ລິ້ງ ສຳຫລັບເຂົ້າຫາ

ປ. ໂອບາມາ ກ່າວວ່າ ສະຫະລັດ ຈະພົວພັນ ກັບຣັດເຊຍ ໃນເລື້ອງ ສົ່ງອາວຸດ ໄປໃຫ້ຊີເຣຍ


ປະທານາທິບໍດີສະຫະລັດ ທ່ານບາຣັກ ໂອບາມາ ພວມຈະອອກເດີນທາງ ໄປຄ້າຍ Fort Meade ໃນລັດ Maryland. (11 ກັນຍາ 2015)

ປະທານາທິບໍດີສະຫະລັດ ທ່ານບາຣັກ ໂອບາມາ ພວມຈະອອກເດີນທາງ ໄປຄ້າຍ Fort Meade ໃນລັດ Maryland. (11 ກັນຍາ 2015)

ປະທານາທິບໍດີບາຣັກ ໂອບາມາ ກ່າວວ່າ ການເຄື່ອນໄຫວຂອງ
ຣັດເຊຍຢູ່ໃນຊີເຣຍອາດປ້ອງກັນບໍ່ໃຫ້ສະຫະລັດແລະສະມາຊິກ ປະເທດອື່ນໆຂອງແນວໂຮມພາຍໃຕ້ການນຳພາຂອງສະຫະລັດ ສາມາດທຳການແກ້ໄຂທາງດ້ານການເມືອງຢູ່ໃນຊີເຣຍ.

ທ່ານໂອບາມາ ກ່າວໃນວັນສຸກວານນີ້ວ່າ ສະຫະລັດຈະທຳການ
ພົວພັນກັບຣັດເຊຍ ກ່ຽວກັບຍຸດທະສາດ ທີ່ຈະສະໜອງການສະ
ໜັບສະໜຸນທາງດ້ານທະຫານເພີ້ມຂຶ້ນ ຕໍ່ລັດຖະບານຂອງທ່ານ
Assad ຢູ່ໃນຊີເຣຍ.

ທ່ານໂອບາມາເວົ້າວ່າ “ແລະຖ້າຫາກວ່າ ເຂົາເຈົ້າເຕັມໃຈ ທີ່ຈະ
ເຮັດວຽກຮ່ວມກັບພວກເຮົາ ແນວໂຮມຂອງ 60 ປະເທດທີ່ພວກເຮົາຕັ້ງຂຶ້ນມາ ຈາກນັ້ນມັນ ອາດມີຄວາມເປັນໄປໄດ້ ໃນການຕົກລົງກັນ ຊຶ່ງປະທານາທິບໍດີຊີເຣຍ ທ່ານ Bashar al-
Assad ຈະລົງຈາກອຳນາດ ແລະແນວຮ່ວມນິຍົມແນວທາງປານກາງຈຸໃໝ່ ທີ່ບໍ່ຝັກໄຝ່ໃນ
ດ້ານສາສະໜາ ແລະກຳລັງທີ່ຮວມເອົາທຸກພັກຝ່າຍອາດຈະສາມາດຕັ້ງຂຶ້ນມາແລະຟື້ນຟູ ຄວາມເປັນລະບຽບຮຽບຮ້ອຍ ຢູ່ໃນປະເທດດັ່ງກ່າວ ນັ້ນຄື ເປົ້າໝາຍຂອງພວກເຮົາ.” ແຕ່
ທ່ານໂອບາມາກ່າວຕື່ມວ່າ “ນີ້ອາດຈະເປັນການສົນທະນາຫາລືທີ່ຍືດຍາວ.”

ເຈົ້າໜ້າທີ່ຄົນນຶ່ງ ຂອງທຳນຽບຫ້າແຈ ກ່າວຕໍ່ວີໂອເອ ໃນວັນສຸກວານນີ້ວ່າ ຣັດເຊຍໄດ້ສົ່ງ
ທະຫານມາຣີນ 200 ຄົນໄປຍັງຊີເຣຍພ້ອມທັງເຮືອນທີ່ສາມາດປະກອບເຂົ້າກັນໄດ້ງ່າຍໆ ສຳລັບພວກທະຫານ 1,500 ຄົນ. ມາຮອດເວລານີ້ ເຈົ້າໜ້າທີ່ກ່າວວ່າ ສ່ວນໃຫຍ່ຂອງອຸບ ປະກອນທີ່ໄດ້ສົ່ງໄປແລ້ວນັ້ນ ກໍມີປືນໃຫຍ່ ເຄື່ອງຄວບຄຸມ ລູກສອນໄຟນຳວິຖີ ໄລຍະໃກ້ ແລະລົດຫຸ້ມເກາະ 10 ກວ່າຄັນ ຊຶ່ງເປັນທີ່ປາກົດວ່າ ເປັນອາວຸດທີ່ໃຊ້ສຳລັບປ້ອງກັນຫຼາຍ ກວ່າ.

XS
SM
MD
LG