ຄ້ານ​ຈາກ​ການ​ແຂ່ງ​ຂັນ​ເພື່ອ​ເປັນ​ສະມາ​ຊິກ​ລັດຖະສະພາ ​ເມືອງ Novosibirsk.

XS
SM
MD
LG