ລິ້ງ ສຳຫລັບເຂົ້າຫາ

ພົບເຫັນເຮືອຊູຊີບລໍານຶ່ງ ໃກ້ຖານເຈາະນໍ້າມັນ ຂອງຣັດເຊຍທີ່ຈົມນໍ້າ

  • ທອງປານ ເທບວົງສາ

ຖານເຈາະນໍ້າມັນຂອງຣັດເຊຍ ທີ່ປະສົບອຸບັດເຫດຈົມນໍ້າ

ໄດ້​ພົບ​ເຫັນ​ເຮືອ​ຊູຊີບ ລໍາ​ນຶ່ງ​ເມື່ອ​ວັນ​ຈັນ​ມື້​ນີ້ ຢູ່​ໃນ​ນໍ້າ​ທີ່​ເປັນ​ນໍ້າກ້ອນ ຢູ່​ໄກ້ກັບ​ເຮືອ​ຖານ
ເຈາະ​ນໍ້າມັນ​ທີ່​ຈົມ​ໄປ​ນັ້ນ. ​ເຮືອ​ຊູຊີບ​ດັ່ງກ່າວ​ສາມາດ​ບັນທຸກ​ໄດ້ 15 ຄົນ ເວລາ​ນີ້ພວກເຈົ້າ
ໜ້າ​ທີ່​ກູ້​ໄພ ຍັງ​ບໍ່​ຢືນຢັນ​ໄດ້​ເທື່ອ​ວ່າ​ມີ​ຜູ້​ລອດຊີວິດຫລື​ບໍ່.

ຢ່າງ​ໜ້ອຍ​ມີ​ຜູ້​ເສຍ​ຊີວິດ 16 ຄົນ ​ແລະ 37 ຄົນ​ຫາຍ​ສາບ​ສູນ ຫລັງ​ຈາກ ​ຖານ​ເຈາະ​ນໍ້າມັນ
ຈົມ​ນໍ້າແລ້ວ ​ເມື່ອ​ຕອນ​ເຊົ້າວັນ​ອາທິດ​ວານ​ນີ້ ທີ່​ເຂດ​ນໍ້າ ທະ​ເລ Okshotsk ​ທີ່​ເປັນ​ນໍ້າ
ກ້ອນນັ້ນ.

ກະຊວງ​ຂົນ​ສົ່ງຣັດ​ເຊຍ ກ່າວ​ວ່າ ພວກ​ລູກ​ເຮືອ 14 ຄົນ​ຖືກ​ຊ່ວຍ​ຊີວິດ​ໄວ້ໄດ້ ​ໂດຍ​ເຮືອ​ທັບ​
ນໍ້າກ້ອນ ​ແລະ ​ເຮືອ​ລາກ ຫລັງ​ຈາກ​ຖານ​ເຈາະ​ນໍ້າມັນ ຖືກ​ກະທົບ​ໂດຍ​ຄື້ນ​ໃຫຍ່ ແລະ​ເລີ່​ມ
ຈົມ​ລົງ ​ໃນ​ຂະນະ​ຖືກ​ລາກ​ໄປ​ໄລຍະ 200 ກິ​ໂລເມັດ ນອກ​ຝັ່ງຂອງ​ເກາະ Sakhalin ນັ້ນ.

XS
SM
MD
LG