ລິ້ງ ສຳຫລັບເຂົ້າຫາ

ທ່ານ Navalny ຜູ້ຕິຕຽນການສໍ້ລາດບັງຫລວງ ຈະວິ້ງເຕັ້ນສະໝັກເປັນປະທານາທິບໍດີຣັດເຊຍ


ທ່ານ Alexey Navalny ຜູ້ຕໍ່ຕ້ານການສໍ້ລາດບັງຫລວງ ກ່າວຕໍ່ ຝຸງຊົນທີ່ເຕົ້າໂຮມກັນ ໃນນະຄອນມົສກູ ໃນເດືອນກັນຍາ 2015.

ນັກ​ເຄື່ອນ​ໄຫວ​ຕ້ານ​ການ​ສໍ້​ລາດ​ບັງ​ຫລວງ​ໄດ້​ປະກາດ​ວ່າ ທ່ານ​ຈະສະໝັກ​ເປັນ​ປະທານາ ທິບໍດີຣັດ​ເຊຍ​ໃນ​ປີ 2018 ຫລັງ​ຈາກ​ການ​ຫັກຫ້າມທ່ານ ບໍ່​ໃຫ້ສະໝັກ​ເອົາຕໍ່າແໜ່ງການ​ເມືອງ​ໄດ້​ຖືກ​ລົບ​ລ້າງ​ໃນ​ເດືອນ​ແລ້ວ​ນີ້.

ທ່ານ Alexai Navalny ອາຍຸ 40 ປີ ​ເປັນ​ຜູ້ນຳ​ຝ່າຍ​ຄ້ານ​ພັກ​ກ້າວໜ້າ ​ແລະ​ໄດ້​ເປັນ​ນຶ່ງ​ທີ່ເປັນ​ຜູ້ອອກປາກ​ອອກສຽງ​ຕິ​ຕຽນ ປະທານາທິບໍດີ​ຄົນ​ປັດຈຸບັນ ທ່ານ Vladimir Putin ຜູ້​ທີ່​ທ່ານ​ໄດ້​ກ່າວ​ຫາ​ຊຸກ​ເຊື່ອງ ​ແລະ​ສໍ້​ລາດບັງຫຼວງ.

ທ່ານ Navalny ​ໄດ້​ປະກາດ​ໃນ​ວັນ​ອັງຄານ​ວານ​ນີ້ ຜ່ານ​ທາງ​ວີ​ດີ​ໂອ ຕິດ​ຕັ້ງ​ຢູ່​ໜ້າ​ແວັບ​ໄຊ​ໂຄສະນາ​ຫາ​ສຽງ​ຂອງ​ທ່ານ.

((https://www.youtube.com/watch?v=wkN8sSrUbdY))

ທ່ານ Navalny ກ່າວ​ຢູ່​ໃນ​ວີ​ດີ​ໂດ​ວ່າ “ມັນ​ເຖິງເວລາ​ສຳລັບ​ພວກ​ເຮົາແລ້ວ​ທີ່​ຈະ​ເລືອກ ​ເອົາ ບໍ່​ແມ່ນ​ແຕ່​ພຽງ​ຄົນ​ດຽວ​ຢູ່​ໃນ​ການ​ເລືອກ​ຕັ້ງ. ມັນ​ເຖິງ​ເວລາ​ທີ່​ຈະ​ເລືອກເອົາ​ລະຫວ່າງ​ການ​ບໍ່​ເໜັງ​ຕີງ ​ກັບ​ໂຄງການ​ພັດທະນາ.”

ທ່ານ Navalny ​ໄດ້​ຊ່ວຍ​ນຳພາ​ການ​ປະ​ທ້ວງ​ຄັ້ງ​ໃຫຍ່​ໃນ​ເດືອນ​ທັນວາ 2011ຫລັງ​ຈາກ​ການ​ເລືອກ​ຕັ້ງ​ສະພາ​ທີ່​ຖືກ​ກ່າວ​ຫາວ່າ​ມີ​ການ​ຕົວະຕົ້ມ ​ແລະ​ການ​ປະ​ທ້ວງ​ອຶ່ນໆ​ໃນ​ນະ ຄອນ​ມົນ​ກູ​ໃນ​ເດືອນ​ມີນາ 2012 ຫລັງ​ຈາກ​ທ່ານ Putin ​ໄດ້​ຖືກ​ເລືອກ​ເປັນ​ປະທານາທິບໍ​ດີຄືນໃໝ່. ທ່່ານ​ໄດ້​ນຳພາ​ມູນ​ນິທິ​ຕ້ານ​ສໍ້​ລາດ​ບັງ​ຫລວງ ທີ່​ໄດ້​ເຜີຍ​ແຜ່​ຢູ່​ໃນເອກ​ກະສາ​ນ​ ເປີດ​ເຜີຍ​ຊີວິດທີ່​ຫລູຫລາມ່ວນ​ຊື່ນ​ໂດຍ​ບັນດາ​ເຈົ້າ​ໜ້າ​ທີ່​ລັດຖະບານ.

​ໃນ​ປີ 2013 ທ່ານ Navalny ​ໄດ້​ຮັບ​ການ​ຝາກ​ໂທດ​ຫ້າ​ປີ ​ໃນ​ຖານ​ກ່າວ​ຫາ​ ຕົ​ວະຕົ້ມທີ່​ກ່າວ​ວ່າ​ເປັນ​ດ້ານການ​ເມືອງ. ບັນດາ​ການ​ກ່າວ​ຫາ​ຕົວະ​ຕົ້ມ​ໃນ​ຂັ້ນ​ຕົ້ນ​ໄດ້​ເຮັດ​ໃຫ້​ທ່ານ Navalny ບໍ່​ໃຫ້ສະ​ໜັກ​ຢູ່​ໃນ​ຫ້ອງການການເມືອງ ​ແຕ່​ໃນ​ເ​ດືອນ​ແລ້ວ​ນີ້ ສານ​ສູງ​ສຸດຣັ​ດ​ເຊຍ​ໄດ້​ສັ່ງ​ໃຫ້​ດຳ​ເນີນ​ຂະ​ດີ​ທ່ານ Navalny ​ຄືນໃໝ່ ຫລັງ​ຈາກໄດ້ຕັດສິນ​ວ່າ ການ​ດຳ​ເນີນ​ຂະ​ດີຄັ້ງ​ແລກ​ບໍ່ມີ​ຄວາມ​ທ່ຽງ​ທຳ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG