ລິ້ງ ສຳຫລັບເຂົ້າຫາ

ທ່ານ Lavrov ຢາກໃຫ້ຮວມ ເອົາ​ເຂດ ປາກ​ພາ​ສາ​ຣັດ​ເຊຍ ເຂົ້າ​ໃນ​ການ​ເຈ​ລະ​ຈາ ເລື້ອງຢູເຄຣນ (ສະ​ໄລ​ດ໌/​ວີ​ດີ​ໂອ)


ທ່ານ Sergei Lavrov ລັດຖະມົນຕີຕ່າງປະເທດຣັດເຊຍ ຮ່ວມກອງປະຊຸມຕໍ່ນັກຂ່າວ ໃນນະຄອນມົສກູ ວັນທີ 8 ເມສາ 2014.
ລັດຖະມົນຕີ​ການ​ຕ່າງປະ​ເທ​ດຣັດ​ເຊຍ ທ່ານ Sergei
Lavrov ກ່າວ​ວ່າ ຫລາຍໆ​ເຂດ​ພາກ​ຕາ​ເວັນ​ອອກສຽງໃຕ້​
ຂອງ​ຢູ​ເຄຣນນັ້ນ ຄວນ​ຖືກເອົາຮວມ ​ເຂົ້າ​ໃນ​ການເຈລະຈາ
ກ່ຽວ​ກັບ​ອະນາຄົດ​ຂອງ​ປະ​ເທດ.​

ທ່ານ Lavrov ບອກ​ພວກ​ນັກ​ຂ່າວ​ ຢູ່ນະຄອນຫລວງ​ມົສກູ
​ໃນ​ວັນ​ອັງຄານ​ມື້​ນີ້ ວ່າຣັດ​ເຊຍ​ຢາກ​ເຫັນ​ພວກ​ຂົງ​ເຂດເຫຼົ່າ
ນັ້ນ ຊຶ່ງ​ໂດຍ​ສ່ວນ​ໃຫຍ່​ແລ້ວ​ ​ແມ່ນ​ປາກ​ພາສາຣັດ​ເຊຍ​ນັ້ນ
ມີ​ຜູ້ຕາງໜ້າຢູ່​ໃນ​ການ​ເຈລະຈາ​ຫລາຍ​ຝ່າຍ.

ຂະ​ນະ​ດຽວ​ກັນ ຢູ່ນະຄອນຫລວງ​ປາຣີຂອງ​ປະ​ເທດ​ຝຣັ່ງ
ຫົວໜ້າ​ອົງການ​ເນ​ໂຕ ທ່ານ Anders Fogh Rasmussen ​ເຕືອນ​ວ່າ ການ
ແຊກ​ແຊງ​ຕື່ມ​ອີກ​ຂອງ ຣັດ​ເຊຍ ​ໃນ​ຢູ​ເຄຣນນັ້ນ ​ແມ່ນ​ຈະ​ເປັນ “ຄວາມ​ຜິດ
ພາດ​ຄັ້ງ​ປະຫວັດສາດ”
ທີ່​ຈະ​ ​ໂດດດ່ຽວຣັດ​ເຊຍ ຈາກ​ໂລກຍິ່ງ​ຂຶ້ນ​ໄປ​ອີກ.

​ໃນ​ວັນ​ອັງຄານ​ມື້​ນີ້​ເຊັ່ນ​ກັນ ກະຊວງ​ການ​ຕ່າງປະ​ເທດ​ຣັດເຊຍ ​ໄດ້ຮຽກຮ້ອງ​
ໃຫ້ ຢູ​ເຄຣນຢຸດ​ເຊົາ​ໃນ​ອັນ​ທີ່​ຕົນ​ເອິ້ນ​ວ່າ ການ​ກະກຽມ​ທາງທະຫານ ຢູ່​ໃນ​
ພາກ​ຕາ​ເວັນ​ອອກສຽງໃຕ້​ ທີ່ອາດ​ສາມາດ​ນຳ​ໄປ​ສູ່​ສົງຄາມກາງ​ເມືອງ​ໄດ້​ນັ້ນ.

