ລັດຖະມົນຕີການຕ່າງປະເທດຣັດເຊຍ ທ່່ານ Sergei Lavrov ໄດ້ເປັນເຈົ້າ ພາບຈັດກອງ
ປະຊຸມກັບຫົວໜ້າສະພາປົກຄອງຊົ່ວຄາວແຫ່ງຊາດຊີເຣຍ ຊຶ່ງເປັນກຸ່ມຝ່າຍຄ້ານທີ່ໃຫຍ່ທີ່
ສຸດ ຕໍ່ຕ້ານການປົກຄອງຂອງປະທານາທິບໍດີ Bashar al-Assad.
ໃນວັນພຸດມື້ນີ້ ທ່ານ Lavrov ໄດ້ຢືນຢັນອີກເທື່ອນຶ່ງເຖິງທ່າທີ່ຂອງຣັດເຊຍວ່າ ທັງລັດຖະ
ບານແລະພວກຝ່າຍຄ້ານຂອງຊີເຣຍ ຕ້ອງຍຸຕິຄວາມຮຸນແຮງທັງໝົດ ແລະປະຊາຊົນຊາວ
ຊີເຣຍ ຕ້ອງເປັນຜູ້ຕັດສິນໃຈກ່ຽວກັບອະນາຄົດປະເທດເຂົາ ເຈົ້າ.
ບັນດານັກການທູດກ່າວວ່າ ຣັດເຊຍທີ່ເປັນພັນທະມິດໃກ້ຊິດຂອງທ່ານ Assad ໄດ້ແຈກ
ຢາຍຮ່າງຍັດຕິສະບັບໃໝ່ຕໍ່ສະພາຄວາມໝັ້ນຄົງສະຫະປະຊາຊາດ ທີ່ ຮຽກຮ້ອງໃຫ້ຕໍ່
ອາຍຸຄະນະສັງເກດການຂອງອົງການສະຫະປະຊາຊາດຢູ່ໃນຊີເຣຍ ຕື່ມອີກສາມເດືອນ.
ຮ່າງຍັດຕິສະບັບນີ້ໄດ້ຮ້ອງຂໍໃຫ້ຄະນະສັງເກດການ ຊອກຫາຊ່ອງທາງແກ້ໄຂ ດ້ານການ
ເມືອງຕໍ່ວິກິດດັ່ງກ່າວ ແຕ່ບໍ່ໄດ້ກ່າວເຖິງ ການລົງໂທດໃດໆເລີຍ.
ສະພາຄວາມໝັ້ນຄົງຕ້ອງຕັດສິນໃຈພາຍໃນວັນທີ 20 ເດືອນກໍລະກົດນີ້ວ່າ ຈະຕໍ່ອາຍຸ
ການປະຕິບັດງານຂອງຄະນະສັງເກດການສະຫະປະຊາຊາດນັ້ນຫລືບໍ່.
ຣັດເຊຍ ແລະຈີນ ຕ່າງກໍໄດ້ຂັດຂວາງ ໃນການສະເໜີຍັດຕິສະບັບກ່ອນ ຕໍ່ອົງການ
ສະຫະປະຊາຊາດເພື່ອແກ້ໄຂບັນຫາຊີເຣຍ.
ທູດພິເສດຂອງອົງການສະຫະປະຊາຊາດ ທ່ານ Kofi Annan ມີກຳນົດທີ່ຈະ ລາຍງານ
ຕໍ່ສະພາຄວາມໝັ້ນຄົງ ໃນວັນພຸດມື້ນີ້ ລຸນຫຼັງທີ່ທ່ານໄດ້ສົນທະນາ ຫາລືກ່ຽວກັບວິກິດ
ການດັ່ງກ່ວ ໃນຕົ້ນອາທິດນີ້ກັບບັນດາຜູ້ນຳຊີເຣຍ ອີຣ່ານ ແລະອີຣັກ.