ລິ້ງ ສຳຫລັບເຂົ້າຫາ

ຣັດເຊຍ ປະທ້ວງ ສະຫະລັດ ທີ່ຈະໃຫ້ ການຊ່ວຍເຫລືອອາວຸດ ແກ່ ຢູເຄຣນ


ຮອງປະທານາທິບໍດີ ສະຫະລັດ ທ່ານ Joe Biden (ຊ້າຍ) ຈັບມືກັບ ປະທານາທິບໍດີ ຢູເຄຣນ ທ່ານ Petro Poroshenko.

ຣັດ​ເຊຍ ກ່າວ​ວ່າ ​ຈະມີ​ຜົນ​ກະທົບ​ຕິດ​ຕາມມາ ຖ້າ​ຫາກ ວໍຊິງ​
ຕັນລົງ​ໂທດ​ໃໝ່ຕໍ່ມົສກູ ຍ້ອນ​ວິ​ກິ​ດການ​ໃນ ຢູ​ເຄຣນ.

ຮອງ​ລັດຖະມົນຕີ ຕ່າງປະ​ເທດຣັດ​ເຊຍ ທ່ານ Sergei Rya-
bkov ​ໃນ​ວັນ​ເສົາ​ມື້​ນີ້ ​ໄດ້​ຖິ້ມ​ໂທດ​ໃສ່ “ອາລົມ​ຕໍ່​ຕ້ານຣັດ​ເຊຍ”
​ໃນວໍຊິງ​ຕັນ ວ່າ​ເປັນ​ຕົ້ນ​ເຫດ​ທີ່​ພາ​ໃຫ້​ມີ​ການ​ຮັບ​ຜ່ານ​ຮ່າງ​ກົດ
ໝາຍ​ໃໝ່ ​ທີ່​ອະນຸຍາດ​ໃຫ້ສົ່ງ​ອາ​ວຸດຮ້າ​ຍ​ແຮງ ​ໄປ​ຊ່ວຍ​ Kyiv
​ແລະ​ລົງ​ໂທດຣັດ​ເຊຍ ​ໜັກ​ລົງ​ໄປ​ອີກນັ້ນ.

ກະຊວງ​ຕ່າງປະ​ເທດຣັດ​ເຊຍ ກ່າວ​ຢູ່​ໃນ​ຖະ​ແຫລ​ງການໃນ​ວັນ​
ສຸກ​ວານ​ນີ້​ວ່າ ຮ່າງ​ກົດໝາຍທີ່​ເອີ້ນ​ວ່າ ກົດໝາຍ​ສະໜັບສະໜຸນ
ເສລີພາບ​ຢູເຄຣນ ແມ່ນ​ມີ “​ລັກສະນະທ້າ​ທາຍຢ່າງເປີ​ດ​ເຜີຍ” ​ແລະເທົ່າ​ກັບເປັນ​ການ
"ຂົ່ມຂູ່​ໃຫ້ຍິນ​ຍອມ ຫລື blackmail.”

ກະຊວງ​ຕ່າງປະ​ເທດຣັດ​ເຊຍ ກ່າວ​ວ່າ ຮ່າງ​ກົດໝາຍນີ້​ຈະ​ສ້າງ "ຄວາ​ມຜິດ​ຫວັງ​ຢ່າງ​ເລິກ
​ເຊິ່ງ" ​ແລະ​ທຳລາຍ​ໂອກາດ ສຳ​ຫລັບ​ຄວາມພະຍາຍາ​ມຮ່ວມກັນ​ໃດໆເພື່ອ​ທີ່​ຈະ​ຍຸດຕິ​ວິ
​ກີດ​ການ​ໃນຢູ​ເຄຣນນັ້ນ.

ຄາດ​ວ່າ ລັດຖະມົນຕີຕ່າງປະ​ເທດຣັດ​ເຊຍ ທ່ານ Sergei Lavrov ຈະ​ສົນທະນາ​ເລື່ອງ​ນີ້
ກັບ ລັດຖະມົນຕີຕ່າງປະ​ເທດສະຫະລັດ ທ່ານ John Kerry ​ເວລາພວກ​ທ່ານ​ພົບ​ກັນ ​ໃນ​
ວັນ​ຈັນ ທີ່​ນະຄອນ Rome.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG