ລິ້ງ ສຳຫລັບເຂົ້າຫາ

ທ່ານພູຕິນ ຮຽກຮ້ອງໃຫ້ ຊາວຣັດເຊຍ ສາມັກຄີກັນ (ເບິ່ງສະໄລດ໌ກັບວີດີໂອ)

  • ທອງປານ ເທບວົງສາ

ພູຕິນ ຂະນະກ່າວຄໍາປາໃສໃນນາມນາຍົກລັດຖະມົນຕີ ຄັ້ງສຸດທ້າຍ ຕໍ່ສະພາຕໍ່າດູມາຣັດເຊຍ ກ່ອນຈະເຂົ້າຮັບ ຕໍາແໜ່ງປະທານາທິບໍດີໃນ
ພຶດສະພາຕໍ່ໜ້ານີ້

ພູຕິນ ຂະນະກ່າວຄໍາປາໃສໃນນາມນາຍົກລັດຖະມົນຕີ ຄັ້ງສຸດທ້າຍ ຕໍ່ສະພາຕໍ່າດູມາຣັດເຊຍ ກ່ອນຈະເຂົ້າຮັບ ຕໍາແໜ່ງປະທານາທິບໍດີໃນ ພຶດສະພາຕໍ່ໜ້ານີ້

ທ່ານ Vladimir Putin ນາຍົກລັດຖະມົນຕີຣັດ​ເຊຍ ກໍາລັງ​ຮຽກຮ້ອງ​ໃຫ້ຊາວຣັດ​ເຊຍ​ທຸກ
ຖ້ວນ​ໜ້າ​ຈົ່ງ​ພາກັນ​ເຄຶ່ອນ​ໄຫວ​ກາຍ​ໄປ​ກວ່າຄວາມ​ເຈັບ​ຊໍ້າ ກັນ​ທາງ​ການ​ເມືອງ​ທີ່​ເຮັດ​ໃຫ້
ປະຊາຊົນ​ຫລາຍ​ພັນ​ຄົນ​ລົງ​ສູ່​ຖະນົນ​ຫົນທາງ​ເພື່ອ​ປະ​ທ້ວງ ​ຫຼັງຈາກ​ການ​ເລືອກ​ຕັ້ງ​ ທີ່ຍັງ​
ຜົນ​ໃຫ້​ປະ​ເທດ​ຊາດ​ເກີດ​ແບ່ງແຍກ​ກັນ.

ທ່ານ ພູ​ຕິນ ກ່າວ​ອີກ​ວ່າ ມັນ​ເຖິງ​ເວລາ​ແລ້ວ​ທີ່​ພວກ​ເຮົາຈະ​ເຄຶ່ອນ​ໄຫວ​ໄປໜ້າ​ກາຍ​ໄປ​
ກວ່າ​ຄວາມ​ສະ​ເທືອ​ນ​ໃຈ​ແລະ​ການ​ຖົກ​ຖຽງ​ກັນ​ດ້ານ​ການ​ເມືອງ​ທີ່​ເພີ່ມ​ທະວີ​ຂຶ້ນ​ໄປ​ນັບ​ມື້​ນັ້ນ
ລຸນ​ຫຼັງການ​ເລືອກ​ຕັ້ງທ່ານເອົາ​ຕໍາ​ແໜ່​ງປະທາ ນາທິບໍດີ​. ທ່ານ​ພູ​ຕິນ ກ່າວ​ອີກ​ວ່າ ບັດ​ນີ້
ມັນ​ເປັນຄວາມ​ຮັບຜິດຊອບ​ຂອງ​ ພັກ​ການ​ເມືອງ​ໝົດ​ທຸກ​ພັກ ທີ່​ຈະ​ປຸ້​ມລຸ​ມ ຮ່ວມ​ແຮງ​ກັນ
ເພື່ອ​ປັບປຸງ​ຊີວິດ ຄວາມ​ເປັນ​ຢູ່​ຂອງ​ຊາວຣັດ​ເຊຍ​ນັ້ນ.

ຄໍາ​ປາໄສ​ປະ​ຈໍາປີ​ຂອງ​ທ່ານພູ​ຕິນຕໍ່​ສະພາ​ດູ​ມາຫລື​ສະພາ​ຕໍ່າ​ຂອງຣັດ​ເຊຍ ​ເມື່ອ​ວັນ​ພຸດ​ມື້​ນີ້
ເປັນ​ຄໍາ​ປາໄສ​ຄັ້ງ​ສຸດ​ທ້າຍໃນ​ນາມ​ນາຍົກ​ລັດຖະມົນຕີ​ຂອງ​ທ່ານ. ທ່ານ​ພູ​ຕິນ ຕຽມ​ທີ່​ຈະ​ສາ
ບານ​ຕົວ​ເຂົ້າຮັບ​ຕໍາ​ແໜ່​ງປະທານາ ທິບໍດີ​ສະ​ໄໝ​ທີ່​ສາມ​ຂອງ​ທ່ານ​ໃນ​ວັນ​ທີ່ 7 ​ເດືອນ​ພຶດສະ
ພາ​ຕໍ່ໜ້າ​ນີ້.

ນອກ​ນີ້​ແລ້ວ ນາຍົກ​ລັດຖະມົນຕີ ພູ​ຕິນ ຍັງ​ໄດ້​ເພ່ງ​ເລັງ​ໃສ່​ເສດຖະກິດ​ຂອງປະ​ເທດ​ຣັດ​ເຊຍ
ຊຶ່ງ​ໄດ້ປະ​ເຊີນ​ກັບ​ອຸບປະສັກ​ຮ້າຍ​ແຮງ​ຕ່າງໆໃນ​ໄລຍະ​ບໍ່​ເທົ່າ​ໃດ​ປີຜ່ານມາ​ນີ້.

ກ່ອນ​ຄໍາ​ປາໄສ​ຂອງ​ທ່ານ​ພູ​ຕິນນັ້ນ ຕໍາຫລວດ​ມົສກູ ​ໄດ້​ຈັບ​ກຸມ​ພວກ​ປະທ້ວງ​ຫລາຍ​ຄົນ ​
ເວລາ​ພວກ​ເຂົາ​ເຈົ້າ​ເຄື່ອນ​ເຂົ້າ​ໄປ​ໃກ້ໆສະພາ​ດູ​ມາ ​ຊຶ່ງ​ໂຮມທັງທ່ານ Sergei Udaltsov
ນັກ​ເຄຶ່ອນ​ໄຫວ​ຝ່າຍ​ຄ້ານ​ຂອງ​ຣັດເຊຍ. ທ່ານ Udaltsov ​ເປັນ​ຜູ້​ນຶ່ງ ​ໃນ​ພວກຜູ້​ນໍາ​ການ​
ປະ​ທ້ວງ​ຄັ້ງ​ໃຫຍ່​ຫຼັງຈາກການ​ເລືອກ​ຕັ້ງ​ປະທານາທິບໍ​ດີ​ຂອງ​ຣັດ​ເຊຍໃນ​ເດືອນ​ມີນາ​ຜ່ານ​ມາ.

ຄລິກບ່ອນລູກສອນ ແຈຂ້າງເທີງເພື່ອເບິ່ງສະໄລດ໌:

Loading...
XS
SM
MD
LG