ເຈົ້າໜ້າທີ່ອີນໂດເນເຊຍ ແລະຣັດເຊຍ ໃຫ້ຄຳໝັ້ນສັນຍາທີ່ຈະຮ່ວມມືກັນ ໃນການ
ສືບສວນເບິ່ງວ່າ ແມ່ນຫຍັງຄືສາເຫດ ທີ່ເຮັດໃຫ້ເຮືອບິນໂດຍສານຂອງຣັດເຊຍ
ບິນເຂົ້າຕຳເຈີ້ຍພູໄຟທີ່ບໍ່ໄດ້ລະເບີດ ຢູ່ທິດໃຕ້ຂອງກຸງຈາກາຕາ ໃນອາທິດນີ້.
ເຈົ້າໜ້າທີ່ກ່າວອີກວ່າ ຜູ້ໂດຍສານຫຼາຍເຖິງ 50 ຄົນທີ່ຢູ່ໃນເຮືອບິນລຳນັ້ນ ມີທ່າ
ທາງວ່າຄົງຈະເສຍຊີວິດ ເວລາເຮືອບິນ ບິນເຂົ້າຕໍາໜ້າຜາທີ່ສູງຊັນຂອງພູ Salak
ໃນຄວາມໄວເຖິງ 800 ກິໂລແມດຕໍ່ຊົ່ວໂມງໃນ ວັນພຸດແລ້ວນີ້.
ປະທານາທິບໍດີອິນໂດເນເຊຍ ທ່ານ Susilo Mambang Yudhoyono ກ່າວຕໍ່ບັນ
ດາຄອບຄົວພວກທີ່ເຄາະຮ້າຍໃນວັນສຸກນີ້ວ່າ ຣັດເຊຍ ແລະອີນໂດເນເຊຍ ໄດ້ຕົກ
ລົງທີ່ຈະປະຕິບັດງານຮ່ວມກັນ ໃນການກູ້ໄພແລະຊອກຫາພວກທີ່ໄດ້ຮັບເຄາະ.
ທ່ານກ່າວວ່າ “ມື້ຄືນນີ້ ຂ້າພະເຈົ້າ ໄດ້ລົມກັບ ປະທານາທິບໍດີຣັດເຊຍ ທ່ານ Vladimir
Putin. ພວກເຮົາມີຄວາມເສົ້າສະຫລົດໃຈ ໃນສິ່ງທີ່ເກີດຂື້ນ. ມັນແມ່ນເຮືອບິນຂອງຣັດ
ເຊຍ ແຕ່ວ່າຜູ້ໂດຍສານສ່ວນໃຫ່ຍແມ່ນຊາວອີນໂດເນເຊຍ. ປະທານາທິບໍດີ Putin ກໍ
ໄດ້ສະແດງຄວາມເສົ້າສະຫລົດໃຈ. ພວກເຮົາໄດ້ຕົກລົງທີ່ຈະປະຕິບັດງານຮ່ວມກັນ ໃນ
ການຊອກຫາ ກູ້ໄພຫຼືຍົກຍ້າຍ ແລະສືບສວນວ່າແມ່ນຫຍັງໄດ້ເກີດຂື້ນ.
ພວກກູ້ໄພຄະນະນຶ່ງ ໃຊ້ອຸປະກອນປີນພູ ຄົ້ນຫາຕາມໜ້າຜາ ເທົ້າເຖິງປັດຈຸບັນນີ້ ໄດ້
ພົບເຫັນສົບຄົນຕາຍ ຢ່າງນ້ອຍ 10 ສົບຢູ່ທີ່ບ່ອນເກີດເຫດ. ເນື່ອງຈາກດີນຟ້າອາກາດ
ບໍ່ອໍານວຍເຮັດໃຫ້ການພະຍາຍາມຍົກ ຍ້າຍຊາກສົບອອກມາໂດຍທາງເຮຣີຄອບເຕີ້ນັ້ນ
ຕ້ອງໄດ້ປະສົບບັນຫາ