ລັດຖະມົນຕີ​ກະຊວງ​ພາຍ​ໃນ​ຢູ​ເຄຣນ ທ່ານ Arsen Avakov ​ໄດ້ຖະ​ແຫຼງວ່າ
ກຳລັງ​ຂອງ​ຢູ​ເຄຣນໄດ້ຈັບ​ກຸມ ພວກ​ປະ​ທ້ວງ 70 ຄົນ​ ​ໃນ​ການ​ປະຕິບັດ​ງານ​ຕໍ່
ຕ້ານການ​ກໍ່​ການ​ຮ້າຍ​ ເພື່ອ​ຂັບ​ໄລ່​ພວກ​ເດີນ​ຂະ​ບວນປະ​ທ້ວງ​ຫົວນິຍົມຣັດ​ເຊຍ
ທີ່​ໄດ້​ຍຶດ​ເອົາ​ອາຄານ​ລັດຖະບານ​ຫຼັງ​ນຶ່ງ​ໃນ​ເມືອງ Kharkiv ນັ້ນ.

ພວກ​ປທ້ວງ​ຫົວ​ນິຍົມຣັດ​ເຊຍ​ຍຶດ​ເອົາ​ອາຄານ​ຫຼາຍຫຼັງໃນ​ວັນ​ອາທິດຜ່ານ​ມາໃນ
ເມືອງ Kharkiv, ​ເມືອງ Dionetsk ​ແລະ​ເມືອງ Luhansk. ພວກ​ປະ​ທ້ວງ​ ​ຮຽກ
ຮ້ອງ​ໃຫ້​ມີ​ການ​ລົງ​ປະຊາ​ມະຕິ​ ກ່ຽວ​ກັບ​ການ​ແຍກ​ອອກ​ຈາກ​ຢູ​ເຄຣນ ​ແບບ​ດຽວ​
ກັນກັບ​ການ​ລົງ​ປະຊາ​ມະຕິ ຢູ່​ໃນ​ເຂດ​ໄຄຣ​ເມຍ​ ເມື່ອເດືອນແລ້ວນີ້.

ທຳນຽບຂາວ ກ່າວ​ວ່າ ຕົນ​ມີ​ຫຼັກ​ຖານ​ທີ່​ວ່າ ​ພວກ​ປະ​ທ້ວງ​ບາງ​ຄົນ​ບໍ່​ແມ່ນ​ປະຊາ​
ຊົນ​ທີ່​ປາກ​ພາສາຣັດ​ເຊຍ​ໃນເຂດ​ທ້ອງ​ຖິ່ນ ​ແຕ່​ຖືກ​ນຳ​ມາ​ຈາກ​ບ່ອນ​ອື່ນ ​ແລະ​ໄ
ຮັບ​ຄ່າ​ຈ້າງ​ໃຫ້​ທຳ​ການ​ກໍ່​ຄວາມ​ວຸ້ນວາຍ​ຂຶ້ນ.

ລັດຖະມົນຕີ​ຕ່າງປະ​ເທດ​ສະຫະລັດ ທ່ານ John Kerry ​ໄດ້​ໂທລະສັບ​ໄປຫາ
​ທ່ານ Sergei Lavrov ລັດຖະມົນຕີ​ຕ່າງປະ​ເທດຣັດ​ເຊຍ ​ເພື່ອຂໍ​ຮ້ອງຣັດ​ເຊຍ
ບໍ່​ໃຫ້​ຮັບ​ຮູ້ ພວກ​ທີ່​ທ່ານ Kerry ​ເອີ້ນ​ວ່າ ພວກ​ປະ​ທ້ວງ​ເຫຼົ່ານັ້ນ ທີ່​ທ່ານ​ເອີ້ນ​
ວ່າ ​ເປັນພວກ​ຫົວ​ແບ່ງ​ແຍກ​ດິນ​ແດນ ​ແລະ​ພວກ​ກໍ່​ວິນາດສະ​ກຳ​ນັ້ນ.
Error rendering storify.
XS
SM
MD
LG